*لايهم من يبدأ فلاخير هو من ينتصر*
-الفصل الثاني - :
🔥أنثى سبب هيجاني🔥
#الحلقة61
رحمة : اففف هذاك لي كان ناقصني
ناضت من فوق فراش لابسة شورط مع بودي تاعو
بيسان (صفرت) : اوووهااا ياختي عمبالك نتي لي يتزوج بيك راح تتهلاي فيه بزاف
رحمة: شكون قالك حنتزوج ؟؟
بيسان: نصف دين حبيبتي
وخرجت خلاتها تتنهد
جبدت من لخزانة غوب بعدة الون صيفية
مرسوم فيها القارص ورق اخضر بلون مميز
كان لغوب حد ركبة بزاف شاابة
تخلي العنق باين
شعرها لماتو كعكعة هابطة دارت مناڨشها صغار وشابين في لون باج لامعين
دارت ميكاب خفيف مبين ملامحها وبشرتها لامعة
ايشادو خفيف فوق عينيه ماسكارا ..حمرة خدود وهيلايتؤ
وفلاخير كملتها باحمر شفاه فلون الوردي الباااارد يبان طبيعي
وخرجت برا تسلم على الموجودين
وقعدت جنب عمتها كريمة
لي من لي جات وهي تخزر فيها من فوق لتحت حتى نطقت
كريمة: رحمة واش ديري لوجهك يابنتي باش هكا راه فيه هذيك لمعة
مسكينة بنتي وجهها كامل او حب ولي ساغن وشفتي اي قريب خطبتها
تبسمت معاه وتكملت معاها بكل نية صافية: والله يا طاطا مندير والوا هاهي قدامك ماما متخلينيش كامل ندير كلش خلطة لوجهي
كريمة: اممممم قولي بلي خفتي من لعين برك على بيها محبيتيش تقولي
رحمة: واش هذي الهدرة ياطااطا تعرفيني انا نخمم هكا
كريمة: ايه ولا خفتي بنتي تولي شابة عليك متخميش هي اصلن راح تتزوج نتي راكي حتبقاي في دار قولي واش ديري لخلقيتك وخلاص مكاش لي راح يقبل عليك
شافت فيها بواحد نظرة من عينيها تعرف بلي كسرتها بهدرتها
هديك شوفة لي نشوفوها في بنادم كي يوجعك بهدرتو ومتكونش اصلن متوقعها منو هكاك شافة فيها
ضحكت بخفة تحاول تغطي على نغمة لبكا لي راح تحكم صوتها
رحمة: بوووه عليك ياطااطا تروح غير يوتيوب تولي بشرتها تلمع ولا ديها لطبيب يعطيها كاس بوماد و روتين تبعو
كريمة : علاه تشوفي فيها جرب ناضلها حتى تروح لطبيب
هنا دخلت احلام بيسك هي لخرة قلقتها
احلام بنفعال: طااطا شوفي نتي وبنتك لي يسعادك
شافت في رحمة
هيا رحمة معايا كوزينة تعاونيني
ناضت معاها وكريمة قاعدت تكيل فيها من فوق لتحت لا حشمة ولا رمشة
#يتبع
_____________
*لايهم من يبدأ فلأخير هو من ينتصر*
-الفصل الثاني- :
�أنثى سبب هيجاني�
#الحلقة62
أنت تقرأ
♨️بــنــت الــكــبــران♨️
عاطفية_____ 🎥🎥 القصة بعنوان: " بــنـت الــكـبــران" قالت: "لم أكن اعرف بقيمة الوطن حتى تزوجت مدافع عنه" قال: " ومن الوهلة الاولى أسميتها عفيفة طاهرة" القصة تتضمن كل من #عنف..مشاهد بوليسية...منظمات ..مافيا...قتل...غيرة..تملك..عشق.. .. مراحش نحكي عليه...
