ارواح مُقـيدة
الكاتبة ليان اسعد الموسوي
ilaeanw9
• الخاتمة •
•________________________•
إذا نطق السفيه فلَا تَجُبه
فَخيْر مِن إِجاَبَته السٌكوتُ
فَإِن كَلِمتَه فَرجَت عَنْه
وَإِن خَلَيتَه كمدًا يَمٔوتُ
ريماس..
كعدت على صوت الحجية زهرة وهي تفتح الباب وتصيح علية
فركت عيوني وكمت كعدت باوعتلها
كالت
-ها صح النوم حبيبة يلا غسلي وانزلي تريكي وراج مشوار طويل ..
حجيت بعدم فم واني ابعد الغطة عني وانزل رجلي من السرير
- شنو مشوار ما فهمت
- ما اعرف بس سيف كال اكعدج تتريكين حتى تطلعون ، يلا انه نازلة لا تتاخرين
هزيت راسي وكمت بعد ما طلعت ، رحت غسلت وجهي
ونزلت جوة لكيت سيف كاعد على الطاولة يتربك والحجية تصب جاي
رفعت راسها باوعتلي ابتسمت واردفت
-يلا تعالي كعدي تريكي يمة
كعدت ما حجيت شي
صبتلي جاي ونطتني صمون
اكلت بهدوء وهي هم صارت تاكل ، رن تلفون سيف الله
رفعت راسي اباوعلة بفضول بس قرأ الاسم وقفلة ما جاوب شوية
و كام من السفرة واردف
سيف الله: كملي وتحضري نروح للمحكمة
عكدت حاجبي وكلت
ريماس: ليش شنو نسوي؟
سيف الله: نثبت عقد محكمة
كمت من الطاولة اتبعة واحجي برفض
ريماس: ومنو كلك راح اضل على ذمتك حتى نعقد محكمة
سيف الله: براحتج لعد ، انا علمودج كلت حتى اخذج الاهلج بعد
المحكمة بس انتِ ادرى
ضليت واكفة اباوعلة بنص عينة شلون يكدر يلعب علية
بلعت ريكي ، إني منا اريد اهلي اشوفهم ، واريد انفصل عنة وهو هسة يكلي
نعقد محكمة يلا لشوفهم حرت
ريماس: راح تطلكني وترجعني الاهلي كافي الي سويته بية
حجيت وعيوني دمعت
سيف الله: طلاك ما اطلك ، اما بالنسبة الاهلج فانتي حره بالاختيار
نعقد محكمة اخذج تشوفين اهلج ، ما نعقد محكمة انسي تشوفيهم
عصبني بس بنفس الوقت ماريد انفعل واسوي مشكلة ويا وهو يحجي بهدوء
ريماس: بس اني ماريدك
سيف الله: وإني اريدج ومستحيل اتركج
تقربت علي وحجيت واني اباوع لعيونه
ريماس: إني احب شخص غيرك واسمة مصطفى هم
ضحك وحك طرف حنكة باوعلي واردف وهو بعده مبتسم
أنت تقرأ
أرواح مُقيدة
Mystery / Thrillerفي مكان ما... وفي زمنٍ لم يكن بالحسبان، ثلاث أخوات تبدأ حكايتُهن من نفس الباب، لكن شيئاً ما... غيّر كل شيء. لم تكن الحياة عادلة، رغم تفوقهن، رغم أحلامهن، رغم قلوبٍ اعتادت أن تصدّق، أن تسامح، أن تُحب. في لحظة واحدة، تبعثرت الطرق، وتغيرت الوجوه، سقطت...
