المستهام
"شيماء الدُليمي"
شَنفضهن بَعد و نيابهن حدَن
شاه وبين سبع ذياب شيخَلن
أنا بطرگ العظم والدود بيه أكلن.
_نسمات هوى بارده ورذاذ مطر خفيف وحركة الأشجار كفيله تنقلني لغير عالم وتسوي ضجه داخل راسي
چنت واكفه گدام الشباك ومطلعه ايدي يلي تبللت بسبب رذاذ المطر والهوى يحرك شعري النازل على كتافي غمضت عيني وانا اخذ شهيق علمود انتعش من ريحة المطر تعبت من الوگفه مشيت بخطوات متعبه وروح مسلوبه متجهه على المرايه علمود اسحب الكرسي الگدامهه سحبته وخليته گدام الشباك طفيت ضوى الغرفه فتحت الشباك على وسعه وسحبت جوال وطلعت لطمية للملا باسم كانت تشرح يلي احس بي بهاي اللحظه
گعدت على الكرسي ورفعت رجلي وخليت حنكي عليها وانا اتمعن الجو وادندن ويه القصيده
تجرحني نسمة هوى
وبدموعي خدي أرتوه
ومن عيني نزلن سوى
روحي ودمع وحساس
دموعي نزلت حاره چوت خدي البارد بسبب الجو حطيت راسي بين رجلي وخليت خيط الماضي يتراكض بعقلي ويذكرني بكلشي ممكن يأذي روحي ويسلب جزء جزء من عافيتي
ما طبگن سره طبگن علي كلهن
وكتلني وبعد ما اگدر اكتلهن
وأذا شدن جدامي وشدن الجفين
وگعدن على الصدر
چا بعد شيحلهن؟
ويلتمن علي مشتتات البال
يا عريان گلي شلون تنفضهن؟
صار المطر كُلش قوي دعيت من كل قلبي الله يصبرني ويخليني انسى كُلشي وعيش حياتي مثل ما اريد
بين دعائي ودموعي حسيت على ايد خشنه تحاوط خصري وريحة عطر رجالي مخلوط ويه ريحت الجگاير بالنعناع منطي ريحة مميزه وطيبه
اكثر شي محتاجته بهاي اللحظه وجوده وياي حط حنكه على كتفي وحچه بصوت اقرب للهمس بي حنيه غريبه تحاوط قلبي
::شبيهه بنيتي منو لمزعلهه
:: طلعت شهكه من بين شفايفي وانا اگول تعبتت ساعدني لا تعوفني بعد
وخر راسه من كتفي وگف گدامي رفع راسي ومسح دموعي والقلق واضح على عيونه مرر اصابيعه على خدي وگعد على دچة الشباك بعد ما سده
جلى صوته بي نبرة من الخوف ويباوع علي بتمعن
:: كون التعب بيه ولا بيج شبيج حبيبي؟
::رفعت كتافي وقدمت شفايفي بمعنى ما اعرف
مسح دموعي يلي نزلت مرى ثانيه وباس جفاني
وخلى راسي على صدره ويحرك ايده على شعري ويقره المعوذات بصوت ناصي
أنت تقرأ
المستهام
Romanceذئباً ثائراً مجروحاً من الجميع يرى الحياة في احدى الفراشات التي صادفها اثناء عملهه ولكن ليس من المعقول أن الفراشه تستطيع تحمل الذئب الجريح.
