🪻လာဗင်ဒါလေးမှ.....သူ့ဆီသို့🪻
အခန်း(၂)
ညနေပိုင်းအတန်းပြီးချိန်ကြတော့ ကျောင်းရှေ့ကခုံတန်းလေးမှာချော အကို့ကိုထိုင်စောင့်နေမိသည်....ချောရဲ့သူငယ်ချင်းသူဇာခင်နဲ့ရွက်စိမ်းကသူတို့ပြန်တော့မည်ဖြစ်ကြောင်းချောကိုပြောလာခဲ့သည်။
"ချောကောမပြန်သေးဘူးလား"
"အွန်း အကိုလာကြိုမှာမလို့စောင့်နေတာ.....အကိုနဲ့သွားစရာလေးလည်းရှိလို့"
"အော် အဲ့ဆို ကိုဇေယျာလာမှပဲငါတို့လည်းပြန်တော့မယ် ချောကိုစောင့်ကူရအောင်"
ရွက်စိမ်းကထိုသို့ပြန်ပြောလာတော့သူဇာကလည်းခေါင်းညိမ့်ကာအကိုလာတဲ့အထိချောကိုစောင့်ကူကြသည်။အကိုကအလုပ်ကိစ္စလေးရှိလို့နည်းနည်းလေးနောက်ကျမည်လို့ပြောထားတာမလို့ ကျောင်းဆင်းပြီးမိနစ်20လောက်နေမှအကိုကရောက်လာခဲ့သည်။
"ဟိုမှာ အကိုလာပြီ.....ကျေးဇူးပဲနော်သူဇာနဲ့ရွက်စိမ်း"
"အံမယ် ကျေးဇူးတင်စရာမလိုပါဘူးနော်....ကိုဇေယျာလည်းလာပြီဆိုတော့ငါတို့လည်ပြန်ပြီနော်"
"အွန်း တာ့တာ.."
"တာ့တာ ချော"
အကိုကချောရှိရာသို့ဆင်းလာပြီး ကလေးကိုမိဘတွေကကျောင်းလာကြိုသလိုမျိုးချောလွယ်ထားသည့်ကျောပိုးအိတ်လေးကိုဆွဲယူကာ လက်ကနေဆွဲပြီးကားဆီခေါ်လာခဲ့သည်။
"ကိုယ် နည်းနည်းနောက်ကျသွားတယ်"
"ချောကတော့ အကို့ကိုစိတ်ဆိုးတယ်"
ထိုသို့ဆိုကာနှုတ်ခမ်းလေးစူပြပြီးအကို့ဖွင့်ပေးလာသည့်ကားထဲသို့ဝင်ထိုင်လိုက်သည်။ဇေယျာဟာမျက်ခုံးနှုတ်ဖက်လုံးကိုပင့်လိုက်ပြီးသူ့ရဲ့လာဗင်ဒါလေးရဲ့ပုံစံလေးကိုအသဲယားကာပြုံးလိုက်မိသည်။တစ်ဖက်ဆီမှသူလည်းတက်လိုက်ပြီးချောရဲ့အိတ်လေးကိုကားနောက်ခန်းထဲထည့်လိုက်သည်။ပြီးနောက်လက်ပိုက်လျက်ထိုင်နေသည့်ချောကို ခါးပတ်ကြိုးလေးပတ်ပေးလိုက်သည်။
"စိတ်မဆိုးပါနဲ့ကွာ တကယ် အလုပ်ကိစ္စကအရေးကြီးနေလို့"
"ဒါဆိုချောက အရေးမကြီးဘူးပေါ့လေ ဟုတ်လားအကို"
YOU ARE READING
🪻လာဗင်ဒါလေးမှ.....သူ့ဆီသို့🪻
Fantasyအချိန်တွေကြာလာတော့လည်း အကိုတင်စားခဲ့တဲ့လာဗင်ဒါတွေအတိုင်းပဲ လာဗင်ဒါကတော့ပူဆွေးမှုတွေကိုအတိတ်ကာလမှာ ချန်ခဲ့လိုက်ပါပြီ....သို့ပေမယ့်အကို့ကိုပဲချစ်နေလျက်.... အကို့ရဲ့လာဗင်ဒါလေး....🪻🌿💜 #ကျော်ဇေယျာနိုင်+ချစ်ချောခင် #အလွန်း Start date-16.7.2024 End date...
