بين عينيها حكايا

الجزء الثالث

#بين_عينيها_حكايا
.
.
.
.
.
.
.
.
.

متابعة للحساب فضلاً وليس أمراً
تصويت وتعليق دعم منكم جميلاتي للحساب

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها 🚫
.
.
.
.
.
.
.
.
.
.

هذا الموت
جسر للا نهاية
اعليه كلنا انفـوت

___________________________

مرت سنتين بين مد وجزر وسوالف دلخاز اللي ماتخلص
اخواني السنة رابع أبتدائي

دخلنة سنة ١٩٧٦

جليل أنتقل وبشكل كلي لتكريت أجة نقلة هناك
وطعمة بعدة ببغداد هو وعائلتة فرغت الساحة
لدلخاز وأذتنة هواية
مأارتاحينة منهة الا من اخذهة أبوية لأختهة
لحلبچة بقت هناك شهر

حالياً عمري ١٩سنة وكم خاطب يجي مااقبل لخاطر
أخواني

خلص الشهر ورجعت دلخاز وياهة ولد شاب عمرة بالعشرينات
أبن أختهة الچبير جايبتة يشتغل ويا أبوية
قابلت تصرفهم برفض
وأتصلت بأخوتي من تلفون البيت اللي ركبة النة أبوية حتى من نريد نتصل منروح لأي أحد
أجو
گامت مشكلة وماگعدت بس أبوي چان محكم رأية
وهو عصبي ويحچي

-زحمة من دلخاز متستحون گايمة بأخوانكم صار سنين
مايوم تذمرت ولا يوم أذتهم

-لا مو زحمة ولد شاب وأخواتي صغار شلون تقبلهة

-أنت بالذات تسكت جليل انت همي الثگيل عفت ديرتك وراكضلي ورا الحزب ولك بس اطهم مجال ألا يسحلونة كلنة للسجن
ماتفكر بأخواتك ينسجنن وهنة بنات

- هذا مو موضوعنة

-يابة فهمنة هسة يرجع الولد لأهلة لو آخذ اخوتي وياي لبغداد

-طعمة بوية خليك بحياتك معليك اني اعرف مصلحتهم
وبعدين الولد راح يگعد بغرفة جليل القديمة بابهة عالحديقة مو داخل الحوش أنتهى النقاش بهالموضوع

راحو أخوتي وهمة زعلانين
ودخلت عمامي بالموضوع وقابلهم ابوية بالرفض والأستنكار لكلامهم
وآني أكلت رزالة لأن بلغتهم
أما الولد أسمة سيمان جان أشقر بعيون زرك ملون بحمار
عينة متطايرة وميعجب بس يبصبص

بذاك الوقت جنت ملتزمة ومستورة
بس فقدت حريتي ببيت أهلي وحجابي براسي ٢٤ساعة
أشوفة دائما بغرفة مرت أبوية

ويتبسبسون بينهم
وطلعاتهم هواية بالأسبوع مرتين ثلاثة
ترجع تبخر بالبيت وترشرش

آني جنت جاهلة بهالأمور
بس حجيت لعمتي سدرة ودگت صدرهة

-صخام الصخمهة ولچ هاي تسوي أعمال

-يعني شتسوي عمة

-تسوي سحر