أرويني بدماء جحيمك [Quench me with the blood of your hell]

𝑃𝐴𝑅𝑇❀28

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀28

دازو ساعات قليلة،و فأحد الأحياء الشعبية فالمدينة و لي كانو اغلب سكانها مهاجرين من الدول اللاتينية و حتى المهاجرين المغاربة كانو مستعمرين الحي...

كانت نايضة حر ب شرسة عنوانها الرصاص،لي كان كي تسمع من دقائق معدودة بدون توقف،حرب بين اعضاء مافيا الد.م الأسود و شياطين الجحيم، من بعد ما هاد الاخيرة خرقات المعاهدة و بدات كاتطمح فأنها تستولى على الاحياء لي تحت حكم الد.م الأسود...

بدا الصراع كي زيد حدة، و بداو كي ستعملو گاع الاسلحة لي عندهم منهم الاسلحة البيضاء،كان صراع فوضوي لأبعد حدود،لا مجال للرحمة فيه،فين ما جات الضربة تجي المهم يكون الانتصار لأحد الطرفين...

ما كانوش الوفيات بزاف لكن مافيا شياطين الجحيم خرجو بإصابات خطيرة،ها لي فقد رجليه ها لي مشاو ليه صباعو و لي تحرم من يديه،و ها لي الرصاص مشلل ليه الحركة...

الد.ماء كانت فكل مكان، و نساء الحي كي تغاوتو كاينة لي خايفة على راجلها و كاينة لي خايفة على حبيبها و خطيبها،حتى من الامهات كانو كي تباكاو على ولادهم،أما الدراري الصغار كي تفرجو فديك الروينة فرحانين كي شوفو مستقبلهم حتى هما فيوم من الايام...

فالڤيلا كانت اولغا واقفة فالبالكون لي فبيت ساجد،هازة التيلي كاتدوي مع زياد و معصبة لأقصى درجة بسبب الهزيمة لي تعرضو ليها و لي فشلات ليهم مخططهم...

أولغا(بإنفعال):عندنا الزوا مل ماشي الرجال...دوك العرمة كلهم ما قدرو يديرو والو؟ حادگين غير فالعضلات و العياقة الخاوية؟

زياد(مسح على وجهو مفقوص):اولغا ما تعصبيش عدو ربي،من الاول قلت ليك هاد البلان ما صالحش...غاديين حتى لعندهم و كاتسناي منا نغلبوهم؟

اولغا(بصراخ ناسية راسها فين كاينة):ما سوقيش...ما سوقيش ا زياد...بغيت المافيا ديالنا تشد كاع احياء ايطالية

زياد(زفر كي حاول يضبط اعصابو):ماشي هاكدا ا اولغا...هادشي لازمو تخطيط...خاص العقل يخدم ماشي السلاح(تنهد بغير رضى و قال) من نهار وليتي تقرري نتي و حنا مقاودة علينا...خليني نرجع انا نتكلف ا اولغا و لا قوادت علينا ديال بصح...

اولغا(خنزرات معصبة):لا...نتا ما بقيتيش كاتعجبي...الراجل لا مشا حتى خلا الحب و العشق و الغرام و داك التخربيق يتحكمو فيه كي ولي ما صالحش ياخد القرارات