Beginning Of The End (Jaywon)

Ending

🫧🎐

ကားမှန်ခေါက်သံကြောင့် သူ့မျက်ခုံးတို့အနည်းငယ်လှုပ်ရှားမိသည်။

"Sunoo hyung..ကျွန်တော့်ကိုနေရာချိန်းပေးလို့ရမလား။ Heesung hyung နဲ့ စကားပြောစရာရှိသေးလို့"

Earphones ကိုနားထဲထည့်ရုံသာထည့်ပြီး
မဖွင့်ထားတာကြောင့် တံခါးအပြင်မှလူရဲ့စကားသံကို ရှင်းလင်းစွာကြားရသည်။
သူမသိသာစွာ ခပ်မဲ့မဲ့ပြုံးမိလိုက်သည်။
သူနဲ့တုန်းကရှေ့ခန်းမှာထိုင်ဖို့ လေးညအိပ်ငါးရက်လောက်ပြောယူခဲ့ရတဲ့ သူကအခုမှပဲ Sunoo နဲ့နေရာလဲပေးဖို့ပြောတတ်တယ်ပေါ့လေ။

"အမ်....ငါကနောက်ခန်းစီးရင် ကားမူးတတ်တယ်လေ။‌ Jungwon ရဲ့"

" အာ hyung ကလည်း အဲ့တာအရင်တုန်းကလေ ခုမူးချင်မှမူးတော့မှာကို..နော်
hyung ကလည်းလုပ်ပါ။"

မှန်အပြင်ကနေ Sunoo ရဲ့လက်ကိုကိုင်ကာ
တစ်ကိုယ်လုံးလှုပ်၍ပြောနေပုံမှာ ဘောလုံးလိုလုံးပြီး လှိမ့်ကန်ပစ်ချင်စရာကောင်းလှသည်။ အဲ့တော့ မင်းက ငါနဲ့အတူမထိုင်နိုင်ဘူးဆိုတဲ့သဘောပေါ့လေ...

"Heesung hyung.. အနောက်ကိုလာလိုက် ကျွန်တော်ကားမောင်းလိုက်မယ်။ "

"ဖြစ်ပါ့မလား Jongseong.. မင်းညကလည်းမအိပ်ရသေးလို့ ခုကားပေါ်မှာအိပ်မလို့ဆို"

"ရတယ် hyung မနက်က ဒီလာခါနီးခဏအိပ်လာတယ်။ မဟုတ်လည်းအိပ်လို့မရလောက်တော့ဘူးထင်တယ်"

"အင်း..ဒါဆို မင်းနားချင်ရင်‌ပြော
ငါတစ်လှည့်ပြန်မောင်းပေးမယ်"

Jongseong လည်းခေါင်းအသာငြိမ့်ပြကာ ကားတံခါးကိုဖွင့်ရင်းဆင်းလိုက်သည်။ သူတံခါးဖွင့်ပြီးဆင်းတာနဲ့ နောက်ခန်းတံခါးကိုဖွင့်ကာ ဆွေ့ခနဲ့ဝင်ထိုင်သွားပုံမှာ အလွန်ကိုမုန်းစရာကောင်းလှသည်။ Yang Jungwon တို့ Professional မဆန်လိုက်ပုံများ။
...

"Jungwon ပြောစရာရှိလို့ဆို ဘာပြောမို့လဲပြောလေ"

"အမ်..ဘာကြီးကိုလဲ။ Heesung hyung "

"မင်းပဲ စောနကပြောစရာရှိလို့ Sunoo နဲ့နေရာလဲခိုင်းနေတာလေ"

"အာ..အဲ့တာ ဟိုလူနဲ့အတူမထိုင်ချင်လို့လေ"