بين عينيها حكايا

الجزء السادس عشر

#بين_عينيها_حكايا
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️

.
تعليق وتصويت بين الفقرات
متابعة الحساب ومشاركة القصة مع أصدقائكم دعماً للقصة ❤️

.
.
.
.
أعرف جيداً معنى أن يحتضن الأنسان
نفسه ويردد أنا بخير !
.
.
.
وَهج
__________________

من خلال خبراتي بالحياة ومروري بالمواقف
الي تشرحلي تكوين النفس البشرية
اكتشفت أن صلة الدم غير مجدية وتسقط جميع اعتباراتها حين يكون الدم ملعون
اذا يجب أستئصاله
.
.
.

هالليلة جانت عبارة عن خوف ودموع اني وضي وفَي بسبب ارتفاع السكر عند ماما وتعرضهة للأغماء
لمدة ساعة
ماخلينا أحد يعرف
بس أحنة وليث ودزينا شمس ويا ليث يم خالة
واجة جايب ويا خالو أياد
اللي اخذني وصعد لظلال

جانت تحمل الكثير من الأحترام
لخالو أياد

دخلنة غرفتهة وهي گاعدة وسط الدمار

الغريب ان هي متبجي
هالشي جان ولازال يسببلي قلق
أغلب الوقت تفضل الصمت
تاخذ زاوية هدوء
بدون متبين مشاعرهة الحقيقية
وحتى كلامهة ويا شمس
وموقفهة بدل الأنهيار والدموع قررت
تغضب
جلى صوتة خالو وحجة

-ها خالو ظلال سمعت اكو جنية صغيرة مخربة الغرفة بدون قصد

-شمس خالو شمس خربتهة وبقصد
اني ماالومهة على شي بس على كرهي شنو سبب الكره مااعرف

جرهة خالو باس راسهة

-ولج منو يصدگ هذا كلام وحدة عمرهة ١٢
شنو هالثقافة

ابتسمت وأشرت عالمكتبة

-هذا سببهة

-احلى قارئة بالكون

-خالوووو لتبالغ

-هيج الحجي موووو

جرهة لحضنة جعص وجهة ويضحك

-غصبا عليج احلى قارئة بالمجرات بعدددد

باس خدهة
وعدلت گعدتهة

-خالو اريد تقنع ماما تنقلني
لغير مدرسة

- أمج تعبانة خالو مو زين عليهة التوتر

-خالو مستحيل ابقى ويا شمس بنفس المدرسة
وداعة بابا بطريق الروحة وطريق الرجعة كل يوم
اموت الف مرة من كلامهة وكلام صديقاتهة
اكو وحدة اسمهة رفل راسبة مرتين المفروض خامس السنة
وكحة وصلفة وشمس جاي تكتسب منهة كل صفاتهة
الطريق عبارة عن بسامير وكلام جارح

اني بعد مااريد حتى أكون بنفس المكان ويا شمس

-ميخالف أحاجيهة بس خالو خلي ببالج
احتمال امج ترفض