طلع وصكر الباب دق نياف عليها:غزلاني
غزلان:هلا
نياف:بتنامين؟
غزلان:اي
نياف:خلاص خليج بالمكالمه ونامي
غزلان:لا تسولف اذا سوالفت بصكر
نياف:مابسولف
بعد مده نامت وهو نام معاها،الفجر الساعه 5 دخل فارس وبيده كوب ماي بارد ووقف عندها وكب عليها فزت وبجت:زق علييك اطلع برا
فارس ضحك:خلاص يالبجايه
غزلان صرخت:ااااااططلللعععع
فارس تقدم يحضنها:خلاص ياروحي اسف
غزلان:خرعتني
فارس:خلاص والله اسف
غزلان:شتبي؟
فارس:امشي غرفتي جبت سناكات و مشروبات وقهوه وحلا وكل شي حتى مطعم
غزلان:صبر روح وانا اجي
طلع وشافت المكالمه مو مصكرها عرفت انه نام حطت تلفونها على السرير ودخلت الحمام "أكرم القارئ" وطلعت بدلت وعدلت فراشها وخذت تلفونها وراحت غرفه فارس دخلت وصكرت الباب قعدت على السرير وفتح لها الاكل تاكل بعدها فتح السوني يلعبون كود وبدو يخلصون من كود ويلعبون ببجي قطت اليد عليه وانسدحت:تعبت كم الساعه؟
فارس طالع الساعه وانصدم حك راسه:ثلاث العصر
غزلان:خراا علييك بس تصدق مافيني نوم
فارس:هم انا
غزلان:امش نشوف امي
قامو ونزلو
حنين:غريبه قاعدين مبجر
باسو راسها وقعدو:مو نايمين من امس
حنين:شعندكم؟
غزلان:كنا نلعب
حنين:تبون اكل؟
فارس:لا قبل اشوي ماكلين
غزلان قامت:بروح انام قعدوني المغرب عشان بروح
فارس:خير مو قلت لج بعد اسبوع تروحين
حنين:عدل كلام اخوج اقعدي على الاقل يومين
غزلان:بشوف
راحت غرفتها خذت تلفونها ولقت المكالمه لحد الحين مو مصكره قعدت على القنفه الي بغرفتها وكلمت نياف:قاعد؟
نياف:اي
غزلان:امي تقول اضل عندهم يومين وفارس يبي اضل اسبوع وانت تبي ارجع اليوم شسوي؟
نياف:انتي شنو تبين؟
غزلان:بكرا اجي بليل عادي؟
نياف:كيفج ياروحي
غزلان:انت بالدوام صح؟
نياف:اي لحظت صج شعندج قاعده؟
غزلان:مو نايمه من امس
نياف:نامي
غزلان:ادري الحين بنام
نياف:يلا تبين شي
غزلان:سلامتك
نياف:اذا تبين شي دقي علي
غزلان:ابشر
صكرت وراحت تنام
لمغرب قعدت خذت لها شور و طلبت لها قهوه تمكيجت ولبست وطلعت سلمت على شيخه وقعدت تلعب مع غلا بعد مده دق السايق وقال لها انه برا
غزلان:بروح اجيب قهوتي وايي
فارس:مو تطولين انطرج
غزلان عطته بوسه بالهوا:ابشر
طلعت للسايق خذت قهوتها وكان السايق مو راضي ينزل من سيارته فا اهيا طلعت له خذت طلبها:شكرا
لفت وجهها تبي تدخل البيت فجاه تجي سياره سودا وينزلون منها ثلاثه ويمسكونها ويحطون شي اسود على راسها لأجل ما تشوف شي صرخت وحطو شي بخشمها عشان تشمه ويغمى عليها حطوها بالسياره وحركو سمعو صراخها اهلها وطلعو شافو نعالها اكرمكم الله و القهوه بالأرض منكبه
فارس صرخ:غغغزززززززلااااااااااان
دقو على نياف يجي و مامرت دقايق الا وهو جا دخل:وينها؟؟شنو صاير؟؟
دزو رساله لـ عبدالعزيز و نياف كانت الرساله الي عند عبدالعزيز "الجايات اكثر واذا لقيتها بلقنا🤣" الرساله الي عند نياف "بنشوف شلون تلقاها وشلون بتحميها"
نياف قط تلفونه بالأرض:حيييووووان
التفتت لهم:ماعليكم بلقاها بأذن الله
عبدالعزيز:نياف بنتي تكفى مالي غيرها
نياف:ابشر واوعدك انه بتجيك لا تحاتون
فارس قام:بجي معاك
نياف:يلا مشينا
التفت فارس لهم:ماراح ارجع الا وهي معاي اوعدكم
طلعو وتقسمو سيارتين وتوجهوو يدورونها بكل مكان
مرت ساعات وهالساعات كانت ثقيله حيل على اهل بطلتنا
عند بطلتنا الي قعدت وايدها مربطه دخل واحد عليها وبيده سلاح وقعد يضحك ضحكات مستفزه قعد على الكرسي الي جدامها:اي يالحلوه شلونج
غزلان:فكنيي ياكلبب والله لا اصيدك محد يفكني منك ياحيييوان
ضحك:اي جربي بس عشان هالسلاح الي بيدي افضيه فيج
غزلان:لا يصيدونك والله راح تندم
:شنو تبين اسوي فيج؟
غزلان:اطلع برا
:اسكتي لا افضي السلاح عليج
غزلان:صدقني بتندم
حط السلاح على راسها دمعت بخوف صرخ:اذا ماسكتي بفضيه صج
بلعت ريقها بخوف وقعدت تبجي خلاها وطلع
عند نياف وفارس-
فارس طق الطوف الي جدامه:حييوواننيين بس خلوني القى اختي واتطمن عليها اعلمكم
نياف حط وجهه بين كف ايدينه ونزلت دموعه التفت عليه فارس ونطق:افا يااخوي تبجي؟صدقيني بنلقاها وبأذن الله تكون بخير
تقدم يحضنه بادله وقعد يبجي
فارس مسح على ضهره:بس ياأخوي اوعدك بلقاها وبتحضنها وتبوسها بعد
ضحك بوسط دموعه:بأذن الله
تسريع الاحداث مر يومين وهم على نفس الحال مارجعو البيت كله يدورون عليها
عند غزلان-
كانت قاعده بالزاويه وتبجي تذكرت انه تلفونها عندها خذته ودزت حق نياف و فارس اللوكيشن ودزت فويس:تكفون انقذوني منهم ماادري شنو بيسوون هذا اللوكيشن لا تخلوني تكفون
صكرت تلفونها وخشته عشان مايشوفونه دخل واحد من العصابه وحط الاكل جدامها:سم
غزلان:يسمك اخذه واطلع برا
مسكها من فكها بقوه:انا شنو قايل على اسلوبج هذا؟
غزلان:وخر عني واسلوبي مابعدله وتشوف
ضحك بقوه وطلع
عند نياف وفارس-
جتهم رساله من غزلان وبسرعه حركو بسياره وحده وكان معاهم اسلحه ودقو على الشرطه وكان احد رفيجهم شرطي وقالوله يجي وصلو المكان ودخلو من سمعو صوت اقدامهم نصهم انحاشو
فارس:امسكهممم لا يييروحووون
صقر:ياشرطي امسكه
(صقر هذا رفيجهم)
نياف وفارس:غغغزززلاااان
طلعت غزلان وبس شافتهم انهارت بجي ركضت تحضنهم بادلوها ومسحو على شعرها
نياف:حبيبتي بس بجي لـ ماكمل كلامه الا وجته طلقه على كتفه مسك كتفه وطالع الدم الي على ايده
غزلان:نننييياافففف
فارس مسكه:حاول تستحمل لا تفقد الوعي
نياف بصوت خفيف:غزلاني لا تخافين
اغمى عليه صرخت غزلان بخوف شالوه وتوجههو للمستشفى مسرعين دخلو وصرخ فارس للممرضات جابو سرير وحطو نياف وتوجههو لغرفه العمليات وقفو برا وكانت غزلان واقفه عند الباب وتبجي تقدم منها فارس وحضنها:اول امس كان يبجي عليج انه فقد الامل ومالقاج والحين تبجين عشانه بغرفه العمليات
غزلان:يبجي علي؟
فارس:اي من هني عرفت شكثر يحبج
رجعت تحط راسها على صدر اخوها وتبجي طلع الدكتور وفزو
الدكتور:طبعا طلعنا الطلقه و فقد دم وايد ويحتاج متبرع اقدر اشوف دمكم اذا متطابق معاه عشان تتبرعون له؟
غزلان:انا دمي **
فارس:انا دمي**
الدكتور:فصيله دمج نفسه تعالي عشان ناخذ منج
فارس ابتسم:تحبينه؟
غزلان:مو وقت هالكلام بعدين
تقدمو يروحون مع الدكتور عشان ياخذون دم منها
السستر:تفضلي اقعدي
غزلان:تمام
قعدت وجابت السستر جيس الي بتعبي فيه الدم "كيس" شافته غزلان ووخرت عيونها لانه تخاف فارس وقف يمها وحط راسها على صدره عشان ماتشوف بعد مده خلصت
السستر:عطها شي تاكله وتشربه لانه خذينا دم وايد وعشان ماتدوخ
فارس:خليج هني اجيب لج كيك وعصير واجي
غزلان قامت:ماابي ابي نيـ داخت ومسكها
فارس:شقلت؟اقعدي ماراح اطول عشان لا تدوخين
راحت السستر عشان تعطيهم الدم يحطونه لـ نياف وينقلونه للغرفه
جاب لها ووكلها بعد ماخلص قامو يروحون لـ نياف،دخلو وجاب لها كرسي وقعدها يمه مسكت ايده ونزلت دموعها تقدم لها فارس وحضنها:ياروحي انتي قالج الدكتور مافيه شي وبيقعد بعد اشوي
غزلان:كله مني لو اني مو طالعه من بيتنا كان ماصار له جذي
فارس:لا تقولين جذي انتي مالج ذنب الي ربي كاتبه اهوا الي صار
بعد مده قعد نياف فتح عينه وشافها ماسكه ايده ونايمه على رجله ابتسم دخل فارس وشافه:الحمدالله على السلامه يااخوي
نياف:يسلمك
فارس ضحك:شوف الحماره شلون نايمه
خزه نياف:انت الحمار!
فارس سحب الكرسي وقعد:اخ بس بجت وايد
نياف عقد حواجيه:ليه؟لاكون انت مزعلها؟
فارس ضحك:لا يالحبيب زوجها بالعمليات شلون ماتبيها تبجي
نياف ضحك وطالعها بعد مده فزت بس شافته قاعده سيدا حضنته وقامت تبجي
نياف:لا لاتبجين والله مافيني شي
غزلان ببجي:خفت عليك
نياف ابتسم:لا تخافين يروحي مافيني شي
حضنها بقوه كان يحاول ينسى الالم بعد مده وخرت عنه مسح دموعها:لا تبجين مره ثانيه تمام
غزلان:تمام يعورك شي؟
نياف:لا لا تحاتين
فارس تكتف:اي ياطيور الحب ترا احنا بمستشفى مو بالبيت
نياف:انطم مالك دخل
غزلان:ابي انام
نياف همس:تعالي بحضني
طالعته وطالعت فارس الي متكتف وغيران همست:جب عيب
نياف طالعها:مستحيه منه تعالي بس
فارس:وين وين شنو الي تعالي احترموني
نياف:ماعليج منه تعالي
فارس:يليل سوالف متزوجين
غزلان:جب انت معاه ابي امي
فارس:جايين بالطريج
بعد مده دخلو اهل نياف واهلها وكانو رفيجاتها بعد موجودين بس شافوها حضنوها تحمدو لـ نياف بالسلامه وقعدو
رغد:لازم تقولين السالفه كلها
غزلان:بعدين مو الحين
فارس طالع غزلان:يما بنتج حساسه حيل وتبجي عـ قاطعته وهي تطقه
غزلان:اكرمنا بسكوتك بكون شاكره لك
نياف:انشهد
حنين:لا تتكلم عن اختك عيب مالك دخل فيها
غزلان قامت وقعدت يم حنين وحطت راسها على كتفها:تعبانه بنام
حينين:تبين اوديج البيت؟
طالعت نياف ونطقت:لا بضل مع نياف
عهود بهمس للبنات:الحب شلون يغير
سمعها نياف وخزها
