وَطن

إعلان + مَشاهِد🦅 .

#وَطـن

الكاتبـه:- رَهَف آل شاهر

قَوي بـارد
عَنيد جامـد
صاحِب سُلطه مـعروف
عَن قوتـهِ مـوصوف
ما الذي حَصل مَعهُ
ليَصبح بذلِك البرود
مُتشوقين للتَعرف
لِـ نبدأ مـعَ
وَطن .

الوَصف مِن أناملي .

_____
المَشهد الأول

لابس اللابكوت واركض بالمُستشفىٰ هذا اليريد مُتبرع دَم وهذا اليصرخ يريد أحد يفحص مريضه وأشكال وألوان استوقفني صوت استغفرت بداخلي ودرت وجهي ارسم الابتسامه

- تفضل أخوي
- أختي بالداخل ياريت تتطمن عليها
- أخي الاطباء بالداخل وأني مو من ضمنهم أتمنىٰ تعذرني بَس مااگدر

مسح وجهه بقوه وأستغفر أبتعدت شوي شوي شكله كأنما مُجرم الوشوم صاعده علىٰ رگبته ونضراته تحسسك مسوي شي خطأ!

- ياعيني صار ساعه أصيحك
- علىٰ كيفچ هيَه عشر دقايق

قاطَع حَديثنا صوت تلفوني أنتبهتلها هزت إيدها وتركتني ردت الحگها بَس أنتبهت للرَقم مُسجل "خالتي" أستغربت لأن يعرفوني دائمًا مُنشغل وماارد علىٰ أتصالاتهم

- ياهَلا بـ....
- الحگناا فدووووه أمك توفتت...

                                          _____
                                     المَشهد الثاني

لميت شَعري وگمت بكُل حماس أسوي كيكَه لأن راح يجي شغلت أغنيتنا بصوت عالي وأغني وياها حَماس بشكل مو طبيعي دخلت الكيكَه بالفِرن وأنقطعت الأغنيه بسبب إتصال

- عُمري حطيت الكيكَه بالفِرن أنتظرك
- أعتذر أختي بَس صاحب التلفون مسوي حادِث وحاليًا أحنا بمُستشفىٰ """"" إذا تعرفين أحد ياريت تجون

صَدمة عُمري من سِمعت الخَبر لا أرادي سديته وركضت طلعت من البيت ركُض رُغم المسافه البعيده بَس وصلت نفسي أنقطع وكليتي توجعني بشكل مو طبيعي!

سألت المُمرضه بالرُبع ساعه وهيَه تحاول تفهم شنو أقصد أخر شي صرخت بوجهها

- دااگللچ نقلووا واحد مسوي حادِث شبيچ
- بَس حضرتچ مانطيتيني أسم
- شلللچ بالصخاام رقمم غرفته ويـ...

حسيت بشخص يلزم زندي ويحچي وياي وأحنا نمشي أو بالأحرىٰ نركض
- أمشي منا هوَ مناا

بقيت مركزه شوي وعرفته هذا أخو!
وصلنا يم غرفة العمليات چان أكو ولد گاعد مدري شنو حچوا وأني گلبي وفكري يمه مُده مو طويله وطلع الدكتور يهز براسه