ဒေါ်နန်းခင်နှင်းတို့ လင်မယားမှာ မြင့်မိုရ်နှင့်ဥဂ္ဂံ၏ မင်္ဂလာဦး ဆွမ်းကပ်အတွက် ပြင်ဆင်နေရသည်မို့ အခုရက်ပိုင်း အိမ်ကို ညအိပ်ရုံသာ ပြန်လာဖြစ်သည်။ မြင့်မိုရ်၏ ဆန္ဒအတိုင်း မင်္ဂလာဦးဆွမ်းကပ် လုပ်ပေးပေမဲ့ ထိုဆွမ်းကပ်ကိုပင် တခမ်းတနား ပြည့်စုံသည်အထိ ကြိုးစားပေးကြသည်။
" လိုချင်တာ ၊ ဖြစ်ချင်တာရှိရင် အန်တီတို့ကို ပြောနော်။ ဖြည့်ဆည်းပေးမယ်။ ပြောရမှာ ရှိန်နေရင်၊အားနာနေရင် အငယ်လေးက တဆင့်ပြောခိုင်းလည်းရတယ်။ အားလုံး စိတ်တိုင်းကျ ဖြစ်စေရမယ်နော်။ "
ထိုစကားကို ဒေါ်နန်းခင်နှင်းက မြင့်မိုရ်အား တဖွဖွ ပြောသည်။အရင်ကတည်းက အရမ်းခင်မင်လာခဲ့ပြီး အခုလို တော်စပ်မှုတစ်မျိုး ပြောင်းသွားတော့လည်း ယခင်ကထက် ပို၍တောင် အလိုလိုက်သေးသည်။
" နေ့လယ်စာ မင်းတို့ ဘာစားချင်လဲ။ "
မီးဖိုချောင်နှင့်ထမင်းစားခန်း တွဲလျက်ရှိသည်မို့ ထမင်းစားပွဲဘေးမှ ခုံတွင် အမြွှာညီ၊အစ်ကို နှစ်ယောက်လုံး ထိုင်နေကာ အသီးသီး စာလုပ်နေကြသည်။ မြင့်မိုရ်က စားပွဲပေါ် လက်နှစ်ဖက်ထောက်ရင်း မေးလိုက်တော့ ဥဂ္ဂံက အရင် မော့ကြည့်လာသည်။
"ဘာစားချင်လဲ မမေးပါနဲ့။ ဘာချက်တတ်လည်းပဲ အရင်ပြောပါ။ "
မြင့်မိုရ်၏ မျက်နှာမှာ ချက်ချင်းတည်သွားသည်။ ဥက္ကာက ထိုနှစ်ယောက်အား ကြည့်ရင်း ရယ်ကာ ပြော၏။
" Blamer ကိုလင်း "
မြင့်မိုရ်က အမြွာနှစ်ယောက်လုံးအား ခပ်မာမာ ကြည့်လိုက်သည်။
" ရှိတာပဲ ချက်လိုက်တော့မယ်။ မေးရင် ရောင့်တက်ကြတယ်။ "
ဥဂ္ဂံက စာကုန်းရေးနေရင်းမှ မြင့်မိုရ်အား တစ်ချက် ကြည့်လိုက်သည်။
" Gasအိုးဖွင့်ပေးမယ်။ ဖွင့်တဲ့နေရာက မာတယ်။ "
ဥဂ္ဂံက ထလိုက်ပြီး ဟင်းချက်ခုံအောက်မှ အစိမ်းရောင် Gasအိုးကို လက်ဖြင့်ဖိကာ အားထည့်ဖွင့်လိုက်သည်။မြင့်မိုရ်က ရေခဲသေတ္တာထဲမှ ဟင်းချက်ပစ္စည်းတွေ သွားထုတ်လာပြီး ခုံပေါ်တင်သည်။
YOU ARE READING
Youth , Sweet Love
RomanceMyanmar×OC Fic cover crd to pinterest နုနုပျိုပျို ချစ်ခြင်းလေးတစ်ခု ႏုႏုပ်ိဳပ်ိဳ ခ်စ္ျခင္းေလးတစ္ခု 11.4.2024 _
