مُداويًا لِجروحي

9-الفصل التاسع "كُشِف السر ! "

بسم الله الرحمن الرحيم ♥

صلي علي رسولك الكريم

متنسوش تدعو لِأخواتنا في فلسطين وغزه ورفح والسودان وجميع بقاع الأرض يارب 😊

____________---____________

تحركت "ليلي" وأخيراً من المدينه وخرجت منها مع بعض السائحين ، أما البعض الآخر الذي أصر علي المبيت بالمدينه لشده إعجابهم بها وسوف يَحضرون غدا مع السائقين الخاصة بشركه السياحه .

رَكِبت الحافله وتذكرت فوراً "نوح" وتصرفاته التي فعلها عند دلوفه الحافله من الاسكندريه .. ابتسمت بلطف لهذه الذاكره ولهذا الشخص غريب الأطوار .

______________----____________

أتت مره أخري .. تلك الفتاه الجميله الحزينه وال.. غريبه أيضاً ولكن هذه المره بطلبٍ منه بالتحديد

يُريد أن يَعرف اكثر عن هذه القضيه ، فـبالمره السابقه تكلمت في أمور القضيه ولكن هُناك حلقات مفقوده ، أسأله لابد من معرفه اجوبتها منها .. ومنها هي فقط!!

طُرِق الباب ودلفت هي لعنده أشار لها بالجلوس فأستراحت وبدء "عُدي" برسم ابتسامه عمليه علي وجهه بثبات وهو يهتف:
_ مدام "همسه ".. حضرتك دلوقتي في موضع شك من النيابه والموضوع اللي قُلتيه كله تمام بس فيه بعض النِقاط اللي محتاج اعرفها منك

أمات برأسها بثباتٍ زائف

بدء اولا وهتف:
_ اولا كده كل حاجه قُلتيها هتتقال فالقسم .. بس حضرتك دلوقتي قُلتي أن أهلك لما روحتي مره اتحايلوه عليه عشان يرجعك انتي عايشه فين دلوقتي ؟ معاهم ؟ ، ودلوقتي مامتو واخواتو عرفو انك قتلـ/تيه ... ازاي بقا روحتي قسم الشرطه وخرجتِ منه تاني كده عادي ؟..

أخذت نَفسٍ عميق وزفرته ببطئ فـهي توقعت أسئله گهذه منه ، بدأت تُجاوبه بهدوء غريب :
_ اهلي معرفوش بموضوع قلتو مني اصلا انا لما حصل اللي حصل مروحتش ليهم .. أو ملحتقش اروح مامته وأخواته ودوني القسم واهلي عرفو منهم ، اما بقا خرجت ازاي من القسم فــ دي اللي قهرت حماتي العزيزه شويه

ابتسمت بسخريه واكملت :
_ لما روحت هناك والظابط شاف اللي حصل وشاف معاملتها ليا وشاف دليل قتله كان لازم بكل بساطه يوديني المحكمه علطول ، تقريبا كان واحد بيتقي ربنا شويه لما حكتله الموضوع اداني ٧٢ ساعه اجيب فيهم محامي عشان مينفعش ادخل القضيه كده احتمال كبير أهلو يتبلو عليا وادخل السجن فحاجه تانيه وبردو عشان انا زي ما انت قلت قتلي كان دفاع عن نفسي ليس إلا ، وانا من ساعه ما طلعت من عنده وانا بدور علي المحامين بس طبعا محدش فيهم موافق واهو فات ٤٨ ساعه والمفروض حضرتك تكون معايا بكره فالقسم ده .