𝐦𝐲 𝐝𝐞𝐚𝐫𝐞𝐬𝐭 𝐞𝐱-𝐛𝐨𝐲𝐟𝐫𝐢𝐞𝐧𝐝

MDEB-9

ဒီနေ့ကျောင်းမှာPEအချိန်ရှိ၍ Jiminစောစောထွက်လာခဲ့သည်။PE အချိန်ကိုဒီတစ်ခါသူနောက်ကျလို့မဖြစ်၊မဟုတ်ရင်နည်းပြနှင့်ကွိုင်တတ်တော့မည်။ရှေ့ရက်‌တွေကPEချိန်တိုင်းလစ်ထွက်ပြီး အိမ်သာထဲ၌ဆေးလိပ်ခိုးသောက်ကာ သွားထိုင်နေတတ်၍ နည်းပြဆရာက သူ့ကိုမျက်မုန်းကျိုးကာ အခန်းထဲထိ နာမည်ခေါ်ကာWarningလာပေးသွားသည်။ထို့ကြောင့် ဒီအပတ်PEချိန်ကိုတော့ ဝီရိယရှိစွာပင်အိပ်ရာမှထကာစောစောကျောင်းကိုရောက်လာခဲ့ရသည်။

PE ချိန်က တစ်ပတ်မှာနှစ်ရက်ရှိသည်။
ထိုရက်များတွင် ဝတ်နေကြကျောင်းဝတ်စုံကိုလွယ်အိတ်ထဲထည့်ကာယူ၍ PEဝတ်စုံကိုဝတ်လာရပြီးPEချိန်ပြီးမှသာ ကျောင်းဝတ်စုံအားပြန်လဲဝတ်ရသည်။ ထို့ကြောင့် ဒူးအထက်နားလောက်သာရှိသည့် အားကစား‌ဘောင်းဘီနှင့်အင်္ကျီကိုJiminဝတ်ဆင်ထားသည်။

ကျောင်းရဲ့အားကစားခန်းမထဲ၌လူစုံသည်နှင့် အားလုံးရဲ့အနားကို နည်းပြဆရာရောက်လာသည်။Jeon Jungkookလည်း Jiminနဲ့ရှေ့ဆင့်နောက်ဆင့်အတူတူပင်ရောက်တာဖြစ်၍ နှစ်ယောက်သား ပူးကပ်ကာယှဥ်ရပ်လိုက်ကြသည်။

Jungkook အားကစားဝတ်စုံဝတ်တာကို အခုမှမြင်ဖူးတာဖြစ်၍ Jiminမျက်လုံးထဲဆန်းသစ်နေသလိုလို။Jiminငေးစိုက်နေတာကိုသိတော့Jungkookက"ဘာလဲ"ဟူသည့်ပုံစံဖြင့်မေးဆတ်ပြသည်။Jiminလည်းခေါင်းခါရမ်း၍သာအမြန်အကြည့်လွှဲလိုက်ရသည်။

ဒီနေ့သူတို့ကစားရမည်က ဘတ်စကတ်ဘောဖြစ်ပြီး နည်းပြကတော့ထုံးစံအတိုင်း ကစားနည်းများကိုအသေးစိတ်ပြောပြကာအဖွဲ့နှစ်ဖွဲ့ ခွဲပေးလေသည်။အတန်းနှစ်တန်းပေါင်းထားသည်ဖြစ်၍ Jiminတို့အတန်းကတစ်သင်း၊အခြားအခန်းကတစ်သင်းဖြစ်လေသည်။ထို့ကြောင့်Jeon Jungkookနှင့်Jiminကတစ်ဖွဲ့ထဲဖြစ်သွားသည်။

"ဟေ့..Jimin....မတွေ့ရတာကြာပြီနော်

အနောက်ကနေပုခုံးအားလာပုတ်ကာ
ပြောလာသောသူ့ကိုလှည့်ကြည့်လိုက်တော့ ကျောင်းမနားခင်တစ်နှစ်က Jiminနဲ့အခန်းတူတူကျဖူးသည့်အတန်းဖော်ဖြစ်နေ၍ ဝမ်းသာအားရဖြင့်ပုခုံးပြန်လှမ်းပုတ်ကာ ပြန်နှုတ်ဆက်လိုက်သည်။

"ဟာ...HyunWoo...မင်းဒီကျောင်းမှာတတ်နေတုန်းလား...ငါကပြောင်းသွားပြီတောင်ထင်နေတာ"