الادعج " قاع الظلام "

الـقـا؏ السابع عشر

الأدعج "قاع الظلام "

بقلمـَي زهراء الساعدي

لطفًا فراشاتي دوسن على النجمة وعلقن بين الفقرات

حساب الانستا
zahralsadi
قناة التلي
zahralsadi

<~~~~~~~~~~~~~~~>
تعوفني وتگدر بدوني
ليش ياثالث عيوني !

- أدم : طبعًا تعوفك وانتَ معيشها بچذبه
وكلشي الصار مو صدفة تخطيط .

شهگت شهگه قوية و وگعت بالگاع
شجاي يحچي !!!
وي طر الفجر بدون تفكير طلعت بدون لا يدرون اركض بالشارع
الطم على وجهي واحچي
- حتى هو چذب عليچ كلها ضحكت وعيشتچ بچذبة

وصلت على الشارع العام ظليت واگفه حايرة
وين اروح ؟ حتى مكان القصر ما اندله
گعدت على الرصيف اشهگ

خاف يشاقة ويا ؟ لا لا چان أدم جدي بكلامه
ليش يچذب عليّ اني مو ثقيت بي وحبيته
سلمته روحي وگلبي وحچيتله كلشي
معقولة كلشي تخطيط ، كلامة ، لمعة عيونه ، غزله
كل هذا چذب كل هذا تخطيط !!!

ليش بهذا وقتنا واحد يلعب على الثاني
وليش كلها تحيك من ورا ضهرنا
تعبت اني تعبت بعد شتحمل صدمات بعد ششوف وشأعيش
رفعت راسي والشهگه محتله بلعومي .

مابيه بعد حيل عذاب أخذني يمك وخليني أرتاح

صفت يمي سيارة وهذا الچنت اتوقعه
حراس الباشا سحلوني للسيارة وهالمرة لا قاومت ولا دافعت
اني اريد ياخذوني هلبت يقتلني وأموت .

نزلوني شمروني جوه لگيته واكف يمسح بوجها ويفتر
وميمي گاعده تهز برجلها وادخن
بس شافني هجم عليّ خنگني من بلعومي
جهضت عيونه وشراينا بينت خفت من وجها بس بقيت اباوعله
- شلون طلعتي منا منو الوراچ وخله الحراس كلها تطيح

- مـ محد اني خطفوني

ضحك بصوت قوي ما مصدگ
- اضحكي على غيري مو عليَّ

- مو اضحك عليك اني صدگ انخطفت يم العفاريت

بس گلت هيچ عافني وظل صافن
- شنو !!!!

- خطفوني منا رادو انطيهم معلومات عنك
ما انطيتهم عذبوني . وهسه شردت منهم من نامو
اسأل حراسك وين لگوني