الحلو المر [قصة كاملة]

الجزء 15

داخلة تتخبط بالرجليها و ساخطة على الوضعية ...وقفات فالباب الفيلا تتصوني فانترفون....لا من المجيب ...دازت الفيلا جمال الدين من الباب الجردة القدامي ...صونات فتحات ليها الباب جيهان ...

غالية: سلام (شافت نهيلة)..نتي هنا وانا جالسة نصوني؟؟

نهيلة: طاعة الله واش نتي مولات الدار و ماعندكش السوارت ؟؟

غالية: لي خلاه خوك كمليه نتي..بعدي مني عفااكي

جيهان: انا فالكوزينة انطيب الغدا..

نهيلة: انا نجي معاك ..

غالية (ناضت تبعاتهم ) ختي جيهان اليوم جمعة طيبي لينا الطعام

جيهان: بدون النفس...واااخ ....(حلات تلاجة تتجبد الخضرة و تحط و نهيلة جبدات الكصعة و عاطياها للعين

نهيلة: مالكي البنت؟؟

جيهان: تقهرت اختي..جمال ماخلانيش نحضر خطوبة بنت خالتي ..

غالية: عطوني نقي ليكم الخضرا ؟؟

عطاتها نهيلة الخضرا و الموس و بانيو ..فوق الطبلة فين جالسة و دارت هيا و جيهان وحدة تتنصب اللحم و نهيلة تتفزك الطعام ..

نهيلة: ماعندك ماديري اختي!! راكي عارفاه هضرتو ماتتعاودش ..انا راه النفس ماكنتش تنطلعها قدامو

جيهان: كما قلتي ماعندي ماندير !! فوقاش العرس نتي وعلاء؟؟

نهيلة: تيجمع الوراق ديالو..ولاكن والله الا تلفت فين نديروو؟؟

جيهان: هنا ولا الفيلا فريد ...

نهيلة: ماشي على البلاصة !! و على العائلة بابا الله يرحمو ..راه بيهم بزااف ..كنت عاودت مرات عمي بللي جايني الخطاب و فرحو ليا بحال بغاو نروح من عندهم..ويلا درت عندهم ايعرضو على الهاجوج و الماجوج

جيهان: يمشي علاء يخطبك من عندهم و العرس يدار هناا ...و خفي عليك عرضيهم هما بالحساب

نهيلة: اها!! مزيانة هاد القضية ...ولاكن انا مابغيت العرس وهنطقة غير الجلسة بيناتنا و صاافي

جيهان: اوا لليلة الوحدة فالعمر ..بروفيطي تانتي !! جيبي نكافة  و صاوبي و ليلة ادوز وصافي ..

غالية: (مادة ليهم بانييو) ساليت 😃

نهيلة: (شداات بانيو عاد شافت فالخضرا) اويلي 😤

جيهان: هههه اويلي الكرعة الخضرا طيرات ليها الجلدة ..غير ررميهاا

نهيلة: مِي مي...نتي خاصك الكبيرة تقادك