( Unicode )
' BMW s1000rr '
စေ ရေချိုးပြီး အိမ်ပေါ်က ဆင်းလာခိုက် ခြံထဲကို ရှေ့ဆင့်နောက်ဆင့်ဝင်လာသည့် အနက်ရောင်ဆိုင်ကယ်နှစ်စီးကြောင့် မနက်စာစားပွဲကို သွားမည့်ခြေလှမ်းတို့က အိမ်အပြင်ကို ရောက်သွားတော့သည် ။ ဆိုင်ကယ်တွေက နယူးယော့ခ်မှာ သူစီးခဲ့သည့်ဆိုင်ကယ်နှင့် အမျိုးအစားအတူတူ ။ နောက်ပြီး Biker outfitတွေနှင့် ဆိုင်ကယ်ပေါ်က ဆင်းလာသည့်လူတွေက ကိုဉာဏ်လင်းထင်နှင့် ကိုပိုင်ဇေယံ ။
" အစ်ကိုတို့ ...စောစောစီးစီးပါလား "
" ဘယ်ကစောရမှာလဲ စေရ .... ရှစ်နာရီထိုးပြီးပြီ "
သူ့အတွက်တော့ ရှစ်နာရီနိုးတယ်ဆိုတာ မနက်စောစောနိုးတဲ့ရက်ပါပဲ ။
" ဘယ်သွားကြမလို့လဲဗျ "
" မင်းတို့ဆီ လာတာလေ "
ကိုဉာဏ်လင်းထင်က သူ့ကိုပြန်ဖြေရင်း သူ့နောက်ကနေ အိမ်ထဲက ထွက်လာသူကို မေးလှမ်းဆတ်ပြသည် ။ စေ လှည့်ကြည့်တော့ အနက်ရောင်ဂျာကင်နှင့် fitting ဂျင်းအနက်တို့ဖြင့် ကိုချမ်းငြိမ်းရာကို ခါတိုင်းကဲ့သို့ ကုမ္မဏီသွားမည့်ဒီဇိုင်းနှင့် ခြားနားစွာ တွေ့လိုက်ရ၏ ။
" ချမ်း .... မင်း စေ့ကို ပြောမထားဘူးလား "
" အင်း "
" အာ ... surprise လုပ်တာဆိုရင်လဲ စောစောကတည်းက ငါတို့ကို ကြိုပြောပါလားကွ ... သေချာလေး အစီအစဉ်ဆွဲပြီး လာမှာပေါ့ "
" မလိုပါဘူး "
" လိုတာပေါ့ ဟေ့ရောင်ရ "
" ဒါဆိုရင် ရပါပြီ"
သူတို့ပြောနေတာတွေ စေ ဘာတစ်ခုမှနားမလည် ။ ကိုချမ်းငြိမ်းရာက ဘာကိုကြိုမပြောဘဲ ဘယ်သူ့ကို surpriseလုပ်တာလဲ ။ စေ ကြောင်တောင်တောင် ရပ်ကြည့်နေတော့ ကိုပိုင်ဇေက ပြုံးပြီး သူ့လက်ထဲ ဆိုင်ကယ်သော့တစ်ချောင်း လာထည့်သည် ။
" မင်းအတွက်တဲ့ "
" ဟမ် "
" မင့်ကိုကိုက ဝယ်ပေးတာ "
စေ လှိုက်ခနဲ ပျော်သွားသည့်အပြင် ရင်တွေတောင် ခုန်လာသည် ။ surprise ဆိုတာ ဒါပါတဲ့ ။ ကိုဉာဏ်လင်းထင်တို့ကုမ္မဏီကနေ သူ့အတွက် သူအကြိုက်ဆုံး ဆိုင်ကယ်ကို တကူးတကမှာပြီး ဝယ်ပေးတာတဲ့ ။ ဒီလိုကျတော့လည်း ငယ်ငယ်ကကိုကိုနဲ့ ပြန်တူလာသလိုပါပဲ ။ သူ့ကို အလိုလိုက်ပြီး သူ့အကြိုက်တွေကို ဖြည့်ဆည်းပေးတဲ့ကိုကိုပေါ့ ။
YOU ARE READING
အချစ်ဖြင့် ...ချမ်းအေးစေရာ... { Completed }
General Fictionmini story ချမ်းငြိမ်းရာ × အေးစေရာ ( B × B ) ဖြစ်နိုင်လျှင် အချိန်တွေကို ရပ်တန့်ထားချင်သည်။ ဖြစ်နိုင်လျှင် လရောင်အောက်မှာ တလက်လက်တောက်ပနေသော ပင်လယ်ပြင်ကို ဖန်ဘူးလေးထဲထည့်ပြီး ချစ်ရသူကို လက်ဆောင်ပေးချင်၏။ ဖြစ်နိုင်လျှင် ... ခ်မ္းၿငိမ္းရာ × ေအးေစရာ (...
