أرويني بدماء جحيمك [Quench me with the blood of your hell]
جدول المحتويات

    أنت تقرأ

    أرويني بدماء جحيمك [Quench me with the blood of your hell]

    Romantizm

    ✨إِنْ كُنْتَ لا تُحِبُّنِي فأتركنِي أُحِبك و أكُون بقُرْبِك.... هَا أنَا مُسْتَعِدة لِحِمَاية من أَحْيَت قلبك.... وَ إنْ لَم أتَوَفَّق يا حبيبي فسَأطْلُبُ عَفْوك... ✨لا تحتاري كثيراً و اسأليني ما الذي سيداوي آلامي؟ أمتشوقة لسماع ردي و ي...

    #wattpad #أخوة #أكشن #اغتصاب #انتقام #بالدارجة #تملك #ثأر #حب #خيانة #دراما #رواية #رومانسية #صداقة #عصابات #عنف #غدر #غيرة #قتل #قصص #مافيا #موت #هوس #واتباد

    𝑃𝐴𝑅𝑇❀53

    343 9 0 
                                        
    
                                              
    🩸أࢪوينـــــــي بدمــــ♡ـــاءِ جحيـــــــمكَ🩸      
    🗡الفصــــــــل الثـــــــاني:ثــــــــأر قاســـــــي🗡 
    ✎𝑆ℎ𝑒 𝑊𝑜𝑙𝑓
    𝑃𝐴𝑅𝑇❀53
    فالمخبأ كانت سارة دخلات كاتدور فعيونها على السيجور لي جالسين فيه النساء،زكية غير هزات فيها راسها و شافتها، وقفات ديك الساعة شاهقة و مشات لعندها بخطوات سريعة، جراتها و عنقاتها مزيرة عليها... 
    زكية:الحمدلله ياربي...حمدتك و شكرتك...(بعدات عليها و حضنات وجهها بيديها قبل ما تنطق بقلق) ياك ما وقعات لبنتي شي حاجة؟ ها؟ دوي ابنتي 
    هبطات عينيها ليديها لي فيها اثار الد.ماء ديال ليسا و هي تبلع ريقها، هزاتها ليها كاتفحصها بتركيز تام و قالت بإستفسار... 
    زكية: جاوبيني ابنتي...واش تآذيتي؟ (سارة حركات ليها راسها بلا) و هاد الد.م ديال من؟ 
    سارة شافت ففاروق لي ناعس و أشارت بصبعها ليه،زكية دورات راسها كاتشوف فين شيرات ليها،قبل ما تبلع ريقها و ترجع توجه ليها انظارها.... 
    زكية: ليسا؟(سارة حركات راسها بأه و نطقات زكية بخوف) وقعات ليها شي حاجة؟ 
    سارة مركزة نظرها على عيون زكية لي من خلالهم عرفاتها خايفة على دوك لي برا، لحظات و بتاسمات ليها كمحاولة منها باش تطمأنها و حركات ليها راسها بلا، هنا زكية تنهدات براحة و شداتها من يديها جراتها للي فوتوي جلساتها و جلسات حداها، شهيدة لي كانت كاتردد آيات من القرآن غير شافت الد.م فيديها شهقات بخوف... 
    شهيدة: الله يا ربي الد.م...الله يا ربي غادي يجيو لينا يقتـ لونا...(هزات يديها كاتدعي و هي مغمضة عيونها) اللهم احفظنا من كل شر وسوء وغدر بلطفك يا خفي الألطاف نجنا مما نخاف... 
    زكية(تنهدات): رتاحي ا شهيدة...ما حدنا هنا ما يوقع والو... 
    شهيدة(حركات راسها بلا): لا ا زكية لا...قلبي مقبوط عليا...(غوتات ملي سمعات واحد الصوت و رجعات غمضات عيونها كاترعد) اللهم قِنا شر الأسوء ولا تجعلنا محلا للبلوى...(بدات كاتبكي) اللهم احفظنا باسمك الأعلى 
    ليليان،سارة و زكية زائد الخادمات لي تما وجهو عيونهم لمصدر الصوت و هما يبلعو ريقهم بخوف، كان جهاز كشف الحرائق و لي بدا كي صوني ملي العافية نتاشرات فالقصر بسرعة... 
    ليليان(شافت فزكية و قالت بتساؤل): العافية شاعلة فالقصر ياك؟ 
    زكية(حركات راسها): واقيلا ابنتي اه...
    أرويني بدماء جحيمك [Quench me with the blood of your hell] حيث تعيش القصص. اكتشف الآن