بين عينيها حكايا

الجزء الحادي عشر

#بين_عينيها_حكاي
.
.
.
.
.
.
.

متابعة للحساب فضلاً وليس امراً
تعليق وتصويت دعماً للقصة ❤️
.
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين🚫
أذا لم تستطع قرائتها اقرأ الجزء الذي يليها ❤️
.
.
.
.
.
.

مرض الفؤاد من الفراق فكلما

فارقت محبوباً تلاه حبيبُ

ياقلبُ لا تحزن فذا حال الدُنا

الوصل شمسٌ والفراقُ مغيبُ

وَهج
_____________

أصعب شي بعد الفراق
أنك تحاول تتعود تعيش
بدون الشخص اللي تحبة
تحاول تاكل
تحاول تشرب
تحاول تضحك
او حتى تحاول تتنفس

.
.
.

شهرين مرو على غياب بابا
توقفت ماما عن محاولة البحث بعد ماأجانة
المعاون مال بابا بالمدرسة متخفي وملثم بالليل
وبلغنة ان نكف عن البحث
خوف ماما علية وعلى اخواتي
گاللهة

-خوية أمانة الله خايف عليج وعلى بناتج
عندج بنية شابة
وبنات حديثات بالأبتدائية وانت هم مو جبيرة بس تبقين تنحبشين
يعتقلوكم والنسوان ماتتحمل اعتقال

ذولة نفسهم دنية ورب العالمين نازع من گلبهم الرحمة ومخافة الله
وهذا نجم رتبة جبيرة بالحزب زرعو
بعد ماسمعو من شخص من المدرسة عن مواقف أستاذ سليم ضد سياسة
الحزب
واخاف عليكم منة وخصوصاً بعد موقفج ويا

ومنا ماما صابهة الرعب وبيبي بأسف گالتلهة

-يمة شذر ابني زلمة ماعلي خوف
لمي بنياتج وخافي عليهن وخصوصا وَهج
حديثة وحلوة وذولة عينهم نگسة
خليهة يمة على الله

وصدگ سوت ماما مثل ما گالت بيبي
وحذرتني أبلغ ولد خالو طعمة تعرفهم يتهورون ويرجعون
وخصوصا ليث

ومنعتني اجاوب عالاتصالات خاف خالو أياد يتصل
تخاف علي متريد يصيرلة صلة بموضوع بابا
وگالت ماكو غيابات بعد باجر تداومن
السيارة تجي تاخذني اني والتؤام
ننزل بنفس الشارع
اخليهم يدخلون مدرستهم گدام عيني
يلة اعبر الشارع لمدرستي اللي صايرة مقابيل مدرستهم
همة ثاني ابتدائي
وآني خامس اعدادي
بهاليوم وبعد مرور ٣ أشهر على اعتقال بابا
اليوم جان گلبي ممرتاح

ماما مريضة ومخلص علاجهة
وشموسة عمرهة سنتين ونص
تبجي ورانة من طلعنة للمدرسة
ماركزت نهائيا بأي درس
لحد مااجت السيارة وصعدنا اني واخواتي وبنات جيرانة

مشت بينة السيارة
ومقبل ينزلنة يم البيت گال اتاخر على اهل الدوام المسائي
نزلنة بعيد عالشارع
اسمع صوت هدير اليات عملاقة التفتت هاي الاليات تلوحلي بمزرعتنة
ركضت وجريت اخواتي فرحانة غبائي صورلي بابا رجع وجاي يحرث بالگاع
البيت بعيد وگدامة بستان
بدة يلوحلي البيت بس هوسة ناس يمة
تركت ايد اخواتي وركضت
وطار من عمري عمر