قدر مراهقة 2

الجزء 99

#قدر_مراهقة2
#ميرال_مجد
#بقلم_فريال
الجزء 99
بعثتلها فليل ماردتش عليا حتى فاتت سمانة قالتلي وش بغيتي ديراكت لا احم ولا دستور تاع من لخر هاه قولتلها تعرفيني _ لا ووعلاه بعثتيلي وش بغيتي _ هاه تشفاي على نهار تعاركتي مع هذاك المهم عجبوني كلماتك ممكن تقوليلي منين انت نحب نتعلم باش نسب بيهم ناس الي يقلقوني _ انت مريضة في راسك؟ اذا مريضة روحي امرضي في بلاصة خلاف متجيش ترمي هبالك عليا هنا مش ناقصني _ هاه شبيك شاعلة تقول سبيتك انا ياك قولتلك علميني برك شبيك رافدة خنافرك عليا _ روحي ترنكي بعيد _ اعدلي فمك خيرتلك _ وش ديريلي مثلا تضربيني ولا تقطعيلي راسي ارفدي نعيك وقودي منا _ هاه شاعلة تقول سرقتلك راجلك _ كل الي همكم الرجال تموتو عليهم وفي كل موضوع تجبدوهم _ لا منموتش عليهم انا اصلا الراجل اخر اهتماماتي المهم قوليلي منين انت _ علاه حابة تعرفي _ عجبتني اللهجة نحب نتعلمها _ من نيتك _ لا من زوكي ها باينة من نيتي _ كامل نعرفو نطيحو متبدايش تتعوجي لانرخسك هنا تعياي تلمي قدرك _ تسبي نسب وهي ماشية هههه _ ربي يشفيك باين بلي حالتك ميؤوس منها _ للاسف مريضة ومعنديش دوا منين انت _ الشرق _ وانا الغرب _ واحد ماسقساك منين انت_ غير قولتلك ها حبسي انا نقول كلمة وانت ترديلي شويا موالفة انا الي نسب ونخسر جيتي انت خربتي كلش شوي احترام _ تلقايه في السوق اشري منو. بقينا نحكيو مرة على مرة وايا والفتها وداصرتها بالشوي بالشوي عرفت بلي تكتب القصص كانت مينذاك تغبر باليومين و3 كي نقولها تقولي منحبش نخدم بالانستا بزاف ايا قولتلها نجيك للفيس وهذاك الي كان روحت وضربت طلة على القصة الي كانت ديجا كملتها عجبتني وتحمست جاتني فكرة في راسي اني نحط قصتي منها يستفادو منها الناس ويتعلمو من اخطائي ومن جيهة خلاف نفرغ قلبي ونحكي وش راهو ضارني لانو من سابع المستحيلات نحكي لختي وش صرالي حابة نحكي للبراني خير من لافامي لانو مهما قالولك منحكوش يحكيو كل واحد عندو عبد عزيز عليه وميقدرش يخبي اي حاجة عليه ايا يحكيلو وتمشي لهدرة ودور وتتفضح لهذا فضلت نحط قصتي. قولتلها اذا تحطيلي قصتي نحكيلك قالتلي معليش بصح مش ذوك عندي خرين قبلهم وحابة نرتاح احتمال منزيدش نكتب عيت، بقيت وراها وراها حتى قبلت وحطت تلميح في رمضان وكي فات رمضان بدات تحط فيها وطولت معاها بزاف كي لحقت لنهاية فاق بينا مجد كي رفد تليفوني ودخل للفيس لقى لاباج قدامو دخل شاف فيها مليح وعاود دخل ليميساج الي بيني وبينها لانو كنت نحكي معاها بزاف وايا لقى لعجب حكيتلها لقصة وكنت نسبو وهي مينذاك تاني تسبو معايا وتقولو الحلوف وياهذيك تبهديلة خلات عليا وعليها وش يسلكنا منو ذوك.
#فريال