أرويني بدماء جحيمك [Quench me with the blood of your hell]

𝑃𝐴𝑅𝑇❀16

🩸أروينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀16

كلشي داز فثانية فقط ما قدراتش تستوعب الأمر،و لكن غير شافتو كيفاش كي ناظرها بشهوة و يدو لي مدها باش يشد يدها و يحكمها و هي تغفلو بديك اللكمة لي عطاتو حتى دار وجهو للجنب،ما جا فين يشوفيها حتى عطاتو الثانية دوخاتو...

حرك راسو كي حاول يصحصح و شافيها مخنزر، هز يديه حتى للسما بغا يجمع معاها و هي تشدها ليه و عضاتو حتى خرج ليه الد.م خلاتو كي غوت و يضر ب فيها لجبهتها باش طلق منو...

شدها من شعرها و ضر ب ليها راسها بالجهد مع الارض حتى تقصحات و طلقات منو،و غير طلقاتو شد يديه لعندو كي توجع،هنا استغلت الوضع و ضرباتو بركبتها لجنبو حتى طاح للجهة الثانية...

الخوف كان راكبها لدرجة تلفات،وقفات غادا للباب ناسية انه مسدود،حاولات تحلو و ملي ما بغاش يتحل ليها بدات كاتضرب فيه و تعيط بإسمو راجية منو يجي ينقذ روحها من قبضة هاد المريض...

هاد الاخير لي كان جالس على اعصابو كي تفرج فيهم و كي كمي من الگارو لي فيديه،كان قادر يسمع اصواتهم بحكم الكاميرا كانت صوت و صورة، و فكل مرة كاتنادي فيها بإسمو كان كي حاول يقنع عقلو باش يلغي الخطة و يمشي لعندها...

لكن عقلو هاد المرة كان اقسى من انه يلين قدام غواتها،بقا كي ناظرها و هي في مواجهة الفريدو لي حس برجولتو تقاست ملي ضرباتو لمياء،وقف و مشا لعندها شدها من شعرها و جرها بالجهد لاحها فالارض...

قرب ليها كي بتاسم بشر و كي حل فالسمطة ديال سروالو، لمياء غير شافتو اش كي دير جمد ليها الد.م فالعروق،حواسها تشللو و بؤبؤ عيونها كي تحرك بوثيرة سريعة...

بلعات ريقها بخوف، الرعب متملكها للآخر، يالاه بغات تنوض و هي تغوت ملي جمع معاها بالسمطة بكامل قوته حتى خلا ليها لاطراس فدراعها، رجعات جلسات شادا يديها كاتنين بألم و الدموع فعينها مجموعين...

في حين هو تحنى لعندها و جرها حتى تكات،جمع معاها لوجهها و شد يديها بجوج بيد وحدة في حين اليد الثانية حطها على كسوتها باغي يقطعها...

ساجد عقد حواجبو كي تسناها تدير شي حركة،كان باغيها تقاوم و ما تستسلمش كيف ستسلمات ختو داك النهار، كان كي تسنا منها تفكر غير فراسها فهاد اللحظة و تنقذ راسها...