غلاك فقلبي غير

٣٢

بسم الله الرحمن الرحيم

و وداهم بهاج لمطعم راقي و دخلوه و كان صالح بيجلس قدام بهاج لاكن استوقفه بهاج : صالح تعال اجلس جمبي و خلي جود تجلس قدامي
صالح ابتسم : اوكي
جود توترت : لا خليه جمبي عشان اوكله
بهاج : وش توكلينه هذا صالح رجال ياكل بروحه
صالح ابتسم : اي اي انا رجال اكل بروحي كبير
ضحكت جود بتوتر و خفه و جلست قدامه
بهاج : ها شتبون تطلبون
جود بدلع : احس ابي بافلو شرمب
بهاج  بغيره من نضرات الناس : غطي شعرك و امسحي اللي على شفايفك الزفت هذا
جود تبي تشوف غيرته : ليه مو حلو تحس اغيره
بهاج بغيره واضحه و غضب : بتمسحينه ولا انا اللي بمسحه و اهزئك قدام الناس
جود ابتسمت تحاول تزتفزه : امم اوكي
و مسكت المنديل و مسحته ببرود ضحكت بنفسها من شافت نار الغيره من عيون
قالت بنفسها : اكيد يحبك شوفي شلون غيران
بهاج : بس تبين بافلو شرمب
جود بدلع مايلوق الا عليها : احس ابي سلطه بس يكون زياده ليمون احس مشتهيه ليمون وخاليحطون شوي سكر فوقها
بهاج تنرفز من نضرات الناس : تكلمي عدل و بعدين مو مطعم ابوي عشان اتأمر
جود : اوكي ابي سلطه على ذوقك و باللو شرمب انت صالح شتبي
صالح : ابي بطاط و برقر
بهاج : وانا بطلب معك برقر
و جا النادل و اخذ طلبهم
جود قبل يروح النادل بدلع : ابي زيرو بليز
بهاج اشو للمادل لجل يروح و ناضرها بغضب : حسابك بالبيت
جود بأستغباء : ليه شسويت
بهاج بغضب : لا ماسويتي شي
" تسريع خفيف "
كلوا الاكل و حاسبوا و طلعوا للألعاب لجل صالح يلعب و حطوه بمكان خاص لأطفال ( عرفتوه مكان الالعاب حق الاطفال اللي فيه تسلق اذا دخل الطفل ما يطلع الا مع امه او ابوه هذا 😂😂)
و توجهوا يتسوقون
جود : شوف ابي سيفورا و ابي زارا
بهاج بالع موس بسبب حركاتها بالمطعم مجرد هز رأسه بأيه
جود مشت لسيفورا خلفها بهاج
جود مع الموضفه : لو شمحتي ابي حمره حمرا
سمعها بهاج و مسك يدها بقوه و سحبها جمبه يهمس بأذنها: والله ما تشترينها وين بتحطينه اذا شريتيها حدك باب البيت غيره ماتطلعين فيها
جود لفت عليه : لأنك حلفت ماراح اشتريها
جود تكلم الموضفه : خلاص ابي اضاءة رير بيوتي
و كملت تشتري الا ان وصلت لزارا و دخلته و توجه بهاج لقسم الرجالي يشتري له قميص
جود نادت الموضف : لو سمحت في من هذا الفستان مقاس s
الموضف لبناني : اختي انتي خصرك كتير صغير خدي xs افضل بيطلع بيعئد
كان بهاج جايه ياخذ رايها بالقميص اللي بيده و سمع اللي قاله الموضف
و دون يحس يتوجه للموضف اللبناني و يمسك ياقته و يسحبه للأرض و يطيح فيه بكسات
جود انصدمت و حاولت لتبعد بهاج و هي تصرخ : هاج خليه لا يموت
و الكل تجمع يحاول يفرقهم
جود مسكت يده و هي تبكي: خلاص بهاج
بهاج دفها دون يحس و كمل يضرب الموضف جود طاحت و تألمت من يدها اللي دفها فيه
بهاج وقف من شافها تتألم من يدها و ابتعد عن الموضف و مسكها من زندها و قومها
جود ببكي : بهاج ايدي تعورني ابعد
بهاج بغضب و شكله متبهذل : ولا كلمه ماابي اسمع حرف
جود سكتت و هي تتألم و توجه بهاج و اخذ صالح
صالح بوناسه : جود كان واجد وناسه
جود : لا رد و هي جمب بهاج لاانه ماسك يدها 
ركبوا السياره و انطلق بهاج بسرعه جنونيه مو محترم الاشارات و الكامرات
جود و هي متسمكه بالباب و دمعته بطرف عينها : بهاج تكفى خفف صالح معانا
بهاج لف عليها يشوف شكلها و ميف خايفه لاكن هو اذا عصب او غار نا يشوف قدامه : ماابي اسمع حسك
جود تمسكت بالباب اكثر من زاد سرعته
صالح قريب يبكي : بابا واجد سريعه السياره
خفف بهاج السياره لجل صالح
بعد ما وصلوا البيت نزلت جود قبله و هي زعلانه من اللي سواه و نزل صالح وراها
جود وهي ماسكه اعصابها : صالح قول لآن تغير لك و روح نام
صالح : اوكي جودي
نزل بهاج و غترته على كتفه و عقاله على راسه و لحقها
جود تصعد الدرج متوجهة لغرفته تاخذ لبسها و ترجع لغرفتها
دخلت غرفت بهاج و طلعت لها بجامه ورديه حرير  و لبستها و تعطرت
و خذت كل لبسها طالعه لغرفته لاكن استوقفها صوته
بهاج بغضب : على وين
جود ماردت عليه و توجهت لغرفتها تحط لبسها و ترجع تاخذهم من غرفته وسط نضراته جت بتطلع بعد ما تأكدت لاكن مسكها بهاج
بهاج : خلصتي كل لبسك يرجع هنا و الحين
جود لفت عليه و حطت عينها بعينه : ماراح يرجع شي
بهاج : جود لاتخليني اسوي شي مايعجبك اخلصي
جود : وش بتسوي ها ماراح ارجع شي ابعد عني ماابي اشوفك ولا اسمعك ابعد
و ابتعدت عنه و توجهت لغرفتها و هي متضايقه و ماسكه جوالها و اتصلت على اختها اريام
اريام : هلا بالقاطعه
جود بضيقه : هلا فيك
اريام حست ان في شي : شفيك
جود سردت لها القصه و هي تبكي
اريام تضايقت عليها : ياحبيبتي اصبري والله انا متأكده انه يحبك
جود : كيف يحبني كيف فهميني
اريام : ياغبيه كيف ما يحبك اذا مايحبك ماراح يغار و هو غار عليك من الموضف
جود مسحت دموعها : طيب بنزل اسوي لي قهوة و ارجع اتصل عليك
اريام : مجنونه قهوة اخر الليل
جود : عادي الساعه ١ باخذ منوم
اريام : ترا مب زينه ذي المنومات
جود : طيب شوي و اكلمك
ومسكت جوالها و نزلت بخفه للمطبخ
بهاج كان جالس بالحديقه يهوجس فيها و يفكر كيف يراضيها و يدخن زقاره ورا زقاره الى ان سمع صوتها بالمطبخ تسوي لها قهوة
مشى لها بخفه يشوفها تسوي قهوة راح وراها بخفه
جود : خافت من حست بجسد ضخم خلفها و انفاسه الحاره شهقت من حست يده على خصرها يشد عليه
بهاج يهمس بأذنها : اضربيني و عاتبيني لاكن لا تتجاهليني ماقدرت استحمل غيرتي اشوفه يتغزل بممتلكاتي وبخصرك و اسكت
جود لفت عليه و حطت يدها على صدره تحاول تدفه لاكن ماقدرتبسبب قوتها و بنيته ثبت يدها على صدره
جود نزلت دمعتها : ابعد عني خلاص ماابي اكلمك
و طلعت من المطبخ و توجهت لغرفتها و نامت