تحت سيادة القانون

نور

- شوفي نور انتِ لازم تحكمين عقلج ترا الي ديصير صعب الله يساعدج مدري شلون متحملة!

- متحملة لان عندي قلب مال مطي كلشي يتحمل.
ضحكنا اثنين سوا وهي غصت بالاكل

-باوعي تذكرين من جنتِ مكطعة المستشفى والشباب ساحلين روحهم عليج!

-من جنت شابة والحياة ماخذتها بطولها و عرضها.
ضحكت وكالت
-ديلا ع اساس هسه مقصرة ماهم رشاد و ياسين يتعاركون عليج.

-انطمي انتِ وياهم، المهم رشاد بعد ما يطخ لساني بي.
باوعتلي بطرف عين

-و ياسين!

-ياسين بس اجاري حتى ما يسوي شي.

- نور حبيبي سوي الي تشوفي مناسب واني وياج بكلشي.

-ان شاء الله حبيبي.

رحت ارتاحيت شوي ونمت كعدت ب١٢ لان واجبي يبلش هسه
سويت كوفي واخذت دفتر وطلعت من الدار، الجو جان كلش حلو كعدت ع المسطبة الي قريبة ع الطبابة
جانت النجوم واضحة بالليل كعدت اتأملهم شوي
حسيت بحركة من وراي انداريت وشفت ياسين جاي
كعد بصفي واخذ الكوفي مني شرب منها ورجعها

- كلت اجي اكعد يمج بلكت تتأمليني مثل ما كاعدة تتأملين النجوم.
باوعي بنظرات هادئة و كأن هو مركز الهدوء
ابتسمت وكلت