عيونً عشتها شعر وشعور..

الـــمـ١٤ـئـــه

(بسم الله الرحمن الرحيم)
"الـــــبـــــارت "الـــمـ١٤ـئـــه✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
"عند لمى"
يوم اطلعت من عندهم اتجهت لدورة المياه
عشان تقدر تاخذ راحتها مع نفسها
بدت تبكي بصمت ومنقهره من
الموقف اللي صار لها بسبب غباءها
وانها اسمعت كلام تركي انهم يرجعون اصدقاء
وهم مستحيل تجمعهم علاقه غير الحب
بعد عدة دقايق وهدت العاصفه
اللي انتجت الم وحزن في قلبها
قررت قرار انها ماعاد تتكلم مع تركي
ابد مهما حاول معها راح ترفضه
"عند شوق"
كانت جالسه على جوالها
وتطقطق فيه وتتسلى
على ما يجي صقر
دقايق ودخل صقر وهو
مروق ويغني وطربان
شوق وهي تشوفه فرحان
افرحت معه: الله وش ذا كله فرحنا معك
صقر يمشي لها ببطئ:احس اني اشتقت
اشوف البيبي اليوم
شوق:رجعنا لحركاتك
صقر جلس يجنبها: افا افا وش هالدلع ذا
شوق:تراك تقهر مرهه
صقر ما سمع لها وقرب اذنه
عشان يسمع الطفل
شوق خطر على بالها فكره:صقر
صقر بعد عنها: هلا امري
شوق:زي ما انت عارف الحمل تجي
فيه فتره الوحم
صقر:اي اعرف تصير الحامل تتوحم على
اشياء طبيعيه او غريبه حتى
شوق: اي زين انك عارفه
صقر:اي وش الطاري
شوق:احس انها بدت معي
صقر:يعني بديتي تتحومين
شوق:اي لي ايام ملاحظتها
صقر متحمس:على ايش واجيبه لك ركض
شوق:بقولك بصراحه عليك انت
صقر: انا وش شدخلني
شوق: وش وشدخلك انا متحومه عليك انت
صقر يضحك: يعني وش المطلوب مني
شوق:انك ماتبتعد عني كثير وتخليني
اضمك دايم عشان ما يتضرر البيبي
صقر:عشان البيبي بس
شوق:اي ماراح انقهر المره ذي
صقر يضحك ويضمها
شوق وهي مبسوطه بنجاح الفكره
اللي طرت على بالها
"نسرع الوقت"
في شقة البنات
كان الصمت طاغي
قاطع هدوءهم صوت ختمة:بنات شفيكم ساكتين
حنين:اليوم قلت لسيف ماعاد بنلتقي
عشان لازم نركز على الاختبارات
لمى تهفهف: حتى انا بس راح اقاطعه نهائي
وعد:انا عكسكم مشاري ناشب لي
اماني:وانا حظي ردي لا ذي ولاذي
ختمة تضحك:شفيكم مكبرين الموضوع
سهالات وبتعدي وذي مرحله مهمه لكم
ولهم بعد لازم تركزون على دراستكم
وانا عن نفسي بساعدكم باي شيء تحتاجونه
وسويت لكم جدول راح ننتظم فيه
حنين:كيف جدول
ختمة:فكرتي بنقسم المواد على الايام الباقيه
قبل وقت الاختبارات فيها راح
تذاكرون مع بعض كلكم واي سوال
او مسالة مو فاهمينها تقولونها
واللي تعرف الحل تشرح للباقين
وانا بحكم اني ماني معكم
راح ادلعكم وازين لكم الجو
بحلا وحركات تخليكم تذاكرون مرتاحين
وما فيه غياب كلكم قدام عيني متواجدين
لمى: عن نفسي معكم
وعد: انا ما اقدر مشاري بيزعجني
اماني:خلي وقت مشاري غير ووقتنا
غير بكذا تجين وتستفيدين من اللي عندنا
حنين:يلا بصوت واحد بنات
واصرخو بوقت واحد بحماس
ثم اضحكوا على بعضهم
"عند الشباب"
هز صمتهم صراخ البنات
مشاري قام
عبدالعزيز: اجلس اجلس
ماوراهم سالفه يصرخون على اي شيء
زياد:تلقاهم شافو صرصور
مشاري:وين عايش انت هنا حشرات برستيج
سيف: ماعلينا من سماجتكم اللي ماراح تنتهي
المهم ماعندكم اقتراحات
للاختبارات وش نسوي فيها
تركي***^^^
*************
#انتهى