نعم احببتك

الجزء الأول

استيقظت ع صوت المنبة الذي ازعجني صوته وكل اشويه اخلي 5دقايق حتى ارجع انام كمت من السرير وحظرت ملابسي غيرت ملابسي ووضعت القليل من مساحيق التجميل فأنا جميلة ﻻ احتاج الى الكثير من المكياج ههههه القليل من الكحل واحمر اشفاه واطلع مزه هههه....

دعوني اصف لكم شكلي انا بيضاء متوسطة الطول ذات عينين واسعتين يعني عيوني كبيرة ذات شفاه ممتلئة يعني شفتي حلوة محتاج نفخ هههههه جسمي احلى شي بيه...... احب ارتدي التنورات القصيرة وقميص الابيض ﻻن بالكلية ميخلونا الا تنورات وقمصان بيض اهئ اهئ واحب الأحذية الفلات الكالة ....

انتظروا نسيت اكللكم اسمي اسمي شهد (شهودة)
مرحلة ثانية كلية العلوم قسم بايو

( أنس )

وصلت الى الجامعة يوم ممل كل البنات تنظر لي ينتظرن نظرة مني لكنني اكره البنات نعم ﻻ تعجبني البنات اكره البنات الي تتدلع وتتنعوص...

( شهد )
-شهد اتصلت بعذراء فور وصولي للجامعة
-الو هلاوووو عذاء شلونج حبيبي صباح الخير
-صباح النور حبي شهودة الحمدلله شنو هل تفائل من الصبح خير اشووو فرحنة
-اكيد حبي فرحنا معدنا امتحان هي خلي نطلع ونتونس ونشتري ملابس
-اهوووو اتريدين تطلعين تشترين مﻻبس ...شنو هل ادمان وقبل يومين اشتريتي ملابس
-لج هو احلى شي بالدنيا مﻻبس
-ﻻ والله
-اي والله ....ليش عندج اعتراض
-اي اكيد ...الحب اهم شي بالدنيا
-امشي لج يله باي هسه ادوخني بالحب
-هههههههه....باي حبي
-بايات

( عذراء )

انهيت مكالمتي مع شهد اتصل بي علي
-الو ...هلاووو حبيبي
-هلاووو حبيبتي ...ليش تلفونج مشغول صارله نص ساعة
-حبيبي جنت احجي ويه شهد
-اهووو هم شهد اشوكت اخلص منها
-حبيبي تعرف اشكد احب شهد بس اريد اعرف ليش ﻻ انت اتحبها وﻻ هي
-ﻻن هي تأخذج مني
-هههههههه وهي هم اتكول نفس الحجي
-هسة شنو حنبقى نحجي ع شهد
-ﻻ حبيبي شلونك مشتاقتلك كومة
واستمرينا نتكلم .....

( انس )

كنت اسير في الممر باتجاه قاعة المحاضرات اتصلت باحمد
-الووو ...هلاوووو احمد
-هلاووو انوس
-اكلك احمد المحاضرة باي قاعة
-هههههههه نيال امك متعرف المحاضرة بي قاعة
-ﻻ اعرف مو بقاعة 9
-ههههههه .... وهسه انت وين
-وصلت يم قاعة 8
-يمعود ارجع المحاضرة بقاعة 7
-صدك ..لو اجذاب عليه
-ارجع ...اشوكت مجذاب عليك
-اوك ...باي
-باي
لفيت دا ارجع وفجأة ....

( شهد )

الساعة 8 خرجت من النادي للمحاضرة المحاضرة ساعة 8/30 كانت اسير بتجاة القاعة 9 فجأة اصطدمت باحدهم
-قلت شبيك متشوف
-نظر لي ...وقال وانتي متشوفين اكو وحدة تمشي ومتباوع كدامها
-اني لو انت وكفت فجأة ...اكو واحد يوكف فجأة
- ﻻ حقج ﻻزم استأذن واصيح ترى حوكف اخاف وحدة مثلج ذكية متشوف زين
-اي شكو بيها مو احسن متنصدم بالناس ... وبعدين شنو قصدك بذكية
-ليش متعرفين شنو معناها
-ﻻ اعرف .. بس انت تقصد الي بالي
( عدنا بالعراق معنا كلمة ذكية اوذكي يعني غبية او غبي )
-اي قاصد الي بالج
-اوووووف .... شنو هل يوم الاكشر صبحت بوجه منو اليوم
-اكيد بوجهج صبحتي قابل بوجهي
-ﻻ والله
-اي والله ...زين انتي اول مفرجتي اسنانج وغسلتي وجهج باوعتي بالمراية مو
-لم ارد عليه
-هاااااا غلبتج وبعد متعرفين اتردين
-ليش ماعرف ارد ... بس اني مارد على واحد غريب
- اشعر بالصدمة ..... لعد منو جان يحجي ...ولسانج الطويل الي ينرادله كص
-ليش متدري انت جنت تحجي ويه روحك ....خطية اتخبلت بعدك شاب متستاهل ...وبعدين منو لسانه ينرادله ينكص اكيد انت
-ليش بله اكيد اني
-ﻻن احسن
-شنووو