كال خطبت مره اني....
عم الصمت المكان شويه وبعدين عمي
وحجه عمي كال شكلت ولك
كال اريد ازوج.........
كال عمي زاجر لا تمسلت بكيفك وعوف هالسوالف عندك مزوج
كال رجال ومن حقي لو حرام.....
كال عمي مستحيل شي الفكره من راسك.....
كال بويه خطبت اني اصلن وبعد اسبوع الملجه
واني علصفنتي جنت اشرب بالعصير من كال هيج
وكع كله على ملابسي
وعيوني تغوركت بالدموع وتنزل بحرارة عالخدي
التفتولي كلهم وكاموا يتعاركون يصيحون هو واخوته وابو
وهويكول لا تدخلون حياتي وحر بيهه....
جريت روحي وحوراء وزهراء يمشن بيه طبيت للغرفه وسديت الباب قفلتهه
حطيت راسي بين رجلي وابجي...
ليش يسوي بيه هيج شسويت انه حتى يائذيني هيجي
يموتني ولا يجيبلي ضره اموت والله.......
ضليت ابجي و اشاهك وهمه صراخهم يعله وينصه
اخر شي سمعتهم طلعوا برة وركبو بالسيارات ومشوا
ضليت بمكاني بس ابجي
فحط كلبي من البجي والنوح.....
ونمت بمكاني
سمعت دك عالباب كمت وفتحتهه
جان عمي وكلهم مجتمعين وهو زاجر يضحك بشماته
وكلهه وجوههم مكولبه......
جرني ومشاني يمه
كعدني
كال بويه امسحيهه بوجهي رايح وخاطب من ناس معروفين وشيوخ عشاير كبار
ورحنه حاولنا نفصخ الخطبه وكاموا علينه
وما قبلو نفصخ الخطبه.......
واني خجلان منج لان صارلج سنه ويانه ماشفنه منج غير كل زين
وما ننسه وكفتج ويه ابنه وشلون خليتي يرجع ويصير احسن من كبل
اباوعله وكال شسويله ربطنه من ادينه ما نكدر نسوي شي
اني بس اسمع ما نطقت بحرف
كمت وكفت وكلت خلي يطلكني ويزوج
ضلو صافنين وكال عمي مستحيل تطلكين مااقبل
ضلين هنا معززة مكرمه ببيتج
كتله اعذرني عمي مااكدر اتحمل رجعني لعمي وكثر الله خيرك....
قفل مارجع لبيت عمي وضل يتوعد بزاجر ويغلط علي وهو ساكت
رجعت لغرفتي مكسورة منهارة مسحت دموعي ما مستاهل ابجي علي
غسلت وجهي شفت الساعه ب١٢ باليل
طلعت ماكو احد
رحت لغرفته ودخلت بدون استاذن
شفته يخابر شافني وسده
كام يصيح شكو ادخل كبل ومنو سمحلي
كتله اسمع كلمتين احجيهن واروح
اول شي ماانسا نكران جميلك طول عمري ٥ أشهر صابرة عليك واهتم بيك
واداريك بس انته ماتستاهل ابد حسافه عليك
ESTÁS LEYENDO
بين انياب الزاجر
Romanceقصه جديده مختلفه من نوعهاا انشالله تنال حسن قرائتكم اتمنى الكم قراءه جيده
