أرويني بدماء جحيمك [Quench me with the blood of your hell]

𝑃𝐴𝑅𝑇❀46

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀46

لمياء و ساجد وصلو للڤيلا و غير بلاصة هاد الاخير الاوطو هبط معصب راضخ من وراه الباب، مشا عند لمياء حل عليها و نطق بلكنة غاضبة خلاها تتساؤل بينها و بين راسها واش دارت شي حاجة؟

ساجد: هبطي تقو دي...

لمياء(عاقدة حواجبها): مالك؟

ساجد ما جاوبهاش، قرب ليها و حيد ليها لاسانتور قبل ما يشبك يديه مع يديها و يجرها بالجهد حتى خرجات،عاود رضخ الباب و دخل هو وياها للڤيلا، غير دخلو طلق منها و مشا طلع بالخف للبيرو ديالو، في حين لمياء بقات واقفة فلتحت كاتدور فعيونها على المكان،كان كلشي مقاد بحال لا عمر وقعات شي معركة هنا...

تنهدات و طلعات لبيتها لي حتى هو قادوه الخادمات و جابو فراش جديد فبلاصة القديم، لمياء ما هتاماتش لا للديكور لا للأثاث، مباشرة حيدات سبرديلتها و تكات فوق الناموسية مغمضة عيونها...

اما عندو فالمكتب كان جالس و هاز التيلي ديالو كي صوني على زين، هاد الأخير لي كان فالشركة و غير سمع صوت الصونيت هزو يشوف شكون، بان ليه ساجد و هو يعقد حواجبو بإستغراب، من نهار الهجوم لي وقع فالڤيلا و لي كانت المقصودة فيه هي ليسا، ما دواوش مع بعضياتهم....

قبل الاتصال و قبل ما يجاوب حنحن عاد نطق بنبرة رجولية خشنة...

زين:نعام ا ساجد

ساجد(بنبرة آمرة):دابا تكون عندي فالڤيلا

زين(بتساؤل): دابا؟ اش واقع؟

ساجد: حتى تجي

زين: غانتعطل واحد الشوية عندي اجتماع...

ساجد(شاف فمگانتو): نص ساعة؟

زين(حرك راسو): مزيانة..

ساجد: حيد...

قطع عليه و تكا بظهرو على الكرسي مغمض عينيه و كي زفر بعدم إرتياح، ما كانش متوقع نهائيا الوحش يخرج من الحبس فهاد الوقت، جريمتو كانت ثقيلة و بهاكدا حتى الحكم كان ثقيل، لكن لابد ان محامي شديد البراعة هو لي من ورا خروجه من السجن...

ساجد حاس براسو مبرزط لأقصى درجة،قلق، خائف، على الناس لي قراب ليه، لكن على الاقل الناس لي فالقصر تحت السيطرة، أما ديك لي فالبيت صعيب يسيطر عليها...