قدر مراهقة 2

الجزء 104

#قدر_مراهقة2
#ميرال_مجد
#بقلم_فريال
الجزء 104
مع قالتها طرطقنا بالضحك ضحكونا والله مجاياش كبار ويتعاركو والمقودة ڨاع كي قالتلو لوكان جيت تصلح راهم قبلو بيك تاع هنا بصح شافوك متصلحش روح جبتها ماتفهم ماتعرف العربية باش دير رايك فيها، هي تهدر ومرتو قاعدة دور في عينيها مافاهمة والو ها شيباني قلق زعما كي قالتلو نجدد ونبدل مام انا غار عليها وحاب يشدهم لزوج (الحاج متولي ها نغفلو عليه يزيد الثالثة ورابعة وكل مرة يهبط فلعمر لمرة هذي جابها ثلاثينية المرة الجاية عشرينية من بعد من جماعة 18و17)قالها تسكتي ولا ننسى كلش ونتصرف معاك تصرف اخر _ انسى ولا رنك تبغي الصح عفتك ورجعت مستعمل وكيما جبتها لداري وحطيتني تجت الامر الواقع نخلفهالك ونخبطك بسيد سيدك _ كي تلقاي الي بحمل هبالك _ يحملوني متخافش يا الشايب الشايط. هوما يتعاركو ومتلاصقين نطقت انا قولتلو وينو حقي تاع القاطو محقكش يا شيخي كان لازم تعرضنا وديرلها عرس وتعدل بيناتهم قالي كي تولدو انت وياها ونديرلكم عقيقة ونطهرو لولاد وفيها نسمع ناس بزواجي(انا عندي طفل مام هي) خنزرت فيا عجوزتي قالتلي هكا يالعدوة _ ها مالك ياخالتي ياك مام انت حابة تزوجي نديرولك عرس مدارش وافرحي مكرة في العديان، قالي مجد سكتي خلطتيها هذا ماخصها غير تعاود زواج وش بقالها قالتلو بماه بقالي نعي تاع باباك علاه هو يعاود زواج وانا لا ولا واقفين معاه كعاد تحبوه وحاڨريني متزيدوش تحكيو معايا وانت برا من داري جايبلي ضرة وحابني نستقبلها ونقوم بيها ربحت برا عليا كيما راكم واحد مايبقى عندي ناس جابت ولاد وانا حبت حيوط باش يوقفو مع يماهم لا ساكتين ويتفرجو نعيا ونهج ونخليهالكم. قالت كلامها وطلعت لشومبرتها خلاتنا نخزرو في بعض من بعد شيخ خرج مع مرتو وبداو يتفركتو بالواحد مام حنا روحنا وانا في طريق مجد يسوق وانا مركزة مع تليفون ونكتب قالي مزالك برك تحكيلها ها حتى شايب وتفضحيه _ لازم لازم خرجلهم خرجة جديدة ياك منكتبش لعيب خلي ناس تستفيد _ نهارك نهار _ متزعفنيش متنساش بلي راني مريضة _ هيه عندك الزهر منعتي مني من قبل كعاد مريضة وذوك تاني _نبقى كل عام نولد _ هذا لخر صحتك اولى _ نزيد _ تبقاي هكا نروح لصحرا ونخليك وحدك _ نلحقك ونزيد نجيب _ ارتاحي وكبري ولادك ومن بعد جيبي ياك مزالك صغيرة _ اممم 23 وقريب ندخل 24 لوكان ماماتوش ولادي ذوك يكونو عندي 4 وهذا الخامس _ مكتوب ربي يرحمهم_ امين يارب.
#فريال