ميّار

1-

مقدمه /

"مردها عسكرية "

ذي الجمله الي كنت دايم ارددها

درجاتي ما تساعد ادخل جامعه و كل ما قدمت على جامعه ترفضني

امي تحسب مستقبلي تدمر عشاني ما دخلت جامعه

اخواني كلهم كانو دوافير و الحين كلهم بوظايف حلوه

____

انا ميّار اخر العنقود

عندي اخوين اكبر مني

مسفر اكبر اخواني و هو دكتور اعصاب عمره 32 سنه و متزوج و عنده بنتين

فرح (زوجه مسفر) معلمه انجلش عمرها 29 سنه

غنى و لمى (بنات مسفر)
غنى تدرس رابع ابتدائي عمرها 10 سنوات
لمى تدرس روضه عمرها 6 سنوات

محمد الوسطاني وهو محامي عمره 25 سنه

انا اخر واحد تو متخرج من الثنوي عمري 19 سنه
واحد فاشل دراسياً

_____

كنا على طاولت الغداء كلنا يالعائله مجتمعين

كان الوضع هدوء و كسرت الهدوء و قلت
- يمه يبه ترا سجلت بالعسكريه

كلهم وجهو انضارهم نحويي و مصدومين مدري ليه ياخي سجلت بعسكريه ما قتلت احد مدري وش ذي النضرات الي تخرع

امي : انا حلفت انك ما تروح للعسكريه !
دور لك اي وظيفه الا هالوظيفه

- يا يمه يا يمه انا ولا جامعه بتقبلني قدراتي 42 و تحصيلي 40 و نسبتي بالثنوي كلها بالستين محد بقابلني حتى اخس جامعه ما بتقبلني !
ع الاقل العسكريه يقبلون اي حد بس اهم شي الطول و الوزن وانا طولي و وزني حلوين

امي : شف لك شغله ثانيه ولو عامل نظافه ولا تروح للعسكريه

قمت من الطاوله متوجه لغرفتي بدون ما اقول اي شي

لحقني محمد و قال :
ميّار انت تدري ان فقدت اخوانها صح ؟
وتعرف كيف فقدتهم
و تدري كيف ابوي فقد يده صح؟
وتعرف قد ايش تكره شغلة العسكريه و ذي الاشياء الي فيها طلق نار بإختصار

- يخوي تراك متوظف و معك راتب ! انا وش تقول عني محد قبلني اصلاً !
مالي دخل بدخل عسكريه يعني بدخل !

محمد :
ذي اول مره في حياتك كلها ترفض لامي طلب !

- بحاول اقنعها و اخذ رضاها لاني ما برتاح بشغلتي لو امي مو راضيه عن شغلي

محمد :
ما اتوقع توافق بس حاول

ميّار :
حمود ايش رايك تنقلع برا ابي افكر مع نفسي

محمد الي يضحك :
قليل ادب تراني اخوك الكبير !

__________

~تسريع للاحداث ~.

امي : زي ما وعدتني ما يصيبك اي اذى

- من عيوني برجع لك سالم مسّلم بعدين تراني الرجل الحديدي يمه

امي :
انتبه على نفسك يوليدي

- لا توصين

ابوي :
لاتخاف زبطتك بواسطه رهيبه بيعاملونك احسن معامله

-كثر خيرك يبه
——

طالع برا البيت بعد ما ودعت اهلي رايح دوره عسكريه لثلاث سنوات

اكيد ما رحت بكل بساطه قعدت اقنع امي لين وافقت و من حسن حظي وافقت على موعد التسجيل

وصلني اخوي محمد و خضني و ودعني بعدها راح

وانا دخلت للمكان الي توقعته بس تدريبات
ماكنت ادري انه بتصير فيها احداث كثير

و بتصير فيها ذكريات مرّه و حلوه

و بتعرف على اصدقاء كثير و بواجه اعداء

و بلتقي بشخص ما توقعت بيوم اني بعشقه

و مستعد اتم الاستعداد اني اضحي بحياتي عشانه

____

ذي ثاني روايه لي

اتمنى تعجبكم

لا تحكمون من اول بارت لان اصلاً ذا البارت مقدمه

ترا معرف اي شي في نظام المعسكرات عشان كذا بهبد نظام من راسي

و بس

احبكم