-باليل-
غيم قاعده تفرفر بجوالها الا وفجأة رساله من شخص مجهول: هلا غيم
انصدمت قررت تقول حق عبد العزيز لاكن ترددت احسن لها تعرف من هو ردت عليه: من انت؟ ومن وين جبت حسابي؟
رد عليها: افا ما عرفتيني
ردت عليه: بلا الغاز وكلام فاضي خلصني
رد عليها: انا فيصل
ردت عليه: خوفتني يا غبي
رد عليها: هههههههه ماكان قصدي
ردت عليه: طيب ما عليه بروح امي تبغاني
سكرت الجوال وراحت لعند امها: هلا شبغيتي
منيره شايله كارتون: ابيك تقولين حق منذر يحط هذولا الملابس حق المحتاجين
شالت غيم الكارتون: طيب
دخلت القسم حق منذر وشافته منسدح وياكل فشار وضحكت عليه: بسم الله شفيك منقلب كذا المهم هذولا حق المحتاجين
جلس منذر: غيم
غيم: هلا
منذر يأشر لها على الكنب بشويش: اجلشي بقول لك شي
غيم خافت لان صوته خفيف: شفيك صاير شي
منذر: اجلسي وبس
جلست غيم جنب منذر وهو ملتفت لها: تخيلي لما رحت انس السوبرماركت شفت زهره
غيم انصدمت: زهره وش جيبها بسم الله
منذر وهو متوتر: وجت سلمت علي ولاكأنها طليقتي ولا بعد قالتلي شرايك ترجعلي والله اني ندمانه
غيم عصبت: وشو اللي ارجعلي لعبه نحن بلعبه ولا وشو
منذر: وطي صوتك شفيك
غيم: ان شفتها مره ثانيه لا تعطيها وجه ذي الغبيه تخونك وتجي تقولك ارجعلي هه غبيه صدق
منذر: خلاص خلاص سكري الموضوع
غيم تأشر على الكارتون: لا تنسيه طيب
طلعت من القسم وراحت عند اهلها جلست
يتبع....
