ما ڪان الحب يوماً سهلاً فالنصيب يڪون فقط للشجعان العُشاق يتذوقون المُرّ ليصبحوا روحاً واحدة فَـ نهاية ابطال القصص تڪون سعيدة مليئة بالأنتصارات
قصتي عن بطلي محمد
إني شهد اڪبر اخواني خريجة ڪلية الهندسة، موهبتي الرسم وشغفي أطور رسمي، طباخة واڪلي ڪلش طيب أحب اطبخ الأڪلات اللي تڪون جديدة، ڪاتبة ڪتبت رواية قصيرة چانت ممزوجة من الواقع و وحي الخيال، أحب العزلة والهدوء، مستمعة جيداً للمُقابل.
طول فترة الدراسة چنت رافضة فڪرة الزواج وأي أحد من أهلي وصديقاتي يفتحون هذا الموضوع أبتعد عنهم وأرفض رغم تقدموا عالم وسمعتهم ڪلش زينة بالمجتمع بس إني لاغية مشروع الزواج من حياتي
إلى إن شاء القدر وخلاني اتعرف على الطف واحَن أنسان شخص مُستحيل يتعوض شخص يخاف الله بيه گلبه على گلبي يضوج لزعلي ودائماً وياي بڪل خطوة أعجز عن وصف هذا المخلوق
ڪل ڪلمة اوصفه مليئة بالحب
محمد أستاذ اعداية مدرس مادة الأجتماعيات والفلسفة بشرته حنطاوية طوله ڪلش زين يلعب حديد عضلاته والدمارات اللي بيده حيل أحبهم عصبي وحباب وبنفس الوقت يبتعد عن الشخص اللي يحبه حتى بعدين ما يتندم وهو بلحظة عصبية يطلع منه ڪلام مو حلو
ماڪو احب من گلبه حچاياته دافية بڪل وقت رومانسي يحب العزلة نفسي
چنت أتمنى رب العالمين يرزقني بشخص أڪبر مني بڪذا سنة حتى إذا اغلط هو يتحملني ويصحح غلطي ويڪون وياي شخص يخاف الله بيه واذا ازعل ما أروح لغيره والحمد لله ڪل اللي دعيت الله بيهم لگيتهم بمحمد
أحبك يا روحها لشهدك
في مرحلتي الدراسية وانا في سن الـثانية والعشرون في المرحلة الرابعة
خلصت امتحانات نصف السنة ومن بعدها اجت العطلة اللي هيّ أسبوعين چنت دا اصفح برنامج التيڪتوك وصدفة شفت منشور بوقتها ما أعرف شنو الشعور اللي لمس گلبي حسيت شي غريب وأحساس يگول دخلي ع هل صفحة دخلت دا اصفح بالمنشورات صار عندي فضول اشوف شڪل صاحب الحساب بقيت أدور لحد ما شفت تقريب فيديوين بهاي اللحظة طلبت من الله يڪون نصيبي هذا الشخص
بعد ما عدت فترة اربع أيام تقريباً چنت صاعدة اتصال وي صديقاتي چنه نلعب لعبة تحدي وصراحة فَـ وصل السرة اليّ گلتلهم تحدي تحدوني أسوي مقلب بواحد من متابعيني چان هو ترند ؏ أساس مقلب انه واحد ابتزني واخذ صوري ويريد ينشرهم
سبحان الله چان محمد هو الشخص اللي ح أسوي وياه المقلب دخلت لقائمة المتابعين ولگيته هو أول واحد بالقائمة
چانت لحظة خوف وبنفس الوقت مترددة أنه احچي وياه سلمت أمري ودخلت لحسابة وگتله
شهد: السلام عليڪم
محمد: وعليڪم السلام
شهد: بوقتها شفت منشور لمحمد صاعدة مشاهداته وهو يصور صديقه ابو الانگليزي اجه بالي اسوي وياه المقلب ؏ أساس دزيت صوري لصديقه وصديقه يريد فلوس مني حتى يبتزني
محمد: تفضلي
شهد: الصراحة ما أعرف من وين أبلش بس صديقك دا يبتزني بصوري
محمد: العفو يا صديق قصدچ؟
شهد: صديقك أبو الأنگليزي دزيت صوري اله
محمد: اوكِ زين شنو أسمه
شهد: بهاي اللحظة حسيته شك أنه مقلب
ما اتحملت وگتله مقلب چان صديقاتي سون تحدي وياي ولازم أختار واحد من متابعيني وصرت أنت گبالي
محمد: ضحك وگال ماشي بس والله شڪيت بيه مقلب لأن جماعتي ما عدهم هيچ سوالف
شهد: تمام على راحتك آسفة على الأزعاج
محمد: لا شسالفة يا أزعاج ماڪو أي ازعاج هلا بيچ
شهد: حسيت ما أريد أروح أريد احجي بعد بس ما عندي شي افتحه وياه سڪتت ورحت
محمد: بعد لا تعيدين هل شي ترة معروف مقلب ويضحك
شهد: تمام
محمد حاول يستفزني بطريقة ڪلامه
شهد: الصراحة ضجت يعني چنت متلهفة احچي وياه وبعدين بدة يستفزني بأسلوبه بس حقه ما چان يعرف اني معجبه بيه
شهد: على راحتك آسفة ؏ الأزعاج
رحت واني مهضومة وقبل لا أروح گتله شڪراً بس والله دا ابچي
محمد: صدگ تحچين ترة والله اتشاقة
وينچ تعاي والله اتشاقة انتِ ما تعرفين هذا اسلوبي وي الڪل هيچ اتشاقة يعني لا تزعلين
شهد: تمام هاي هيّ
رحت وما حچيت شي بعدها
شهد: شفت محمد نشر ستوري اعتذار
إذا الاستوري اني المقصودة بيه فرجاءاً امسحه
محمد: شاف وما رد
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
