في محطات العمر ماكنت من ضمن اختياري القدر جابك وانا /ممنون للاقدار جدا ✨

البارت٣

عند العنود واماني
العنود: اف اماني متخيله الاحد تخرجنا
اماني:احس ما ودي اتخرج
العنود شهقت : ليش ياغبيه في حد يبي المدرسه والعناء
اماني : لاتنسين ورانا جامعه و يعني نفس الشي
العنود بضحكه: انتي من جدك مفكره جامعه مثل المدرسه؟
اماني : وش اختلاف كلها دارسه
العنود تهمس لاماني : لا يروحي الا فله وطلعات وكل شي على راحتنا وجوالات ونطلع وندخل على مانبي
شهقت اماني: اي والله اني ما كرهت جامعه عبث
ضحكت العنود وسكتوا لما دخلت ريتاج

اليوم الثاني صباح
_
<<موقع الدوام عند ناصر وطلال>>
طلال يفكر بينه وبين نفسه في القضيه الي في يده قاطعه ناصر ونطق: صباح الخير يبو صالح
فز طلال :ارحب يبو حمد
وجلس ناصر وعينه على الملف الي في يد طلال ونطق : وش هذا
طلال: هذا ياطويل العمر مجموعه شباب مطلوبين
ناصر : وش مسوين
طلال بضحكه : وش ماسوا
عقد حاجبه ناصر وكمل طلال : احرقوا مزرعتين وسرقوا بقاله والحين مبلغين عليهم حارقين بيت في الحي////
ناصر بحده : ذولاا من متى كذا ليش محد مسكهم مجموعه شباب مراهقين
طلال: هذولاا شطار وعنده خبره عميقه في هذي الاعمال شاطرين ما تركوا ولا اي اثر بعدهم
ناصر: يعني شخصياتهم ماهي معروفه
طلال هز راسه بالنفي
وكمل ناصر: يعني مجرم يتمشى الحين براحه
نطق طلال بقهر : ايه
ناصر :طلال سلمني القضيه وانا اتصرف
طلال: ليش شمعنى انا كنت بعطيها نايف
ناصر هز راسه بنفي ونطق : لا يبو صالح طلبتك سلمني ياها
ابتسم طلال: جاتك يبو حمد

في بيت الجد ابو حمد <عصر>
رشا بصوتها العالي: اخلصي انتي وهي في كل طلعه نتأخر
ساره: جايه جايه دقايق بس
ميلاف تنزل مع درج: رشا سدي حلقك ابوي لا يسمعك هذا وانتي متأخره معنا بعد
رشا تضحك بخبث وتنطق: يبه شف ميلاف وساره وريناد ماوجهزوا شرايك نخليهم مع ناصر متى جاء يوديهم
نزلت ساره بعجله ونطقت : لا لا جاهزه كل شي ولا ناصر اجي اخر طلعه
نزلوا بنات وركبوا مع جدهم وجدتهم
ابو طلال راح هو وزجته ولدهم ناصر صغير
وعارف وهاني وهادي وسعود مع بعض
بينما فيصل وحمد قدامهم في مزراعه مع زواجاتهم
وصل الكل معاد ناصر وطلال الي قالوا بنتأخر

في بيت جراح ابو العنود
كان جالس هو وزجته وبنتهم رغد بينما العنود عندي اماني كالعاده وريتاج عند جددتها تراقب سالم
نطق ابو العنود: رغد يبه تخرج خواتك الاحد هذا ولا الي بعده
نطقت رغد: لا يبه الاحد بعد يومين
نطقت ام العنود: وشرايك يا جراح نسوي لهم حفله في شاليه بكره بما انه ويكند
ابتسم ونطق: جبيتها ياحمده اماني والعنود عيوني ثنتين
تنحنحت رغد ونطق ابو العنود وانتو روحي وقلبي يارغد
قامت تضم ابوها وتبوسه على راسه ونطقت عن اذنكم بروح بيت جددتي اشوف ضياء وريتاج

<بيت محمد ابو اماني>
في غرفه اماني تحديداً
اماني : اف العنود وش نلبس في الحفل واحس ما يمدي اسوق قلت لامي ورفضت
العنود: ليش تقولين لامك وانتي عارفه ردها قولي لابوك الي مدلعك وحاط الدنيا بكفك
ابتسمت اماني: بس لي قلت لابوي بترفض امي وبتصير هوشه نفس كل مره عشاني
العنود: اموت واعرف ليش امك تسوي كذا وانتي بنتها الوحيده
اماني بقهر : هذا الي قاهرني وتعصب زياده اذا جلست مع ابوي او اذا كنت خايفه وطلبت منهم انام عندي تحسسني وكاني طبينه لها مو بنت
ضحكت العنود تطلف الجو : على ما قالوا البنت تكون طبينه امها ههههه
ضحكت اماني

تحت في صاله
دخل محمد ونطق سلام عليكم
ردت فاتن عليكم السلام يهلا
علطول بدون كيف حالك او شي
سال اماني وين:
تأففت ونطقت علقل قل كيف الحال انت واماني الي خذت قلبك
نطق بعصبيه:طبعا خذت قلبي بنتي هذي ولا نسيتي
طلعت من عندها وهي معصبه
وطلع لغرفه اماني فوق
ودق الباب ودخل
نطقت اماني: ارحب يبه وقربت تسلم عليه
وقامت العنود تسلم على عمها وقالت استاذن
نطقت اماني: بدري
العنود :لا ورانا شغل بكره ولا نسيتي
ضحكت اماني: اجل تصبحين على خير
طلعت العنود
والتفت اماني لابوها شخبارك يبه
نطق بحنيه : طيب يروحي انتي شخبارك
نطقت :الحمدالله
وتأففت وناظرت للغرفه المعفوسه من الملابس
نطق :افا شفيها بنتي ضايقه
نطقت عندي حفل يبه يوم الاحد مو عارفه وش البس
نطقه بضحكه خفيفه لا تحوسين ولاشي بكره ننزل سوق وناخذ لك بدال واحد عشره
ضحكت بعدين تذكرت كلام امها ونطقت لايبه خلاص
استغرب:ليش
نطقت :تعرف امي بترفض
ضحك :ماعليك منها اقول بكره اجهزي وبلغي العنود تجهز
ضحكت :صدق والله؟
نطق :اي
وطلع وهي اتصلت على العنود تقولها الي صار
نطقت العنود:قلت ابوك مدلعك واجد
ضحكت اماني: الله يخليه لي ويستر من امي بتسوي مصيبه