يا كل الحــب لــو طال الــزمان اقــول لك مشـكور

المقدمة

الفجر ( 2:37 )
خليفه : نزين دقيقه افهمج
مريم : شوووو تفهمنيييي ؟ .. دمعت .. خلاص الي بينا انتهى
خليفه تنهد بضيق : دقيقه مررريوووم والله مب مسوي شي
مريم : كيف مب مسويي شي ؟؟ الرسايل و الصور ؟؟
خليفه : والله يبون يخربون الي بينا
مريم : خلاص خليفه خلنا نفصخ خطوبتنا  و الي بينا انتهى
خليفه تنهد بضيق : مريم متأكده من الي تقولينه ؟؟
مريم صاحت : خللللاااص خليفه والله هب قادره اكمل كنتتت مجهزه حق العرس .. تشاهق .. ما توقعتها منككك خـ
قاطعها خليفه : تدرررين ب غلاتج عندددي هب جي ينتهي الييي بينا بالسهوله!! ليش وافقتي علي من البدايه ؟؟ مب اي رمسه تنقال تصدقييينها مريييوووم  !! عقب كل هالحب و السنين تقولين لي اني ارمس غيرج ؟ واطلع مع غيرج ؟ ليش علقتينيييي بج ؟؟؟؟؟ ليش وافقتي علييي من البدايييه ؟؟!!
مريم تنهدت : خلاص خليفه
خليفه تنهد بضيق : ع راحتج الي تبينه بس احبج و بتم احبج و ديري بالج على عمرج "سكر "

-

عند مريم
قعدت تصيح و تفكر ف كل الي صار
كييييف خلييييفه كنت تبوس التراب الي امشي علييييههه "تشاهق " ماتوقعتها منننك
هدت و خذت دواها و على طول نامت

-

عند خليفه
الي على طول قبض سويج الموتر و طلع من البيت متوجهه للبحر و عيونه متروسه دموع
كيييففف تروحح مني جي شووو الي خلاها تصدقق اكيددد في حد ورا هالشييي ماعليه !!
نزل عند البحر تنهد ب ضيق : اخخ مريوم ماردج بتعرفين غلاتج عندي كيففف

-

الصبح
11:39
نهيان مستغرب : غريبه وينهم مريم و ميره
ام نهيان : هي والله غريبه بقوم اشوفهم
نهيان قام : خلج خلج أنا بروحح لهم
ام نهيان ابتسمت : زين تسوي

صعد نهيان فوق و دق الباب
نهيان : مررريومم يلا قوميي هب نوم جي
نهيان فتح الباب : مريوووم يلااا
مريم ببرود : شو تبا؟
نهيان مستغرب من ردها : عنلاتج قومي اميه تباج
مريم تنهدت : يلا الحين بقوم
نهيان طلع و توجهه لـ غرفه ميره 
و كالعاده نايمه و مقفله الباب ع عمرها 
و ربع تحت
نهيان : بلاها بنتكم هب على بعضها ؟
ام نهيان : بلاها ؟
نهيان : هب مريوم الي تضحك علينا
بو نهيان : مهره
ام نهيان : لبيه
بو نهيان : مستوي بينها و بين  خليفه شي؟
ام نهيان : ماتعرف بنتك مايكمل يومها إلا و هي زعلانه منه ماعليه كلها كم ساعه و يتراضون
مريم نزلت و سلمت ع امها و أبوها و يلست حذال نهيان
نهيان صد عليها : بلاها الحلوه زعلانه ؟
مريم : هب زعلانه
نهيان : ليكوننن خليفه
مريم : خلاص عاد لا تيب طاريه
ام نهيان : بس فهمنا كلها كم ساعه و ترضييين مريوم
مريم : خلاص عاد " راحت فوق "
نهيان : بلاها زعلت ؟
ام نهيان : بقوم اكيد مستوي شي

-

عند مريم
يلست عالشبريه تصيييح و تشاهق و تذكر الي قاله لها
دخلت عليها ام نهيان مستغربه و على طول حضنتها
ام نهيان : شفيج مريوممم
مريم تشاهق : اميه خلاص ما اباه
ام نهيان تمسح على شعرها : هدي هدي قولي لي الي صار
مريم وهي تشاهق قالت لها الي صار
ام نهيان تضايقت : ماعليه كلها خيره و اكيددد هو هب مسوي هالسوالف اعرفه خليفه عدل انا و برمسه يراضيج
مريم تشاهق : بس اميه الي بينا انتهى و خلاص ما اباه ولا ابا اسمع طاريه خلاااص
ام نهيان تسمع على شعرها : خلاص الي تبينه يصير الحين ارتاحي شوي و عقب نزلي كلي لج شي زين ؟
مريم هدت : زين اميه
طلعت ام نهيان من الغرفه و نزلت تحت
نهيان : بلاها ؟
ام نهيان خبرتهم ب الموضوع
نهيان ماسك أعصابه و قبض سويج موتره و طلع متوجهه لـ خليفه

-

(عند خليفه )
تووه قايم من النوم و يسترجع الي صار له امس و متضاييق إلا يدق عليه نهيان و رد عليه
خليفه : هلا نهيان ؟
نهيان تنهد : اترياك برع البس و تعال
خليفه : بس تم "سكر "
خليفه يعرف عن شو بيرمس و تضايق اكثر
عقب خمس دقايق
نزل له و ركب الموتر  و حرك نهيان
صمت
بعد عشر دقايق اخيرررا فكر نهيان يرمس
نهيان : مابطول عليك عن الي صار بس ادريبك  ماعندك هالسوالف لكن حاولل ترمسها  و بحاول وياها إذا رضت رضت واذا لا مادري والله
خليفه بصوت مخنوق : والله شاريها و أباها و احبها و أغليها لكن هي تبا هالشي و القرار قرارها  و لا تحاول وياها ادريبها عنييييده خلها ع راحتها !
نهيان : والله ادري انك متضايق و بحاول وياها لو انها عنيده عنلاتها اكيد شيخه معبيه راسها عليك ماعليه برمسها المهم لا تتضايق و ان شاءالله خير
خليفه تنهد ب ضيق  : ككيف ما اتضايققق ؟
نهيان : الي تسويه غلط رمسها ولاتتضايق تلقاها تتريا منك اتصال واحد
خليفه : ما برمسها وخلاص بنفصخ الخطوبه و بس
نهيان تنهد : الي تبونه يصير
و نزلو عالبحر
خليفه يشوف البحر و عيونه تدمع : اخخ اخخ تدري ب غلاتها عندي رغم هاذا صدقتهم!
نهيان يسمع له و يدري بـ الي يحس فيه
-