بين عينيها حكايا

الجزء الرابع عشر

#بين عينيها حكايا
.
.
.
.
.
متابعة للحساب فضلاً وليس أمراً
تصويت وتعليق على الفقرات شاركو رابط القصة مع صديقاتكم دعماً للقصة ❤️
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين🚫
أذا لم تستطع قرائتها اقرأ الجزء الذي يليها ❤️
.
.
.
.
أن تأتي متأخراً خيراً من أن لا تأتي
.
.
.
وَهج
________________

مسترخية بفراشي بعد تعب يوم كامل بس السعادة مالية
دنيتي
وكل مااتذكر راح نخطب اني وليث تمغصني معدتي
من التوتر والسعادة بنفس الوقت
غفيت واني اتذكر
كل كلمة وكل وعد قطعنا لبعض

الفجر بين اللي أريد أصحى وبين النايمة
سمعت عيطة بصوت عااااالي

-يايممممممممممممممة

فزيت بنفس اللحضة رحت للصالة
لگيت الكل نايم ماعدا ليث نزل يركض

-ليث سمعت الصوت

-اي حبيبتي صوت عااالي

ركضت للطارمة مدام اني وليث سمعنة الصوت يعني
بيت خالة ام صبا لأن غرفنة طبك ويا المنور مالتهم

فتحت الباب وليث وراية
الباب مالتهم مفتوح

دخلت لگيت خالة بالهول حاضنة امهة وتعيط
وصبا على جهة تبجي
عرفت بيبتهة توفت حضنتهة
وهمستلهة

-البقاء لله حبيبتي
ترجف وتحجي

-راحت بيبي وراح نصفى بالشارع وَهج

-اسم الله عليكم حبيبتي

رجعت بسرعة للبيت

وگعدت ماما وخالة راحو
لأمهة
واتصلت خالة ام صبا باخوانهة

ويا بداية الصبح وفتح حظر التجوال
شيعو الحجية لمأواهة الأخير

٣ايام العزة انتهت صبا بين بجي وتعب
وخوف

وخليناهم براحتهم ينامون يرتاحون
واني وماما نمرلهم عصرية نهون عليهم ونشوف خاف محتاجين شي
مرت عشر أيام وخلصت الاجازة اللي طلبتهة لصبا
رحتلهة حتى اشجعهة تكمل بحثهة احنة مقبلين عالتخرج
للعصر طلعت للطارمة مالتنة اريد افتح الباب واروحلهم
وارتفع صوت ببيت خالة ام صبا
وصار صياح ماميزت منة بس صوت رجال
يعيط صار صوتة قريب بالطارمة

-الج مهلة يومين خابرت حموينج ياخذون بنتج وانت ترجعين ويانة
والبيت راح ينعرض للبيع وبساعتهة عود ننطيج حصتج

-انتم ظلام ولكم امي بعدة ترابهة مانشف وتردون تورثوهة

-لا تورثهة بنتج بنت الغريب الكتلتي روحج علي تالي لفة الگبر ومن صلافتج ووكاحتج مااخذتي حماج
ولميتي بنتج لا اجيتي تونين لأمي
واخذتج وطلعت بيج
وسنين زعلانة من عدنة شلون ردنة نجبرج تتزوجين لأن جنتي شابة وأرملة
ردناج تنسترين بس انت وحدة مفضوحة
وهسة امي وبحححح راحت بعد