بين عينيها حكايا

الجزء التاسع

#بين_عينيها_حكايا
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين🚫
أذا لم تستطع قرائتها اقرأ الجزء الذي يليها ❤️

متابعة للحساب فضلاً وليس أمراً
تصويت وتعليق دعما للحساب ❤️

.
.
.

شذرة
______________________

لحضات الأدراك بحياتنا تنعد عالأصابع
موت فقد وداع وولادة
الأدراك انك صرت الجزء الثاني من المعادلة
حلووو ومخيف
بين شعور اني جنت بنت واتمنى حضن أمي
وبين اني
صرت أم وبحضني بنتي

.
.
.

ساعات مرت على ولادتي اخذو الطفلة يجيكون
صحتهة واني لحد الآن أحس روحي تغيب
عني وترجع أهمس لخالتي

-أريد أشوفهة خالة

-يابعد خالتي هسة بس ترتاحين وهي ترتاح يجيبوهة وتشبعين بيهة شوف

صوت خالتي يجيني متذبذب
تحجي وياي واحس عيوني گلبت مااشوف شي
صوت عياط خالتي
وركضة الممرضات علية كل شي أحس بي بس
مااگدر افتح عيني
جسمي ينتفض واحس بيهم من يحركوني
وعيطة الممرضات

صيحو الدكتورة البنية دمهة متصفي

ركضة وهوسة واني احس برودة وخدر بجسمي
اسمع صوت سليم يوصلني وهو يعيط بيهم شبيهة مرتي

احس بحركة السدية اللي نايمة عليهة تحركت
فتحت عيني عالبطيء بغرفة وفوگي اضوية
الدكتورة
يم رجلية تفحصني
وكلماتهة ترن بأذني

-أحتمالية تمزق بالرحم هذا النزف مراح يتوقف بدون تدخل جراحي

نص ساعة وضربوني أبرة بأيدي ثواني ودخلت عالم ثاني غير عالمنة

صحيت بعدهة على همس سليم يم راسي

-الحمد لله على سلامتج حبيبي

ماگدرت أرد علي

ونيت تقرب يمي يعصر بأيدي ورجلي رجعت غطيت بالنوم
فزيت بعدهة بوقت على صوت بجي طفل

فتحت عيني
قربهة مني سليم

-سمي بأسم الله حتى تشوفيهة

-وخر الغطوة عنهة
وطلت مثل وهج الشمس وقت الفجرية
ابتسمت مادة ايدي
خلاهة سليم على صدري

حجيت

-وهج سميهة وهج

-تستاهل هالأسم
اخذهة من يمي كبر بأذنهة وسماهة

مرت ثلث أيام بالمستشفى قبل لانطلع بيوم
اجتني الدكتورة واني وسليم گاعدين عالجرباية مجهزين وهج ونفسنة حتى نطلع وشرحتلي الوضع كامل

-شوفي ماما ولادتج صح جانت طبيعية بس من قوة الدفع اثناء الطلق صار عندج تمزق بالرحم سبب نزف
جان بينج وبين رفع الرحم شعرة وحدة
الحمد لله گدرنة نسيطر عالنزف بأقل ضرر
بس مانعرف للمستقبل راح يگدر رحمج يشيل طفل أو لا
الأطلبة منج لفترة عالأقل ٣سنوات تخلين جسمج يتشافى على راحتة وبعدهة أن شاء الله نقرر