الحلو المر [قصة كاملة]

الجزء 19

...فريد: واش كلتي ليهم شي الحاجة ؟؟

جمال الدين: الهضرة ماشي هنا زيد الخربتك ..

...فعلا دازو من الجردة اللور و دخلو الدارو و تاكد جمال من الباب مسدود ..و قف قدامو و فريد جالس فوق الكرسي

جمال الدين: مااصدقتيش ..طلعتي شمااتة

فريد: كمدهاا و سكت..

جمال الدين: امساك بالمعروف او التصريح بالمعروف...العنف و الغوات و الضرب و السب عمروو كان الحل ..البنت فااش اذااتك ؟؟ فاش قصرت معااك؟ كي اماانة فين حطيتيهاا فين تبقى؟؟ ياك انت لي كنتي تشكر فيهاا و تكول حمد الله جاب لينا الله البنات الناس اما كن بقينا على الكبيرة كن تندورو فالبيران؟؟ شنوو تبدل ؟؟ عجباتك ديك ختنا البارح ؟؟

فاش تيتجمع عليك النذم و الحسرة و الخيانة النفس تتلقى ملجاء واحد هو الدموع و الرجال تيبكيو بقلبهم ...محطم لابعد الدرجة هادي حالة فريد ...

:دبا غير قولي واش الهضرة لي قلت فالكلينيك قولتيها لجيهان ولا علاء قالها لنهيلة؟؟

جمال الدين: ماهضرنا مازمرنا...

فريد: انا ماطحتش مع هاديك دالباارح..نهار لي تلاقيتهاا و من تصرفاتها و ضحكتها و شوفاتها باينة السيدة ماسهلاش و مصيفطاها الكبيرة تلعب بيا! كنت متبع معاها الخطة و صاافي..

جمال الدين: اسمع انت غلطتي ...لاش تخليها تماادى ؟؟ علاش ضربتي مراتك؟؟

فريد: الصمت

جمال الدين: واش تتحس براسك ق@يها و صلتيها لافاان ولا غير ضاهس ؟؟

فريد: انا خاايف عليهاا بزااف ...غالية مزال نية ماااانقدرش مااااانقدرش نزيدها باليدي لللكبيرة ..للهما تكول راه ديك الوجه الحبس تلفاتني على مراتي ولا تلفها هيا باليديهاا ..

جمال الدين: انت كلتيها بفمك ...الله يسهل عليها ماتصلاحش ليهاا....سير عند الكبيرة شبع بيهاا ..عنداك ماتزوجك و تقوم بيك ..فاش تشبع تلقى الريح مااشي غالية

فريد: توواااحد ماااقااادر يفهمني!!! توااااحد!! اناا تنحس عندي العقدة رابطة لياا قلبي تتعصروو وديك العقدة هياا الكبيرة واش مااشي من حقي نقرب من المراة لي ولدااتني و نفك هاد العقدة ..(تينهج المرارة تتطلع لفموو) عاارفهاا ماشي صاافية و عااارفهاا هدفهاا هو انت !! عاارف انا البيذق تتلعب بيه ولاكن نفسي تتجرني ليهاا...باغي ناخد صفعة منها بااش نبرد تااني

جمال الدين: متكي بالذراعو على الحيط و يديه فمو و تيشوف فيه...اهاا من بعد؟؟