تبدأ الاحداث في قرية هاديه وبسيطه،بدت الشمس تطلع وتنور منازلها ،على صوت العصافير ،والهواء البارد ،طلعت الحوش تناظر للغيوم ناظرت لبيت جدها سعود تنهدت :اهوفف اشتقت لجدي ليش ماأروح له؟
قاطعها صوت فتح الباب ،التفت تناظر بتال بكل هدوء،انتبه لها بتال بهدوء:عبالي نايمه وش مصحيك الساعه 7 !
تنهدت وتر :ولله كنت مواصله وشفت الجو قلت ليش ماطلع
ناظرها بتال وهز راسه بهدوء:اهاا
ناظرت وتر لبيت جدها ،بهدوء:بتال عادي تروح معي لبيت جدي واذا وصلت ترجع؟
ناظرها ،بأستهزاء:ليه خايفه من كلاب الديره تلاحقك؟
ابتسمت وتر ،بثقه:حبيبي انا بنت ابوي مااخاف من كلاب الديره وصلني وخلاص
بتال،بضحك :ابشري جيبي عبايتك ويلا،بعدين وتين وهتان مب رايحين معاك؟
وتر:نايمين ماني بداريه عنهم
بتال،بهدوء:طيب انا برا لاطلعتي ارمي بحجر بس لاترميني عشان انتبه لك
وتر بـ مزح:عساه يجي براسك
بتال:هيييي تراني اخوك الكبير احترمي نفسك
وتر بأبتسامه :لاتعصب ولا باقول لأبوي عنك
بتال: اخلصي
----
بعد مده قصيره...
• بـيـت الـجـد سـعـود:
خرجت الجده منيره من المطبخ وبيدها ابريق الشاي،ناظرها الجد سعود بكل حب:اههه يامنيره البيت صار هادي ماهو بمثل عهده
ابتسمت الجده وجلست بجانبه ،وهي تقدم له الشاي:كبرو العيال وكل واحد انشغل بحياته ياسعود ولا الزمن ماغير غيرنا مشى الزمن وشفنا عيالنا وعيال عيالنا والبيت فضى لنا ،مدت بالكأس له وأكملت:سم
اخذ الجد كاسه ،بهدوء:سم الله عدوك،الا يامنيره ماشفتي عيال ماجد اليوم ؟
الجده منيره:بهدوء:لاولله حتى وتر ماهو بعادتها ماتمرنا! الصباح،قاطعهم صوت دق الباب ،ابتسم الجد وقال هذي دقه وتر خليك انا بأستقبلها اليوم
ابتسمت الجده منيره ،بهدوء:يلي يريحك
اخذ الجد عكازه ومشى للباب فتح الباب ،ابتسم بمجرد ماشاف حفيدته قدامه:ياهلا ولله !
وتر بهدوء:كيفكم ياجد ،عسى ماتأخرت عليكم اليوم ؟
الجد،بهدوء:لاولله يابنتي ادخلي جدتك بالصاله مجهزه الشاي يلي يحبه قلبك
قفلت وتر الباب ومشت مع جدها ،اول مادخل الصاله:خليك ياجده،تقدمت وتر من الجده منيره وسلمت عليها وجلست بجانبهم
ناظرها الجد وقال:كيفك وكيف امك وابوك وأخوانك؟
وتر،بهدوء:كلنا بخير ياجد الحمدلله ،كيف الشتاء معكم برد؟
الجد:لاولله يابنتي متعودين على الديره نحنا البرد عندنا شي بسيط قدامكم،ولا ماقلتي لي وين بتال وهتان؟
وتر :بتال بالحي يتمشى،هتان نايم
تنهد الجد،بهدوء:وليه ماجا معك؟
وتر بتوتر:بتال!
الجد:ايه ماغيره لايمر ولايسلم ولاكأن عنده جد وجده
وتر :لاولله ياجد هو وصاني اسلم له عليكم واعتذر له منكم مايقدر يمركم اليوم
الجد:وعلامه مايمر!
وتر ،بتوتر:يقول واحد من اخوياه تعبان مسوي حادث ورايح يمره
الجده بهدوء:يابنتي يلي نعرفه المستشفيات موعد زيارتهم ماهو بـ7الصباح
وتر :لا،لا ياجده يقول انه طلع لبيت اهله وعازمهم على الفطور
وقف الجد سعود وفتح النافذه ،تنهد ورجع جلس:هذاهو برا واقف
وتر ،بأرتباك:اطلع اناديه ياجد؟
الجد اخذ عكازه ومشى بأتجاه الباب ،بهدوء:لايابنيتي طالع له
الجده منيره،بخوف:اصبر اجيب لك فروتك برد برا
وتر:وينها ياجده وانا اجيبها؟
الجده منيره :بالغرفه على الكنب
وتر:سمي
ركضت وتر وجابت الفروه واعطتها جدها ،خرج الجد والتقى بـ بتال
بتال أنتبه للجد وهو جاي:ياهلا ولله بجدي !
الجد:هلابك،علامك لاتمر ولاتسأل؟
بتال:أنا!
الجد:اجل من غيرك هنيه؟
بتال:اعذرني ياجد ولله كنت بأمركم اليوم العصر مع اخواني بس واحد من اخوياي عازمني على فطور وماودي ارده
الجد:ووش مخليك هنيه ،ليه مامشيت؟
بتال:سيارتي في الورشه ،وواحد من الرجال جاي يمرني ،وأنتظره هنا
الجد:امش للمجلس عندي دفّ نفسك من هالبرد نشرب شاهي الين يوصل خويك
بتال:لاولله ياجد مايحتاج
الجد:افااا ترد جدك،اقول امش امش
بتال:سم.
دخل الجد المجلس ودخل من بعده بتال ،اغلق الجد الباب ،بغضب:علامك معد تدل بيت جدتك؟
بتال:ولله ياجد انشغلت
الجد:تنشغل عن جدك !،مب قايل لك ان بغيت شي انت ولا أخوانك تجون عندي؟
بتال:اي وماتقصر بس ولله العظيم اني بس انشغلت
الجد:طيب وليه تنشغلون و وتر هي الوحيده يلي تجيني من الفجر للعصر ؟
ابتسم بتال وأشر بسبابته على انفه :أبشر على هالخشم اليوم العصر اجيبهم كلهم
ابتسم الجد،بهدوء:روح ياوليدي لشغلتك
بتال،بهدوء:مانك بشايل علي بخاطرك؟
الجد:لاولله ياوليدي روح ،أشر بسبابته وأكمل:ياويلك ماتجون العصر الساعه 5كلكم عندي بالمجلس
ابتسم بتال ونطق:ابشر ياجد ابشر،تامرني على شي؟
الجد:مايمر عليك عدو ولا ظالم ،انتبه لنفسك
بتال :ابشر.
----
• بيت جـبـر :
أنت تقرأ
"بعدك يجرحني وقربك يشفي لي جروحي"
Romansرواية تجمع بين الحب والخيانه ،والغدر والرعب والزواج الاجباري ، بين حب ابطالنا تحدث احداث بتصدمكم 🤎 الأنستا:"rwa.rof5 " "لا أسمح بالنقل أو الاقتباس"
