أرويني بدماء جحيمك [Quench me with the blood of your hell]

𝑃𝐴𝑅𝑇❀32

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀32

لمياء بقات موسعة عيونها بصدمة من هادشي لي وقع،ما مصدوماش من حركة ساجد الماكرة حيت صافي حفظاتو، انما مصدومة من الحيلة لي طبقات عليه وتقلبات عليها،الحاجة الوحيدة لي كاتفكر فيها دابا هي كيفاش تفك شفايفها من شفايفو...

أما هو بكل برود حط يديه على ظهرها و غمض عينيه ناوي يكمل نعاسو،مستمتع بكل ثانية و دقيقة و هي قريبة ليه لهاد الدرجة،انفاسها مخالطين مع انفاسو و شفايفها ملتاحمين مع شفايفو،و الى بقاو على هاد الوضعية ربما تكون هادي هي أحسن نعسة نعسها فحياتو...

لمياء(شدات ليه شعرو كاتحرك فيه):اممم...اممم

ساجد لم يحرك ساكنا بقا على نفس وضعيتو،في حين هي تهدنات لفترة من الزمن عاطية الفرصة لعقلها فين يفكر فشي حل، لكن عيات تفكر ما لقاتش، غفلها بهاد الحركة ما كانتش متوقعاها...

فكرات و فكرات لقات أحسن حل هو تضحي بفمها و تصبر للآلام،غمضات عيونها و هزات راسها بالجهد لكن بدون جدوى،ختارت احسن لصقة ما كاتفكش بالساهل...

رجعات تكات على صدرو كاتنهج و فمها كي حرقها بسبب ديك الهزة لي تهزات،ساجد حتى هو قصحاتو لكن ما هتامش بتاتا،بحال هادشي كيف والو بالنسبة ليه، مراهقتو و شبابو دوزهم فصراعات المافيا و ياما تهرس، تضـ رب و تجرح و خيط، فالاصل جسمو عامر غرازي...

لمياء خدات نفس طويل معولة تعاود نفس الحركة لي دارت، زيرات على يديها و غمضات عيونها و فثانية تهزات ثاني حتى تفكات الشفاه السفلية مع ديالو....

ساجد حل عين وحدة شافيها و رجع سدها،خلاها كاتفكر فكيفاش تفك الشفاه لي باقا حاصلة بلا ما تجرها بالجهد حيت ما بقات قادرة تصبر لداك الالم لي كي حرق فيها...

طاحت عليها فكرة ساجد هو المستفيد منها الاكبر،كشرات ملامحها بعبوس كارهة هادشي لي غادي تدير،قبل ما تخرج لسانها كاتبلل بيه الشفاه العلوية ديالها و ديالو،خلاتو يبتاسم بلا ما يحس من حركتها...

لمياء(قالت و هي مخنزرة،مخرجة الحروف بزز):فرحان...والايني راك..حمار...

رجعات كاتبلل فشفايفهم حتى حسات بيهم رطابو و اللصقة بردات،عاد بدات كاتبعد وجهها شوية بشوية حتى تفك اخيرا،تقادات فالجلسة و هي مازال فوقو،و حطات يديها على فمها لي كلو مجروح و سايل بالد.م تماما بحال فم ساجد....