قدر مراهقة 2

الجزء 100

#قدر_مراهقة2
#ميرال_مجد
#بقلم_فريال
الجزء 100
نهار هذاك يعيط ويسب فيا قالي بلا ر** تنحيها وشكون عطاك الحق تحطي الزبل بلا ماتشاوري درتي رايك مالقيتيش الي يحكم فيك رخفتلك شوي حابة تطلعي فوق راسي وتحكمي فيا فضحتي كلش ماخليتي حتى حاجة الي جا يقرا ويعرف وش درنا بقى يطير وحدو ويسب وكي صمطتو مبغيتش نحكي معاه حتى يركح ونتفاهمو هبل في راسو وبعثلها ميساج قالها تنحي القصة لانطيرلك كلش _ هي قالتلي شبيك هبلتي _ قالها راني راجلها انا وذوك تنحي قسامها خيرتلك _ قالتلي روحي تقودي لانو موالفة نتمسخر بيها ونقلقها، هو كي قالتلو هكاك حرن وكلب قالي منا للعشية نطيرلها كلش نوريلها الكلبة تقولي قود _ قيسها وتشوف _ شانشوف كثر ماشفت هابهدلتينا كلش تفضح مابقى والو _اني قولتلك مشكلتك معايا هي خليك بعيد عليها ولا _ ولا وش نعيك ولا _ والله غير نوض ندي ولادي ونصد لدارنا وابقى فيها وحدك ولقصة نكملها بلا عزرين، انا قولتلو هكاك وهو يرفد تليفوني ويخبطو للحيط وياما خيتي راح لغالي راح كي دار هكاك لبست حجابي وهزيت ولادي قولتلو ذوك توصلني لدارنا ومكلاه تحكي معايا وتليفون تخسرو بلا يماك وهيا وصلني لدارنا متقلقنيش فوق ماراك غالط زايد تتفرعن _ شوف اسيدي شكون راهو يتفرعن انا ولا انت الي حاطة لقصة وحكيتي كلش خليتي ناس كامل يعرفو وش صرا وجاية تشركي فمك _ هيه حكيت ومزال نزيد نحكي انت وش ضرك ياك محطيتش اسمك الحقيقي ووين تسكن ووش من بلاصة واحد ماراح يقدر يعرفك حطيتها لاني نضريت ارب العالي نضريت واحد ماهو حاس بواش فوتت 5 سنين تبدل فيهم كلش الي نحبهم راحو وخلاوني بين ليلة ونهار كلش تخرب كنت حابة نحكي ونفرغ قلبي ولقيت بزاف نسا يحطو قصصهم قولت انا تاني نحطها ونحكي وش جوزت باش نرتاح _ كنتي تجي ليا تحكيلي كلش علاه حتى تحطيها _نجي ليك نحيكلك كيفاه تزوجت بيك وماتت بنتي وبابا تزوج وكلش راك من نيتك كنت محتاجة نسا واعيات ينصحوني ويفهموني _ لقيتيهم رتحتي كي حكيتيها _ ايه رتحت ومزال نزيد نكملها ونرتاح هيا وصلني لدارنا مابقات قعدة معاك وتليفون تخسرو _ في احلامك والله ماتخرجي منا وتليفون انسايه، قال كلامو وهبط لتحت زعما حاب يعاقبني بالسكوت وتجاهل كيف ماموالف هكا باش نحيها ونركح هاه والله مانركح ونحطها كامل. فاتت سمانة وهو متجاهلني في بالو منيش نكمل فيها ومعنديش بواش نتواصل معاها نسى الطابلات والبيسي كنت نكتب ونبعثلها وقولتلها كمليها تفاهمنا نقسموها على زوج الجزء الاول ونزيدو ثاني ونختمها بولادتي وهكا تكون نهاية سعيدة بصح كان للقدر رأي اخر.
#فريال