قدر مراهقة 2

الجزء 102

#قدر_مراهقة2
#ميرال_مجد
#بقلم_فريال
الجزء 102
ياما راني عيت من هاذ الدنيا خسرت بزاف ومزال نزيد نخسر علاه دنيا ظالمة هكا علاه مايبقاو لقراب لينا علاه يموتو، انت روحتي بنتي راحت ولدي راح ومزال يزيدو يروحو لباقي عيت عيت. نحكي ونبكي بقيت محضنتها وقاعدة تم مجد. تاني كان يبكي على حالتي وعلى ولدو جرحي وجرحو جدد ميبراوش بسهولة. روحت لداري لقيتهم كامل تم دارو عشا على روح وليدي جاو ناس يعزيو انا قعدت في شومبرتي ماخرجت حتى عند واحد طلعت عندي عجوزتي شيخي بابا مرتو كامل يواسيو فيا وانا والو زي لحيط ساكتة وغايسة كي مالقاو حتى جواب مني راحو وخلاوني، وهكا فاتو ليام يجريو وكملت نفاسي ورجعت لطبيبة كنت حابة نزيد نرفد ونجيب طفل بصح هي رفضت وقالتلي مستحيل حاليا جسمك ميحملش قولتلها مش رايك _ كيفاه مش رايي راني نقولك تنضري _ خلي ننضر، نطق مجد قالها متزيدش ترفد _ هاه رايك انت _ باينة _ انا نخليكم ذوك نرجعلكم، هي خرجت وخلاتني فوق طابلة (سرير هذاك تاع المعاينة نسيت اسمو) وهو واقف فوق راسي يتخنزر قولتلو غير الخير شبيك _ والو نشوف للحيط الي قدامي برك _ قصدك انا حيط _ الحيط ويفهم عليك وانت لا _ علاه وش درت _ شوفي انت _ ها بغيت نزيد نرفد ونجيب طفل وش دخلكم _ مكانش متزيديش _ كيفاه هذي منزيدش لولاد علاه رايك انت ولا رايي ها قول شبيك ساكت_تحمستي شوي ونسيتي شكون الراجل وشكون لمرا اذا نسيتي نفكرك _ علبالي بلي انت راجل وعندك صوالحك والماتريال تاعك هو الي يعمرلي كرشي بصح انا حابة نزيد ومكلاه تناقشني ياك انا الي نتعب ونرفد ونتوجع انت شادخلك فيا _ انت بغلة ولا وش متفهميش ار** كبيبة قالتلك خلاص ارتاحي راكي مضرورة بزاف هارب اعالي شبيك هبلتي راح ترجعي قنينة _ الق** ق*** والكرش كرشي مش عاجبك لحيوط بزاف والي فراسي نديرو _اخلاص خلي راسك يفيدك ويعمرلك لكرش انا منزيدش نقربلك ولا نتوشيك _ هاربي  تقلبت لحكاية بكري الراجل الي يحرن على لولاد ويحلل فمرتو باش تزيد تولد وهي رافضة وذوك انا نقولك نزيد وانت تقولي لا ناس مشتاقة لنعمة وناس لقاوها ورافضينها وجهك وجه الشر والجفاف _ هيه خلي نبقى ناشف ومنقيسكش ارتاحي ومن بعد ساهل _ لا ساهل لا والو نقفل ربعين يسومني نزيد نرفد بغيت ولا مابغيتش _نشوفوها تراه راي شكون الي يمشي _ نشوفوها واشفى عليها نرفد بالسيف _ كي نتوشيك وارفدي من ليوم كل واحد في جيهة _ انت بغيت لمشاكل والله وماتوشينيش غير نغتا. صبك ونرفد وتم شوفلك حل وين تحط وجهك ووش يقولو عليك ناس غتا. صباتو مرتو وكيما راك عارف راني حطيت قصتي وكلش نحكيه ونفضحك يازوجي العزيز امالا متقلقنيش خيرتلك _ كنت عارف بلي راح تكمل على عزريني هكا عمي مليح وزادلو لهوا وريح عقلك طاير وتلاڨيتي بلي تشبهلك بهدلتو ر** مزية محطيتوش الاسم الحقيقي تاعي تالي راني شايع هنا ناعل راستكم لزوج كلبة وختها.
#فريال