ဟိုဘက်ခြံကနှင်းဆီ

အပိုင်း(၁)

ဘယ်ဆီမှာများလဲ ဘယ်ရင်ခွင်နားမလဲဒီချိန်ဆိုဘယ်သူနဲ့ရှိနေမလဲ?စိတ်ချလိုက်ချစ်သူရေမပြောင်းလဲတဲ့အချစ်တွေနဲ့ ထာ၀ရမင်းတစ်ယောက်တည်းကိုပဲ............

"အမယ် သီချင်းတညည်းညည်းနဲ့ လုပ်ဟိတ်ကောင် နေမကျခင်မှာထားတာတွေသွားပို့ပေးဦး"

"သွားမှာပါဖေဖေရဲ့ အဲ့အိမ်ကအန်တီကြီးက ပန်းပင်ဆိုပိုးကိုက်သလေး အပင်သေးသလေးနဲ့ ပွစိလွန်းလို့သမီးကသေချာစစ်နေတာပါ"

"ခုသူကမရှိ​တော့ဘူးသမီးရဲ့ သူ့သမီးပဲရှိတယ်"

"​သေသွားလို့လား​ဖေ​ဖေ?"

"ဟာ... မဟုတ်တာသမီးကလဲ သူ့​ယောက်ျားအလုပ်က ​ရန်ကုန်မှာလုပ်ငန်းခွဲဖွင့်လို့ဆိုလား နီး​တော့အဲ့မှာလိုက်​နေတာ "

"​ဪအဲ့လိုလား ဒါနဲ့သူ့မှာသမီးမရှိပါဘူး။သမီးတို့​ခေါက်​ခေါက်ခါခါ အပင်​တွေသွားပို့လာတာ တစ်ခါမှ​တောင်မမြင်မိဘူး သူနဲ့အန်တီကြီးတစ်​ယောက်ပဲ​တွေ့ပါတယ်"

"သူ့သမီးကလည်း သူ့အ​ဖေ​နောက်မှာအလုပ်လိုက်လုပ်​နေတာ အဲ့တာအလုပ်ကထွက်ပြီး ခုဒီကိုပြန်လာ​နေတာတဲ့ "

"အမယ်...အ​ဖေကသူတို့မိသားစုအ​ကြောင်း​တွေသိလို့ပါလား ​ဖေကြီးလည်းစပ်စုတတ်တာပဲလား?"

"ဒီ​ကောင်မ​လေးက​တော့​လေ မစပ်စုပါဘူး။မနက်စာဆိုင်မှာသွားစားရင်းနဲ့ကြားလာခဲ့တာပါ"

"​ဟေ့ကဲ ဟုတ်ပဲနဲ့ ​ဖေကြီးစပ်စုလာတယ်ဆိုစပ်စုလာတယ်​ပေါ့"

"စပ်စုရ​အောင် ငါကနင့်အ​မေကြ​ရော"

"အာ့ဆို​ဖေကြီးက အ​မေ့ကိုစပ်စုတယ်လို့ပြောချင်တာ​ပေါ့​လေ"

"တိုးတိုး​ပြောရဦးမယ် နင့်အ​မေကသူ့ကိုစပ်စုတယ်လို့မ​ပြောနဲ့တဲ့ သူကသိချင်စိတ်ပြင်းပြတာတဲ့"

"ကျယ်ကျယ်​​ပြော​တော့ ဘာလို့တုန်း​ဖေကြီး​ကြောက်လို့မလား၊ဟားဟား အ​မေ့ကို​ကြောက်လို့မလား?"

"​ကြောက်မ​နေဘူး ခင်ဝင်းတို့က ဗလနဲ့ဇနဲ့ကွ ဒီမှာကြည့်"

ဦးခင်းဝင်းသမီးဖြစ်သူကိုစရင်း သူ့လက်​မောင်း​တွေကို​ကွေးကာ ​သန်မာတဲ့ယောက်ျားတစ်​ယောက်ရဲ့လက်​မောင်းကြလက်သားများကိုထုတ်ပြကာကြွားလုံးထုတ်လိုက်တယ်။