بين عينيها حكايا

الجزء الثاني

#بين_عينيها_حكايا
.
.
.
.
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️

.
.
.
.
.
.

وتضل الليش بية تعيل
وأتمناني دون أحساس

١٩٧٢

شذرة
______________________

داخلين على سنة جديدة والجو باااارد

متجمعة آني وسمية وسعيد يم الجمرية
شعلهة النة جليل ولحد مايهفت الخشب يدخلهة
للغرفة

سمية وسعيد دخلو عالخمس سنوات
واني مقبلة عال١٧
ابوي رايح لكركوك يجيب جبن ومعجون وسوالف المونة
الشتوية حتى يبيعهة بالمحل

وأحنة هالفترة ملتزم بينة جليل ميطلع
هواية يگول اكو حركة مريبة جاي تصير
ومتخوف هو والحزب اللي ينتميلة

فمخفف من نشاطة ويداوم بس بالمدرسة معلم فنية
أبوي بهالكم سنة صار نشاط شغلة وبضاعتة
بس من كركوك ومحافظات الشمال

ويتأخر بالأيام من هاي جليل أستقر وبدة يطلع ويا
سعيد للدوام وعلمة هواي حروف وقراية

هالليلة مجانت ليلة عادية
جو بارد يگص گص ومغيم

واني ضايجة وهالاحساس مال الكآبة
من يصيبني فجأة معناهة

اكو شي راح يصير نعسو الجهال وغفو على دفو
الجمرية

رفعتهم عالفراش وگمت للحوش أحس گلبي مختنگ ودكاتة متخربطة

طلعلي جليل من غرفتة يفرك بأيدة ويحاجيني

-شذورة شعندج بهالبرد برة

-شو مختنگة جليل احس الهوى مجاي يفوت لريتي
تدري اكره هالاحساس

نفس هاي الخنگة والضوجة مريت بيهة من مات جدي
ومن ماتت أمي الدنيا أحسهة تريد تاخذ مني شي
ياخوفي ياخوية

- تعاي ندخل وسويلي جاي من جوة ايدج الحلوة وخل نتسامر يم الدفو وسمي بسم الله
هذا يسمو جزع يابعد اخوج

سحبني جوة جنحة وجاي ندخل وسمعنا الباب أندفعت
ودخل أبوي ركضتلة للباب مثل كل مرة
وتصنمت وجمدت بمكاني من دخلت ورا مرة
بأيدهة جنطة ملابس

يبس حلگي ولساني ماگدر ينطق
باوعلي أبوي وعبالك عرف شيدور براسي

- شذرة بوية تقربي

تقربتلة باس راسي و دفعني بلطف ناحية المرة
جانت مو جبيرة تقريبا بالثلاثين بيضة وطويلة نسبيا
ونطق الكلمة اللي مجنت اريد أسمعهة أبد

-هاي دلخاز مرتي وأن شاء الله امكم الثانية

بس سمعت هالكلمة شهگت ودرت وجهي لجليل
اللي غيم شكلة وتعصب