مذنبه بذنب ابي

مشاهد ⭕

بسم الله الرحمن الرحيم اللهم صل على محمد وآل محمد 🦋

ابتسم للحياة والحياة تبتسم لكَ

كن سعيداً لا أحد مهم 🍃

ملاحظه: تم تعديل على البارت وجعله مشاهد فقط بسبب ان الاحداث الذي ذكرت كانت ناقصه او خاطئه سيتم التعديل على الروايه بالكامل

أحداث الروايه من زمن صدام إلى يومنا هاذا اتمنى ان تعجبكم

اضيفوها في المكتبه للقراءه بعد الاكتمال ♡
...................................
.
.
.
.
.
.
.
.
.
.
.
.
.
.
..................................
مشهد 1

-ابوي بنتي ماكدر بلياها والله ماكدر فدوه اروحلك وين العدل تروح بنتي بذنب مو ذنبها انا بشاربكم فدوه لا تدخلوها

تنفس بتعب وهو يحاول يهديني كال
-زين بهاي الحاله ولدج راح يروحون بيها ورجلج همين الخساره راح تصير اكثر

وبعدين راح تصير حرب دم ناس تاكل ناس اني اريد احل النزاع من الاخير حسمنا القرار نتهى ماكو رجعه

نهاريت من البجي يارب شنو ذنبي انا شنو راح اخلص عمري ادفع أخطأ غيري وهسه بنتي هم راح يصير مصيرها مثلي

..................................

مشهد 2

-روحي حبيبتي شوفي اخوج وين راح تأخر

هزت رأسها وراحت وانا خلصت تنضيف البيت كنت اكنس بمكناسه الخوص كانت ثقيله عليه لانو بعدها جديده

دخل هوه بطلتو رفعت راسي اتأمل ملامحو الي اعشقها بس من دحكت شكلو شلون ضايج قلقت كثير

كتلو انا متوتره
-الله يساعدك

مارد عليه كان تفكيرو مشغول تمدد بالصاله وكال
-حضري ملابسي اريد اسبح

كتلو حاضر من عيوني وكمت حضرتلو المي جنت مخليتلو مي بالحب حتى يلكا ماي بارده يسبح بيها بهاذا الحر

حضرتلو الحمام ورحت اسوي غده سمعتو يسولف ستغربت ويا من يسولف تصنت عليه وسمعت كلامو ريتني ما سمعت

كان يحجي ويا وحده ويكللها
-والله بوجها ما ابوع كل عقلج انت روحي والله احبج كافي لخاطر ربج

اي ما تدني الها لا تضوجين ....

..................................

مشهد 3

كنت امشي بصوبو وهو شايل بيدو حطب وانا خيار عطروز شايلتو بعباتي

هوه كان يمشي و بالو شارد وانا كنت ابس استرق نضرات الو يارب شكد احبو بس لو يحن كلبو عليه

تأمل عيون الكبار ولونهم مثل البحر الصافي رغم سمار بشرتو من الشمس الا انو مازايدتو غير جمال

تناقض بين لون عيونو وبشرتو مخلي عيونو تبرز اكثر  امشي واحفض بتفصيلو بدون ما انتبه عثرت بس ما وكعت لتفت عليه وكال

-شمالج جانت تكسرتي نتبهي

ستحيت من نفسي كثير لو واكعه وفشلانه كدامو شحجي شكول كلتول
-عذرني ما نتبهت

كال بضحكه
-شاغل بالج الخيار ادري النساوه صعبه بس مو لهل درجه مستعجله تريدين تاكلين

-لا والله اصلًا مو جوعانه بس ما نتبهت

كملنا مشي وجانا بن عمي يصيح ومفزوع نهبطت من دحكت شكلو اجا وكال بنفس سريع من اثر الركض كان يحجي بلكوه

-ولك عميد عمي وكع بالشاخه وغركان لونلحك لو لا

نرعبنا وعميد كال دخلي للبيت وراح مستعجل يركض هو ويا

وانا ضليت بحسرتي ابجي ما اعرف شنو راح يصير

..................................
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
. . . . . . . . . . . . . . . . .

القصه حقيقيه ⭕

ملاحظه: الروايه ابطالها هي الام وبنتها القصه لوما تستحق ما كتبتها بس أثارت هتمامي أمره قويه ضحت وعانت واعشت أشكال وألوان وهسه هي شامخه بكل جبروت

+اتمنى تصوتون لان راح يساهم بنشر الروايه ♡