بين عينيها حكايا

الجزء الثالث عشر

#بين_عينيها_حكايا

متابعة للحساب فضلاً وليس أمراً @ZAHRAA_KKK
تعليق وتصويت دعماً للقصة❤️

ملاحظة /هذا الجزء يحتوي على مشاهد مصنفة للبالغين القصة أيضا مصنفة للبالغين 🚫

.
.
.

البدر يكمل كل شهر مرةٌ
وهلالُ وجهك كل يومٌ كاملُ
.
.
.
-وَهج

______________________

علمتني أمي أن الحياة لا ممكن أن تأخذ
منك شي بدون متكافئ صبرك بأضعافة
قانون أكيد هذا
قدم حنية تلگة دفو
قدم سعادة تلگة تضحية وتكاتف
قدم كلمة طيبة تلگة بحر من الكلمات

انجمعنة على السفرة ولأول مرة لمة عائلة
وضحك يجلجل بالبيت
ضي وفي بجانب بعض شموسة حاضنة بيبي سدرة
واني وليث بجانب بعض وخالة هدية وعمار بصف بعض
وظلال بين ماما وغيث هادئة كالمعتاد

منزلة راسهة ابد ماحجت ولا كلمة
كل شوية توخر گذلتهة شي بسيط حتى متضايقهة

تقرب منهة غيث موخر گذلتهة
وگال

-حبيبتي ليش مضايقة نفسج بالگذلة هيج
وخجلانة
بالعيادة الجلدية اللي جنت أشتغل بيهة بالسويد
شفت أشكال التشوهات

نطق كلمتة وعم الهدوء بالمكان

عمار بهمس وعصبية

-غيييييث انتبه للسانك

ليث خزرة
وماما ابتسمت بحزن حتى ميصير ضيگة خلگ
خالة تتعذر من ماما

وغيث فاتح حلگة يأشر

-اني شسويت

أما ظلال
فالخاشوگة اللي بيدهة وگعت على حافة كاسة الطرشي اللي گدامهة
وكسرتهة

فزت من مكانهة

-اسفة ماما اسفة
احتارت شتسوي لمت الطرشي بيدهة خلتة على ماعون
الدولمة
تحركت انگلب بطل اللبن عالگاع

شهگت متأسفة
وركضت فوگ

غيث بأسف
-والله مو قصدي بعدني ممكمل كلامي
وروح ابوية
عمة امانة لتزعلين جديات جنت اريد أگللهة ان هي حالتهة عادية وهواي عالجو حالات مثلهة
اللي عدهة ميعتبر تشوه
وخل توخر شعرهة عن عينهة ماكو داعي تخفي هالجمال
بس انتو خبصتوني وارتبكت والله

فزيت من مكاني صعدت وراهة

أكيد بالمخزن

دگيت الباب

-حبيبتي ظلال حاجيني

-ها وَهج أريد اكمل واجبي وارتاح شوية

-بس فتحي شوية نسولف

-مااريد حبابة روحي

نزلت منهة ورحت للحمام سبحت
ورجعت لغرفتي مشطت شعري ورتبت الكنتور
رشيت عطر وطلعت البيت هدوووء
فزيت من ليث واگفلي بالباب