قدر مراهقة 2

الجزء 95

#قدر_مراهقة2
#ميرال_مجد
#بقلم_فريال
الجزء 95
طبوزي طهرولو وجابوه يبكي البوال مصبرش على صوالحو يعني والله عندو الحق او ينضر وفوقها داولو قطعة من تاعو كي شفتو هكاك سقسيت مجد قولتلو نهار طهرولك انت بواش حسيت غاضك _ وش الي يغيضني _ ها الماتريال تاعك _ استغفر الله ياربي وين علبالي انا كنت صغير ماجايب خبر لوالو _ اممم معليش بصح والله تغيضو نتوما رجال تتوجعو في صغركم ويقطعولكم منو وفوقها يبرحو ويزغرتو عليكم _ هاه حنا نتوجعو مرة وحدة في حياتنا وصاي ماشي كيفكم نتوما النسا _ في هذي عندك الحق نتفرعو نتوجعو نولدو نتوجعو تجينا مدام غوج نتوجعو نرضعو نتوجعو كلش يوجعنا مش زيكم نتوما علبالك حاسدة رجال وغيرانة منكم _ من واش غرتي _ تصومو رمضان كامل وحنا لا _ اذا تبغي من بعدكي يتفرقو الغاشي ونرجعو لدارنا نديرلك حاجة تخليك تصومي رمضان كامل ومدام غوج تحبسلك 9شهر _ ايه فكرة شابة مذابيا نصومو كامل ونعمر كرشي ونبقى نتوحم وندلل عليك ونهبلك ها مالا ليلة نبيتك عريس _ نسا كامل يحشمو غيرانت بايعة لحشمة _ يقولولك الحشمة تروح مع طفل لولى ياعمري وانا ذوك جبت الطفل الثاني ومزال نزيد انت شفت كلش وحفظتو علاه نحشم منك هاه قولي برك راك قلبت السلعة وعدلتها زي ماتبغي انت دخلت واستكشفت التضاريس والمغارات _ مهبولة والله نزيد معاك شوي يطرطقلي عرق _ سلامة قلبك ياحبيبي متتقلقش بزاف ومتعبش روحك فليل عندك خدمة متنساش راك بايت ليلة عريس مذابيك مطولش برا بزاف مردش عليا وخرج خلاني ها هبلتو مسكين لحشمة طيرتها قدامو وهو عاجبو الشي هذا، شوفي سيدتي لحشمة خليها برا اما مع راجلك حلالك طيريها وديري كلش باش تكسبيه (طبعا في اطار لحلال ووش حللو ربي سبحانو) كل مرة بدلي وزوقي وكسري الروتين مرة على مرة اخلعيه بفكرة جديدة ويكذب عليك الراجل الي يقولك منبغيش الخيوط ولعرا والصوالح هذوك بالعكس يبغيهم ولوكان يلقاهم برا يجري وراهم لهذا انت في دارك ديريلو كلش باش مايخرجش برا ويدوهولك وراجل يشوف شوي تقصير واهمال من جيهتك ويلقى الاهتمام من جيهة خلاف يروح (وذوك نسا يطايشو برا وباطل تانيك هات برك تلقى راجل تلصق فيه برجليها ويديها مايهمها لا متزوج لامطلق لابولادو لاوالو المهم تلصق فيه زي لڨرادة). هو بعد ماخرج انا بقيت مع وليدي رسيم جاي مطبز وبوخدود نيفو زي تاعي لباقي منعرف لمن يشبه شعرو كحل تاني اما عينيه صغار ميبانوش كامل قالولي يكبر ويتبدل ونشوفو لمن يخرج قولتلهم هاه من ذوك وحدة ماتطمع نديلو بنتها والله ماناسبكم وماطمعوش فيه اطلاقا شوفلكم جيهة خلاف.
#فريال