تحتَ شِعار الخـوف
بقلم : نور الطرفي
﴿وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا﴾
لتنسون التصويت و التعليق بين الفقرات لطفيني🤏🏻🩷.
___________________________
ليال
كملنه دراسه و رحنه بالصالة نسولف و نضحك و نغير جو لروحنه و فجأة سمعنه صرخه امي الي خلت كل نمسه بجسمنه تهتز و صار الي محد جان متوقعه راح يصير ..
ليال : طفرت و ركضت اريد اعرف مصدر الصوت من وين ما ادري تيهت كمت ما اعرف ليا مكان اروح شفت ملاك و ياسين بالمطبخ ركضت للمطبخ لكيت امي واكعه بالكاع و هُمه كاعدين حوليها و بس يبجون و امي ماكو حته حركه متتحرك
- ولكم شبيها شبيهااا فهموني
اباوع لايه مخترعه و صافنه
ركضت اخذت مي بارد و غسلت بي وجها و ياسين و اضرب بوجها على كيفي و ما كعدت حسيت الدنيا فترت بيه صحت بملاك تجيبلي عطر قوي
جابتليا شممتها اكثر من مره ماكعدت هنا مجان عندي خيار غير المُستشفى
لكيت عبايه مشموره جريتها حطيتها على راسي و طلعت اركض رحت لبيت خالد ادك لباب بهمجيه و بكُل و قوتي طلعلي خالد
- شبيج كسرتي الباب شبييجج.
- تعال فدوه تعال امي واكعه متحرك لا ايد ولا رجل.
- واني شعليه بيها عساكم بالاعظم طبكم مرض ادري مبتلي بيكم .
- عليك الله بس تعال ودينه للمستشفى و روح ابوسها لايدك .
-لتلحين مالي خلكج روحي اخذيلج تكسي .
- فدوه والله ماكدر بس تعال وصلنه امي راح تروح من ايدنه.
- دمشي امشي انتي متسكتين .
ليال : رحت اركض لكيت ملاك ملبسه امي الحجاب بالكوه ياسين شالها لبسناها العبايه و صعدناها بالسياره.
ليال : فدوه بس استعجل لا يصير بيها شي .
خالد : بت ال*** تريديني اطير .
أنت تقرأ
تحت شعار الخوف
Romanceفتيات يرغبن في عيش حياة هادئة لكن صراعات هَذهِ الحياة غيرت مجرى ما اعتدن عليه و ما يردن ليحدث لهن ما هو اسوء مما هن اعتدن ✨✨🎀
