م/ 56 نهار/ داخلى
بيت صفية -حجرة الجلوس
معروف قاعد يشرب الشاى ويدخل حازم وهشام بحذر
معروف : تعالو ياأولاد
حازم : كنا عايزين نتكلم معاك شوية ياجدى
معروف : وماله اهلا وسهلا تعالو ياحبايبى
يجلس حازم بجوار جده ويجلس هشام بعيد ويبصوا لجدهم بتوتر
معروف : الله ماتتكلموا عايزين ايه؟
بيع الأرض حازم : احنا كنا عايزين نناقشك فى موضوع.. موضوع
معروف : ابوكو هو اللى بعتكم علشان تأثروا على
هشام : لأ والله ياجدى احنا اللى جينا من نفسنا و...
خالص يقاطعه معروف : وانا معنديش نقاش فى موضوع الأرض ده
حازم : طيب ياجدى اسمع وجهة نظرنا و...
يقاطعه معروف بغضب ويرفع العصايا
مفيش بيع معروف : اسمع ياواد انت وهو انا سبق وقلت لأبوكم
يستخبى هشام خلف حازم هشام : طيب بس هدى نفسك خلينا نتفاهم
معروف :مفيش عندى تفاهم فى الموضوع ده
حازم : بس ده مش عدل ياجدى .. احنا مش عارفين نعيش هنا وانت مصمم تحرمنا من الفرصة اللى ممكن تأمن مستقبلنا
معروف : مستقبلكم هنا فى الأرض
حازم : ياجدى احنا مش فلاحين ولابابا ولابنفهم فى الأرض والزراعة عايز تربطنا بيها ازاى
معروف : اقعدوا هنا واتعلموا شغل الأرض
هشام : ايه الكلام ده ياجدى ونسيب تعليمنا ونشتغل فلاحين
معروف ومالهم الفلاحين؟ مش قد المقام:
حازم : ياجدى كل الاحترام للفلاحين طبعا لكن كل واحد فى الدنيا له حاجة ربنا خلقه علشانها وإحنا دخلنا مدارس وجامعة وحياتنا هناك مش هنا... منعرفش وبعدين الأرض مش هانقدر نراعيها إحنا..
