نياف:مو على كيفج ماتبين؟من حقي ومن حق اي رجال يبي هالشي والمفروض ماتقولين شي
غزلان قامت وانسدحت على السرير وغطت نفسها:لا تزعجني بنام
نياف طلع وصكر الباب وهي قعدت تفكر شنو بيصير لو خلته شنو بيصير وضعها؟واذا جابت عيال تقدر تخليهم يحسون بوجودها ولا تصير نفس ساره هامله عياله ومو محسستهم بوجودها وكل همها طلعاتها قعدت تفكر لحد مانامت بتعب بعد مده دخل عليها لقاها نايمه انسدح وبدا يفكر شلون يقنعها انه يبي بعد ساعات نام
يوم جديد كانو قاعدين كلهم يسولفون ويضحكون وبطلتنا مو معاهم ابد تفكر بالي صار امس وشلون نامو وهم زعلانين من بعض ومو نايمه بحضنه ولا كلمو بعض الصبح نفس كل مره يصبح عليها ويبوسها كانت مو معاهم ابد
عنود:هيي وين رحتي قاعدين نسولف وياج
غزلان استوعبت:وياكم اي شنو قلتو
تالا:فيج شي؟
غزلان:لا
شيماء همست:بتقولين لي شنو فيج لا تخفين واضح
فجر:نبي نروح اسطبل شرايكم؟
البنات:تم
التفتتو حق امهاتهم
الجده:مافي روحه الا اذا كانو الشباب معاكم بنات بروحكم لا
البنات:بس نبي بروحنا
الجده:مافي
حازم:خلوها الثلاثاء نروح
التفت للشباب:شرايكم؟
الشباب:اي حلو
عبدالله همس لـ امه:اقدر اكلمج؟
عهد:اي تعال
راحت وراح وراها
بغرفه عهد-
عهد:قول
عبدالله شبك ايدينه ببعض:الصراحه ابي اتزوج
عهد بفرح:ماشاءالله في وحده ببالك ولا ادور لك؟
عبدالله:لا في وحده ببالي
عهد:ومنو سعيده الحظ؟
عبدالله:تالا
عهد ابتسمت:ماشاءالله والله زين مااخترت تهبل البنت وهاديه ومافيها شي بكلم زوجه عمك وتشوف راي تالا والله يكتب الي فيه الخير
عبدالله قام وباس راس امه:الله يخليج لنا ولا يحرمنا منج
عهد:امين ويخليكم لي
طلعو وراحو قعدو بالصاله
عهد:جميله و نياف بكلمكم شوي
قامو وراحو وراها
نياف:امري عمه
عهد:والله بقينا القرب منكم
ابتسمو:هذي الساعه المباركه
عهد:بقيت تالا لـ عبدالله كلموها وخلوها تاخذ راحتها واذا وافقت نخلي الملجه يوم الخميس اذا ماعندكم مانع
نياف قام:الله يكتب الي فيه الخير
قامو وراحو يقعدون معاهم بالصاله يسولفون
غزلان قامت:انا بروح فوق بكلم امي وايي
البنات:تمام ننطرج
صعدت ودقت على امها
حنين:هلا حبيبتي
غزلان:يما ابي اكلمج اجي لكم الحين؟
حنين:تستأذنين؟البيت بيتج يايمه بأي وقت تجين بدون لا تستأذنين
غزلان تنهدت:تمام ببدل وايي
حنين:قولي لزوجج اول
غزلان:ماابي اكلمه متهاوشين
حنين:حتى لو يا حبيبتي لازم تقولين له
غزلان:يما ماابي اكلمه ولا بشوف بيي انام عندكم
حنين:الي يريحج
صكرت من امها وراحت تبدل خذت مفتاح سيارتها وتلفونها وطلعت كتبت حق البنات بالقروب انها رايحه ولا يقولون حق احد
ساره كانت عند الباب الي برا شافتها:على وين انشاءالله؟
غزلان طالعتها من فوق لتحت:ومنو انتي عشان تسأليني؟
ساره:جاوبي وانتي ساكته
غزلان:الله يشغلج بنفسج
راحت وخلتها
ساره:اعلمج
دخلت داخل وقعدت شوي
نياف:بنات وين غزلان؟
ساره ابتسمت بخبث:قبل شوي شفتها طالعه ولما سألتها ماردت علي
نياف:تالا تعالي وراي
قام وراحت وراه
نياف:صج الي قالته؟
تالا:نياف البنت رايحه بيت اهلها مو مكان ثاني
نياف:ادخلي خلاص
عند غزلان بعد ماوصلت بيت اهلها نزلت ودخلت على امها وقعدت تفضفض لها عن كل شي صار وياها اهيا ونياف بعد مده طق الباب فتحت له احد من الخدم
نياف:وين غزلان؟
:ماما غزلان داخل صاله
نياف دخل الصاله وعروقه بارزه وواضح معصب سلم على حنين والتفت لها:امشي يلا
غزلان:ماابي بقعد ببيتنا
نياف:غزلان امشي معاي نتفاهم احسن
غزلان:مو على كيفك تمشيني ماراح اروح معاك لأي مكان عاجبك حياك الله مو عاجبك البيت كله طوف طق راسك بالي تعجبك
حنين:عيب شنو هالكلام احترميه واحرميني انا قاعده
التفتت لنياف:اقعد وتفاهمو مع بعض انا بخليكم
غزلان قامت:ماابي اتفاهم معاه
جت بتطلع وقفها صوت امها:تعالي للحين ماقلت لج جوابي على الي قلتيه لي تفاهمي معاه
تأففت وقعدت طلعت حنين وخلتهم ويا بعض
نياف:اول شي ماطلبت شي غلط ثاني شي منو سمح لج تطلعين من البيت بهل وقت وبدون ماتقولين لي؟
غزلان:منو انت عشان تتحكم فيني؟
نياف:زوجج وتحترميني فاهمه؟
غزلان: لا ماافهم فهمني
نياف:ساكت عنج لاني ببيتكم لو اني مو ببيتكم كان عرف شلون بتفاهم معاج
غزلان:شنو بتسوي مثلا بتمد ايدك؟ماتقدر بتحبسني بالبيت؟هم ماتقدر شنو بتسوي مثلا؟
