بين عينيها حكايا

الجزء السابع عشر

#بين_عينيها_حكايا
.
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
تعليق وتصويت للقصة
متابعة للحساب دعماً للقصة فضلاً وليس أمراً ❤️
.
.
.
.
وأشعر بأن لدي أجنحة ولكني
أقبع بأعماق المحيط
.
.
.
.
.

ظلال
_________________________

تعرفون شعور الخنگة تحت أعماق الماء
وشعور أنك نايم وتحلم توگع من أرتفاع شاهق
ومتگدر تگعد
الشعور بالهلع عند الخوف وعدم الركض للأبتعاد عن الخطر تشعر بأن أقدامك مثقلة بثقل عظيم
وبأنك تصيح لكن الصوت محبوس داخلك
هاي اني

حبيسة داخل جسمي سجينة ومحددة بأسوار شي
يسموه التشوه
بدت رحلتي ويا الخجل والخوف من الأختلاف
بعمر ال٧ سنوات
قبل هالعمر

جنت برنسيسة
أميرة متوجة داخل البيت
امي ابوية اخواتي الأكبر مني
اقربائي
الكل يمدح بجمالي المختلف
هالشي خلاني
أشوف نفسي طبيعية بعينين جميليتين مختلفات
وبلون خدين مختلفات

بدت رحلة الخوف بصف الأول الأبتدائي
البنات يرفضون يگعدون وياي بنفس المقعد المدرسي
والمعلمات اللي يحرجوني كل يوم بسؤالهم
امج بيش توحمت بيج

وحدة تگول توحمت بباجة
ووحدة تگول لا هذا عنب أسود
وهواية هواية تحليلات
همة يشوفوهة عادية
اني اشوفهة عذاب
قبل هالمرحلة
جنت منطلقة بحرية ماما
واختي الجبيرة يزينون شعري بأجمل التسريحات

اول مداومت بطبيعة الحال
امي سوت شعري ظفيرتين دفن بأشرطة أحمر وأبيض
وگذلة نازلة على جبيني

شعري الذهبي زايد شكلي جمال وغرابة
اسبوع وبدت حرب الأختلاف
تأثر على روحي
وبديت انسحب من ذاتي القديمة

لذات جديدة خجولة منطوية مبتعدة
الگذلة الطويلة اللي اخفي بيهة خدي وعيني
ابتعادي وانسحابي للمقعد الأخير

الشي الوحيد اللي يدفعني للدوام
هو مستواية الممتاز
وشطارتي حسب كلام معلماتي
مرحلة على مرحلة

تمر وأمر بتغيرات عمرية
وضروف قاهرة
من أعتقال بابا للحرب لهواية تفاصيل
بنت شخصيتي الممزوجة بالغرابة

علاقتي بأخواتي علاقة ودية لكن سطحية تقريبا
رغم تقربهم مني
وَهج وضَي وفَي
علاقتنا ممكن نتقرب بيها احياناً ونبتعد اخرى

الا شمس
شمس ومنذ اليوم الأول اللي انضمت بي لنفس مدرستي
مبتعدة عني
جانت أمراة صغيرة فعلا
تحب تبين اكبر من عمرهة
متقبل نلتقي داخل المدرسة
ولا نمشي سوية گدام صديقاتها
اللي تعرفت عليهم

مرحلة على مرحلة ومضايقات شمس وصديقتها المفضلة رفل
مشكلة جزء من يومي المدرسي اطلاق الألقاب وحششش المشوهة العورة ام عين وعين وهووواية كلام سلبي
اغلب وقتي