Royal Omega Become My Mate [Completed]

Royal Omega - 28

Royal Omega Become My Mate
_________________________________

ရွှေရောင်လိုတောက်ပတဲ့နေ့....

ထို့နေ့.. ရွှေရောင်လိုတောက်ပတဲ့ ထို့နေမှာ ရင်သွေးငယ်လေးကိုဖွားမြင်တော့မည်။ အခက်အခဲတွေကြားမှ ရုန်းကန်ကာ ရင်သွေးငယ်လေးဟာ အမှောင်ထုထဲမှ အလင်းရောင်ဆီသို့စတင်တိုးဝင်သည့်ထို့နေ့မှာ..တော်ဝင်တိုင်းပြည်ဟာ ရွှေရောင်လိုတောက်ပလာခဲ့တော့မည်။

ခေါင်းဆောင်Jeon နဲ့ တော်ဝင်အိုမီဂါ Min တို့ရဲ့ အဖိုးတန်ရတနာ သားတော်လေး။

မွေးခါစကပင် ကျားရဲကဲ့သို့စူးရှတဲ့မျက်ဝန်းအစုံ၊ ပေါ်လွင်တဲ့နှာတံနှင့် တိတင်းပိရိသောနှုတ်ခမ်းပါးတို့ဟာ သေချာပေါက် သူ့ခမည်းတော်နဲ့သိပ်ကိုတူလှသည်။ ဖြူဖွေးနေတဲ့အသားအရေမဟုတ်ပဲ အညိုရောင်ဆန်သည့်အသားအရေနဲ့ Min ရဲ့သားတော်ဟာ သူ့၏မျက်နှာကျနှင့်လိုက်ဖက်စွာရှိ၏။ သားငယ်၏ ထိုပုံစံတွေအရ သားတော်ဟာအရွယ်ရောက်လာရင်အင်အားကြီး အယ်လ်ဖာဖြစ်လာလိမ့်မည်။ အိုမီဂါတွေကြားရေပန်းစားလာမယ့် သားတော်ကို Min အခုချိန်ကနေ နှမြောနေပါပီလေ။

သူ့ခမည်းတော်နဲ့တူလွန်းတဲ့သားဟာ သူ့ခမည်းတော်လက်ထဲကမဆင်းချင်ပါ။ တစ်ခါတစ်ခါ သူ့ခမည်းတော်ကိုမတွေ့ရင် အကျယ်ကြီးအော်ငိုတတ်၍ Jeon မှာ သားတော်အိပ်ချိန်များတွင်သာ နန်းဆောင်အပြင်ထွက်ရသည့်အဖြစ်။ သားတော်ဟာထိုမျှလောက်အထိ သူ့ခမည်းတော်ကိုတွယ်တာသည်။

သို့သော် ယနေ့မှာတော့သားတော်ဟာ အလိုက်သိစွာ အထိန်းတော်Jin ရဲ့လက်ထဲမှာငြိမ်နေလေသည်။ သားတော်နဲ့သိပ်လိုက်တဲ့ရွှေရောင်ဝတ်စုံလေးကို ဝတ်ဆင်ပေးထားပြီး သားတော်ဟာတော်ဝင်တိုင်းပြည်က မင်္ဂလာပွဲတစ်ခုမှာ ပါဝင်ဆင်နွှဲဖို့အဆင်သင့်ဖြစ်နေခဲ့ပြီ။

ဟုတ်သည်..ဒီနေ့ဟာ Jeon နဲ့ Min တို့ရဲ့ထိမ်းမြားလက်ဆက်ခြင်းနေ့။ သားတော်လေးနှစ်လပြည့်မှသာ မင်္ဂလာပွဲကိုကျင်းပခဲ့ပေမယ့် သားတော်ပါ ပါဝင်ဆင်နွှဲရသည်မို့ Min ပျော်ပါသည်။

နန်းတော်တစ်ခုလုံး ရွှေရောင်ကိုသာအသုံးပြုကာ သေသပ်လွန်းတဲ့အပြင်အဆင်၊ လှပလွန်းတဲ့အသုံးအဆောင်များ၊ များပြားလွန်းတဲ့အစားအသောက်တို့အပြင် သိပ်ကိုတောက်ပလွန်းသည့် တော်ဝင်နန်းတော်ကြီးက သိပ်ချစ်ရတဲ့အစ်ကိုတော်ဟာ Min အတွက်ပြင်ဆင်ပေးခဲ့ခြင်း။ အစ်ကိုတော်ဟာ Min အပေါ်မှာသိပ်ကိုအနစ်နာခံခဲ့ပါသည်။ ယခုအချိန်အထိ Min ကိုသာဦးစားပေးသည်။ အထိန်းတော်ကြီးနဲ့ချစ်နေတာကြာနေပြီဖြစ်ပေမယ့် လက်ဆက်မှုမပြုလုပ်သေးပဲ Min ကိုသာဦးစားပေးခဲ့သည်။