الأخ المتحرش

الأخ المتحرش ،،الجزء39

يا بيت اهلي لماذا جدرانك يغطيها الزجاج المتكسر هل لك قلب قاسي مثل زجاج قلوب اهلي ام إصابتك العدوى منهم
يا اهلنا ارحمونا يرحمكم الله
فانتم المفروض الجدار الناعم الذي نستند عليه عند الضيق
عادت ميسم الى البيت و هي تشعر لاول مره انها قست على أحد بدون سبب
اتصلت على السند الوحيد لها اختها
ميسم بصوت منزعج اشلونج و شوكت الولاده مالتج
مي و عليكم السلام خير ليش تحجين من وره خشمج اكو شي
ميسم انتبهت على نفسها
لاحبي السلام عليكم اسفه اشويه عقلي مشغول
مي بشريني منو شاغل عقلج
ميسم ما عرفت اشلون تشرح لاختها حيث تعترف انها اخطأت بحق شخص لم يفعل لها شئ
لا اختي بس ما سمعتي هذوله اهلي جايبين كريم يمهم يعني حبينا انساعدهم جابوا مصايبهم وياهم
هم اكو امل بيوم نخلص من هذا القرف الي يمشي ورانا مثل ظلنا
مي اختي احجي الصدك شنو زاعجج انتي عندج بيتج الخاص
شنو دخلج اذا كريم عاش وي اهلي او لا
ميسم عيني انسي هذا الموضوع بس تره الكهرباء صدك صايره مزعجه
كل اشويه تنطفئ و البيت صاير موحش
صدك تقريبا كمت مرات اخاف لان عايشه وحدي بلبيت
مي خاما بعدج اتنامين بلسطح
ميسم اكيد بعدني على الأقل احجي ويه النجوم اتسلى وياهن اشويه
مي حبي احنا بلشتى يعني البرد بنص البيت لا يطاق اشلون بلسطح
ميسم تدرين اني ما أبرد
على الأقل من تنطفئ الكهرباء ما ادري بيها بينما بداخل البيت
لا لا الوضع كلش مخيف
مي شوفي شغلي الفانوس ويه المغرب من يطلع الصبح طفيه حتى لا ايصير البيت كلش اظلم
ميسم أحاول اجرب
انت اشوكت الولاده مالتج
مي المفروض الشهر الجاي
صدك ترى وضع البلد صعب احتمال اكو حرب قريبه حضرتي امورج
ميسم تقريبا حضرت بدت اتعدد تحضيراتها في حال وقوع حرب

سدة ميسم التلفون و كان الليل
قد قرب
حاولت أن تنفذ ما قالته اختها
لاكن اول ما انطفئت الكهرباء
صار الظلام خارج باب الغرفه مرعب لها
حملت الفانوس و صعدت بسرعه إلى السطح
لكن كانت النجوم اختفت خلف الغيوم
البيت مظلم النجوم غير موجوده
ماذا تفعل بدئت السماء تمطر
عرفت أن هذه اشاره من السماء
أن عليها أن تنزل و تنام بداخل البيت اقفلت على نفسها باب غرفتها
حتى لا ترى الظلام الذي خلفه كانت هذه اول ليله تخاف بها فهي تعودت على العيش لوحدها
حل الصباح
ذهبت إلى العمل عند عودتها
صارت تفكر كيف تعتذر من الشاب صاحب المحل لانها صفعته على وجهه بدون سبب
فهو ليس له ذنب بلعقد التي سببها اخوها لها
دخلت محل لبيع الملابس الرجاليه و هي
لم تشتري بحياتها شي لرجل
لاحظت أن اللعبه المعروضه في جام خان المحل يلبس قاط و لفاف
اكيد اختارت ما هو انسب و ارخص لها اللفاف سعره مناسب
هو هديه ممكن أن تعطى إلى الاب او اي شخص غريب
بدون أن يكون له معاني تمسها باي شكل

في المحل كان حيدر يتكلم مع فاروق حاول بكل الطرق أن يخفي معلومة ما حدث له و كيف أنه صفع من ميسم
فهذه اهانه له فقد تعود أن يصفع العالم لا أن يصفع هو و ايضا لم يكن منزعج من ما حدث له فهذا
باب يمكن أن يفتح له مجال لان تحن عليه ميسم و تصير قريبه منه
خلال حديثهما معا دخلت ميسم إلى المحل
كان فاروق يحاول أن يسحب اعترافات حيدر لاكنه لم يحصل على اي اعترف
بينما فاروق يتحدث
ضعفت قوى حيدر عندما رأى حبه قادم إليه
انزل السماعه من أذنه و اغلق الهاتف تعجب فاروق كيف يغلق ابن عمه الهاتف بوجهه
هذه اول مره يفعلها
لكن مع هذا حاول الاتصال مرتان و كان الهاتف يفتح و يغلق
حتى صار مشغول
فقد فاروق الامل من اتصالاته
حيدر بعد أن أغلق سماعة الهاتف رن لكنه رفع السماعه و إغلاقها مرتين بعدها رفع السماعه
حتى لا يتصل عليه أحد
ميسم مرحبا
حيدر مرحبتين
ميسم اكيد ما عرفتني
حيدر ليش انتي تعرفيني
ميسم اني اجيت اعتذر منك على تصرفي وياك البارحه
حيدر عفوا ليش منو اني حتى تعتذرين مني و على شنو
ميسم اولا اعرفك على نفسي اني ميسم هذا اسمي
البارحه ضربتك راشدي بسبب سوء تفاهم مني
حيدر اهلين ميسم اني حيدر
بس عادي غلطه و صارت ما كو داعي تنزعجين
ميسم اتمنى تقبل هذي الهديه مني نوع من الاعتذار
حيدر كمش طارف كيس الهديه
لا تره عيب اني اخذ منج هديه بس الرسول قبل الهديه و يكولون
ميرد الكريم الا البخيل
ميسم لا حشاك من البخل و الله يبعد عنك الاسم الاول
حيدر ما فهم معنى كلام ميسم ليش استثنت الكرم
فتح الهديه الله تدرين اجتي بوكتها قبل يوم جنت اريد ادور على لفاف لان احب البس اللفاف بلشتاء
أهوايه اشكرج هديه كلش حلوه
ميسم العفو التفتت حتى تروح
حيدر ممكن اكدر أني هم اجيبلج هديه اذا تسمحيلي و جان يلف اللفاف على رقبته
ميسم لا شكرا اني غلطت حبيت اعتذر
حيدر انت وين اهلج
ميسم شي ميخصك
حيدر اسف بس لان ما شفتج فد يوم تجين لهذا المحل
يعني ممكن اتكونون بعيدين
حبيت أهوايه هديتج و صراحه اني ما اعرف المنطقه زين
ممكن اذا تكدرين اتدليني على بعض المحلات لان اريد اشتري كم قطعة ملابس
ميسم وصفتله مكان المحل
حيدر اسف بس اني اشويه غبي في موضوع الاتجاهات
ممكن امشي وراج و انتي اتدليني
طبعا هو في الحقيقه صادف انه اغلب ملابسه يشتريها من هذا المحل
ميسم شوف اتريد ارسملك الطريق على ورقه أو وكف تكسي و اني ادليه
حيدر بس اني عندي سياره
ميسم خلص اسأل الناس و هم ايدلوك
حيدر أهوايه اشكرج ممكن تقبلين بيه صديق لان اني وحيد بهاي المنطقه
صار فتره و ما لكيت احد اصادقه
صراحه انت لغتج مقاربه إلى لغتي حاس عبالك احنى من نفس المكان جايين نسكن بهاي المدينه
بقى حيدر يتكلم و ميسم تجيبه بدء الوقت يمر
العامل في المحل يحاول أن يخبر حيدر أن موعد اغلاق المحل قد حان
لكن حيدر و ميسم مندمجان في الحديث ربما هذه كانت فرصه لميسم لتبتعد عن بيتها
اغلق العامل الهاتف و خرج من المحل حيث دق جرس الهاتف التفت حيدر بأنزعاج
ميسم واضح اخذنا الحديث لا انت اشتريت ملابس و لا اني رجعت بيتي
حيدر سحب ورقه و كتب رقم تلفونه
هاج هذا رقمي اي شي تحتاجين خابري اجيبلج المسواك لحد باب بيتكم
ميسم اخذت الرقم
روح رد على التلفون خطيه الي ايخابر
طلعت ميسم و طلع كلب حيدر وراها
حيدر الو منو
فاروق لك والله ضل بالي عليك
ليش سديت التلفون تعرف اشكد صار اخابر ايكول مشغول
حيدر غير متدري الي صار اليوم انفتحت ليلة القدر عليه
شرح حيدر كل الي صار ابينه و ابين ميسم بادق التفاصيل
فاروق شوف هذي اخبار حلوه راح انطيك رقم تلفونها
حتى كلما اتضوح اتخابر حتى بدون ما تحجي بس اسمع صوتها و سد التلفون
شوف خلي تجيك
مرتين او ثلاثه و بعدين حاول تختل لا اتخليها اتشوفك
حتى بلكت تبدي تشتاقلك لان هي معقده يمكن انت اتكون الحل لكل العقد الي عاشتها
هي صابره اتخاف من بيتها بسبب الكهرباء ممكن بسبب الخوف اتقرر تاخذ شريك حياة الها
حيدر خوش حجي راح اجرب طريقتك بس اشلون هي متزوجه
فاروق انت قنعها بيك و الباقي اني احله

ميسم رجعت للبيت شغلت الفانوس كانت هذي اول مره تتحدث مع غريب كل هذا الوقت
حبت تفاهمهم بلأفكار و اندماجهم مع بعض كانت صداقه جميله
بدئت الكهرباء تنطفئ و تعود و هي غير متأثره بعد منتصف الليل بساعات دق صوت الانذار عن بداية الحرب
صارت السماء تشتعل ناراً و اصوات الاسلحه المختلفه
تهز البيوت طبعا اكيد اول شيء يضرب هو الكهرباء
اي معناها انها لن تعود حتى تنتهي هذه المصيبه التي تطيح على رؤوس المواطنين كل فتره لكن هذه المره ميسم لوحدها في البيت
هذه ازمه بحاجه الى تجمعات يسلون بعضهم حاولت أن
تتصل على اختها و جدت الهاتف قد قطع
لم يعد به حراره اي صارت وحيده و ما هو اسوء
أنها يجب أن تعتم البيت اي حتى الفانوس يجب أن ينطفء
طفت الفانوس و ضعت كرسي بمسافه عن النافذه
حتى يدخل ضوء من اضواء الاسلحه التي مثل النشرات في السماء
لكنها لا يمكنها أن تقترب من النافذه فربما تصلها شظايا الاسلحه
دق الهاتف ركضت له لكنها أجابت و لم يكن هناك من يتكلم
دق أكثر من مره لكن بدون كلام
هي كان تلفونها لا يظهر رقم المتصل لهذا لم تعلم أن حيدر من اتصل بها
حاولت أن تتصل بأختها لاكن الهاتف لم يصلها لاختها
تذكرت الرقم في الورقه صارت تشغل عود الكبريت حتى ترى الرقم لتتصل على الرقم
هنا اخيرا دقت الارقام رد حيدر و هو فرح لان الرقم الذي رن عليه كان رقم ميسم
عاودة ميسم الاتصال على حيدر لكنها لم تستطع أن تتحدث معه فهي لا تعرف ماذا تقول له
لماذا الهاتف لا يتصل على اختها بينما يتصل بسهوله على حيدر
كذلك اتصلت على اهلها و كانت قد نست أن هاتف ذلك البيت يظهر ارقام الهاتف المتصل رن هاتفهم اتصلت مره اخرى رد عليها ابوها
ظهر رقمها في تلفونه اتصل ابوها عليها لكن من الجيد انها لم ترد
ابوها عفوا منو الي اتصل على رقمنا
هنا علمت ان الاتصالات انقطعت بين المحافظات
لكنها بقت تعمل بحدود المنطقة الواحده كان بداية هذا اليوم بصوره عامه جيده لكن مع الاسف نهايته مصيبه لا يعرف نهايتها
هذا يذكرنا عندما علمت ميسم بوجود كريم مع اهلها كيف انزعجت و في نهاية الليل استجمعت قوتها
لكن هذه الليله كانت قويه و الان فقدت قوتها و دخلت إلى نفق مظلم لا تعرف الى اين سوف يأخذها